စက္ကူနှင့်အိမ်သုံးပစ္စည်းလုပ်ငန်း

စက္ကူနှင့် အိမ်သုံးပစ္စည်းလုပ်ငန်းသည် စက်မှု ဝန်ကြီးဌာနလက်အောက်ရှိ စက်မှုလုပ်ငန်းများအနက် တစ်ခုဖြစ်ပြီး (၂၀၁၂) ခုနှစ် ဧပြီလ(၄)ရက် နေ့မှစ၍ မြန်မာ့စက္ကူနှင့် ဓာတုဗေဒလုပ်ငန်း နှင့် မြန်မာ့အိမ်သုံးပစ္စည်းလုပ်ငန်းတို့ကို ပူးပေါင်းဖွဲ့စည်းခြင်းဖြစ်သည်။ စက္ကူနှင့် အိမ်သုံးပစ္စည်းလုပ်ငန်းမှ အဆင့်မြင့်စက္ကူပျော့ဖတ်အမျိုးမျိုး၊ စာရေးစက္ကူ နှင့် ပုံနှိပ်စက္ကူ အမျိုးမျိုး၊ထုပ်ပိုးစက္ကူ၊ သတင်းစာစက္ကူ၊ ဟိုက်ဒရိုဂျင်ပါအောက်ဆိုဒ်၊ စက်ဘီး၊ အိမ်သုံးပစ္စည်းအမျိုးမျိုး (စတီးလ်၊ ပလတ်စတစ်နှင့် ကြွေရည်စိမ်)၊ အပ်ချုပ်စက် အမျိုးမျိုး စသည့်ထုတ်ကုန်ပစ္စည်းများ ထုတ်လုပ်လျက်ရှိသည်။