စစ်တောင်းမြို့ဟောင်း

စစ်တောင်းမြို့ဟောင်းသည် ဟံသာဝတီ (၃၂)မြို့စာရင်းပါ မြို့ဟောင်းတစ်ခုဖြစ်ခဲ့သည်။ ခံတပ်မြို့တစ်ခုဖြစ်ဟန် လက္ခဏာရှိသည်။ မြို့ဟောင်း၏အရှေ့ဘက်မြို့ရိုးအပိုင်းတွင်သာ မြို့ရိုး များကို အပီပြင်ဆုံးတွေ့ရသည်။ စစ်တောင်းသည် ကုန်းခေါင်ခေါင် တောင်ကမူတစ်ခုကို ဖွဲ့စည်း အပ်သည့်မြို့ဟောင်းဖြစ်သဖြင့် ရိုးရိုးမြို့ထက် ခံတပ်မြို့အသွင်ဆောင်သည်။

တည်နေရာ

စစ်တောင်းမြို့ဟောင်းသည် မြောက်လတ္တီတွဒ် ၁၇ ဒီဂရီ ၂၇.၅ မိနစ်နှင့် လောင်ဂျီတွဒ် ၉၆ဒီဂရီ ၃၅မိနစ်တွင် တည်ရှိသည်။ ရန်ကုန်-မော်လမြိုင်မီးရထားလမ်းဟောင်းသည် စစ်တောင်း မြို့ဟောင်းကိုဖြတ်၍သွားသည်။ ယခင်စစ်အတွင်းက ဗုံးကြဲဖျက်ဆီးခံရသည့် စစ်တောင်းတံတား ကြီးသည် စစ်တောင်းမြို့ဟောင်းထိပ်နှင့် ဆက်သည့်တံတားပင်ဖြစ်သည်။ ယခုစစ်ပြီးခေတ်၌ စစ်တောင်းတံတားသစ်ကြီးမှာ တံတားဟောင်းထက် မြောက်ဘက်ပို၍ ကျစွာတည်ဆောက်ခဲ့ သဖြင့် ရထားလမ်းလည်း စစ်တောင်းမြို့ဟောင်းကို ဖြတ်၍မသွားတော့ပေ။ မြို့အကျယ်ရှေ့ နောက်မီတာ ၈၀ဝ ကျော်ခန့်နှင့် တောင်မြောက်မီတာ ၅၀ဝခန့်ရှိပေသည်။ မြို့ရိုးတစ်ပတ်လုံး၏ အလျားမှာ ၂၃၇၅ မီတာ (၂ကီလိုမီတာနှင့် မီတာ ၃၇၅ခန့်)ရှိသည်။ တောင်နှင့်မြောက်အကျဉ်း ဆုံးနေရာတွင် ၃၇၅မီတာခန့်ရှိလေသည်။

ပုံသဏ္ဌာန်

စစ်တောင်းမြို့ဟောင်းသည် ကုန်းမြင့်တောင်ကမူကို အမှီပြု၍ ဖွဲ့စည်းတည်ထားသည့် မြို့တစ်မြို့ဖြစ်သဖြင့် ခံတပ်မြို့တစ်မြို့၏ အသွင်အပြင်သာရှိသည်။ မြို့၏ ပုံသဏ္ဌာန်မှာလည်း ကုန်းမြင့်တောင်ကမူ၏ အနေအထားအရ ကွေးဝိုင်းကွေ့ဝိုက်သည့်ပုံပင်ဖြစ်နေပေသည်။ ဤသို့ ကွေးဝိုင်းမှုသည် မြေမျက်နှာပြင်အနေအထားအရ တည်ဆောက်ရခြင်းဖြစ်သဖြင့် အလွန်ရှေး ကျသည်။ စောသည်ဟုဆိုရန်ခက်ပေသည်။ စစ်တောင်းမြို့ဟောင်း၏ ပုံသဏ္ဌာန်မှာ ကုန်းကမူ တစ်ခုကို ငုံ၍တည်ဖွဲ့ထားသည့် မြို့ဟောင်းတစ်ခုဖြစ်သည်။ ကုန်းပေါ်၌ စေတီကြီးတစ်ဆူရှိ၏။ ဤဘုရားကြီးမှာ စစ်တောင်းမြို့ဟောင်း အတွင်းရှိအဓိကရဘုရားကြီးပင်ဖြစ်ချေသည်။

ပွန်းတီးမှု

မြို့ရိုးသည် မြို့ဟောင်း၏ အရှေ့ဘက်ပိုင်းတွင်သာ ပီပြင်ထင်ရှားရှိသည်။ ကျန်အပိုင်း များထင်ရှားမှု မရှိလှ။ ပွန်းတီးမှုရှိသင့်သလောက်ရှိခဲ့သည်။ အရှေ့ဘက်မြို့ရိုး၏ အနေအထား နှင့် တည်ဆောက်မှုကို လေ့လာခြင်းဖြင့် ရေကျုံးဖြင့်ဖွဲ့စည်းအပ်သော မြို့ရိုးမဟုတ်ဘဲ ချောက်ကျုံးဖြင့် ဖွဲ့စည်းသည့် မြို့ဖြစ်ကြောင်းကောက်ချက်ချနိုင်ပေသည်။ [1]

ကိုးကား

https://www.facebook.com/notes/maung-maung-than/%E1%80%85%E1%80%85%E1%80%B9%E1%80%B1%E1%80%90%E1%80%AC%E1%80%84%E1%80%B9%E1%80%B8%E1%81%BF%E1%80%99%E1%80%AD%E1%80%B3%E1%82%95%E1%80%B1%E1%80%9F%E1%80%AC%E1%80%84%E1%80%B9%E1%80%B8/284856421542124

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] ttps://www.facebook.com/notes/maung-maung-than/%E1%80%85%E1%80%85%E1%80%B9%E1%80%B1%E1%80%90%E1%80%AC%E1%80%84%E1%80%B9%E1%80%B8%E1%81%BF%E1%80%99%E1%80%AD%E1%80%B3%E1%82%95%E1%80%B1%E1%80%9F%E1%80%AC%E1%80%84%E1%80%B9%E1%80%B8/284856421542124