ကျေးကုလား (ငှက်)
ကျေးကုလားကို မြန်မာနိုင်ငံတွင် မေမြို့တဝိုက်နှင့် ပဲခူးရိုးမတောင်တန်းတဝိုက်တွင် တွေ့ရသည်။ [2]ကျေးကုလားသည် ကွင်းပြင်ကို ရှောင်၍ ကျွန်းတောများတွင် ကျက်စားသည်။ ပေ ၅ဝဝဝ အမြင့်အထိ နေနိုင်သည်။ [3]
ကျေးကုလား | |
---|---|
သဘာဝထိန်းသိမ်းခြင်း အခြေအနေ | |
မျိုးရိုးခွဲခြားခြင်း | |
လောက: | Animalia |
မျိုးပေါင်းစု: | Chordata |
မျိုးပေါင်း: | Aves |
မျိုးစဉ်: | Psittaciformes |
မျိုးရင်း: | Psittacidae |
မျိုးဇာတ်: | Psittaculini |
မျိုးစု: | Psittacula |
မျိုးစိတ်: | P. finschii |
ဒွိနာမ | |
Psittacula finschii (Hume, 1874) | |
ဦးခေါင်းမှာ ကျောက်သင်ပုန်းရောင်ကဲ့သို့ မဲနေ၏။ ထို့ကြောင့်လည်း ကျေးကုလားကို အင်္ဂလိပ်ဘာသာဖြင့် “ကျောက်သင် ပုန်းရောင်ဦးခေါင်းရှိသော မြန်မာကြက်တူရွေး” ဟု ခေါ်ခြင်း ဖြစ်၏။
ကျေးကုလားသည် အလျား (၁၈)လက်မ အထိ ရှိတတ်ပြီး ကျယ်လောင်စူးရှစွာ အော်မြည်လေ့ရှိ၏။ အထီး၏တောင်အပံမှာ အနီစက်ရှိ၍ အမ၏ တောင်ပံမှာ အနီစက်မရှိချေ။ တကိုယ်လုံး စိမ်းနေတတ်ပြီး အခါလည်သားမှ ဦးခေါင်းမည်းလာပါတယ်တဲ့။
ကျေးကုလားဆိုသည်မှာ ၎င်းကြက်တူရွေးမျိုးကို ခေါ်ခြင်း ဖြစ်၏။ အဖိုကို ကျေးကုလားဟု ခေါ်ပြီး အမကို ကျေးကုလားမ ဟု ခေါ်ခြင်းမဟုတ်ပေ။ ၎င်းကြက်တူရွေးမျိုး အဖိုရော အမကိုပါ ကျေးကုလားဟု ခေါ်ခြင်း ဖြစ်လေသည်။ ကျေးကုလားမဟူသော ကြက်တူရွေးမျိုးမှာ သီးခြားရှိပေသည်။ [4]
ကိုးကား
- BirdLife International (2013). "Psittacula finschii". IUCN Red List of Threatened Species 2013. IUCN.
- မောင်ဝင်းနိုင်၏ တိရစ္ဆာန်ဥယျာဉ်နှင့် တိရစ္ဆာန်များစာအုပ်
- မြန်မာ့စွယ်စုံကျမ်း၊ အတွဲ(၂)
- မောင်ဝင်းနိုင်၏ တိရစ္ဆာန်ဥယျာဉ်နှင့် တိရစ္ဆာန်များစာအုပ်