စက်မှုသင်တန်းကျောင်း(ဆင်တဲ)
သင်ကြားမှုအထောက်အကူပြု စက်ပစ္စည်းကိရိယာနှင့် နည်းပညာများအတွက် ပြည်ထောင်စုသမ္မတ ဂျာမနီနိုင်ငံ၏ အထောက်အပံ့ကို German Agency for Technical Cooperation – GTZ / German Foundation for International Development - DSE အဖွဲ့အစည်းက စက်မှုဝန်ကြီးဌာနနှင့်အတူ ၁၉၇၇ ခုနှစ်မှစတင်၍ ပူးပေါင်းအကောင်အထည်ဖော် ဆောင်ရွက်ခဲ့ခြင်း ဖြစ်ပါသည်။ အမှတ်စဉ်(၁) သင်တန်းကို (၁-၁၂-၁၉၇၉) ရက်နေ့တွင် စတင် ဖွင့်လှစ်ခဲ့ပြီး နိုင်ငံခြားပညာရှင်များ (၄)နှစ်ခန့် နေထိုင်၍ လေ့ကျင့်သင်ကြားမှုများကို လမ်းညွှန် ပြသခဲ့ပါသည်။ မြန်မာနည်းပြ (၂၀) ဦးကိုလည်း စာတွေ့ဘာသာသင်ကြားမည့် နည်းပြများအား (၁)နှစ်စီဖြင့် လည်းကောင်း၊ လက်တွေ့ ဘာသာသင်ကြားမည့် နည်းပြများအား (၂) နှစ်စီဖြင့် လည်းကောင်း ပြည်ထောင်စုသမ္မတဂျာမနီနိုင်ငံတွင် လေ့ကျင့်သင်ကြားပေးခဲ့ပါသည်။
တည်နေရာ
စက်မှုသင်တန်းကျောင်း(ဆင်တဲ)သည် ပဲခူးတိုင်းဒေသကြီးအနောက်ပိုင်း၊ ပြည်ခရိုင်၊ ပန်းတောင်းမြို့နယ်တွင် တည်ရှိပြီး ရန်ကုန်မှ (၂၂၇)ကီလိုမီတာအကွာတွင် တည်ရှိပါသည်။
အထောက်အပံ့တန်ဘိုး
ဂျာမန်မတ်ငွေ( ၂၅.၅၄၂ )သန်းနှင့် နိုင်ငံတော်မှ စိုက်ထုတ်ငွေ ဂျာမန်မတ်ငွေ (၁၀.၂၄၁)သန်း ဖြစ်ပါသည်။
သင်တန်းကာလ
သင်တန်းကာလမှာအောက်ပါအတိုင်းဖြစ်ပါသည် -
- သင်တန်းအမှတ်စဉ် (၁) မှ (၁၅) အထိ - ၃နှစ်
- သင်တန်းအမှတ်စဉ် (၁၆) မှ (၂၇) အထိ - ၂နှစ်
- သင်တန်းအမှတ်စဉ် (၂၈) မှ ယခုအမှတ်စဉ် (၃၃) အထိ - ၁ နှစ်
- သင်တန်းအမှတ်စဉ် (၃၂) အထိ သင်တန်းဆင်းပြီးဦးရေမှာ (၃,၅၀၆) ဦးဖြစ်ပါသည်။
သင်ကြားသောဘာသာရပ်များနှင့် သင်တန်းသားအရေအတွက်
- စက်ကိရိယာကိုင်တွယ်မောင်းနှင်မှုသင်တန်း - ၃၀ ဦး
( Machine Tool Operator Course )
- ကိရိယာနှင့် ပုံနှိပ်ပုံပြုလုပ်သူသင်တန်း - ၁၅ ဦး
( Tool and Die Maker Course)
- စက်ရုံပစ္စည်းဖစ်တာသင်တန်း - ၃၀ ဦး
( Machinery Fitter Course )
- မော်တော်ယာဉ်မက္ကင်းနစ်သင်တန်း - ၃၀ ဦး
( Motor Vehicle Mechanic Course)
- လျှပ်စစ်ပညာသည်သင်တန်း - ၃၅ ဦး
( Electrical Fitter Course)
- (၆) လျှပ်စစ်စက်ပစ္စည်းထုတ်လုပ်သူသင်တန်း - ၃၅ ဦး
( Electrical Machine Maker Course)
- (၇) သွန်းလောင်းပုံသွင်းပုံစံထုတ်လုပ်သူသင်တန်း - ၁၅ ဦး
( Pattern Maker Course )
- (၈) စက်မှုပုံဆွဲသင်တန်း - ၁၀ ဦး
( Mechanical Draughtsman Course)
- စုစုပေါင်း သင်တန်းသားဦးရေ (၂၀၀) ဦး ဖြစ်ပါသည်။