စတမ်းဖို့ တံတား (ဘောလုံးကွင်း)

စတမ်းဖို့ တံတား (အင်္ဂလိပ်: Stamford Bridge; /ˈstæm.fərd ˈbrɪdʒ/) သည် အင်္ဂလန်နိုင်ငံ လန်ဒန်မြို့ ဖူဟမ်ဒေသတွင် တည်ရှိသော ဘောလုံးအားကစားကွင်းဖြစ်သည်။ အဆင့်မြင့်တန်း ချဲလ်ဆီးဘောလုံးအသင်း၏ အိမ်ကွင်းဖြစ်သည်။ ကွင်းလူဝင်ဆံ့မှုမှာ ၄၁,၆၆၃ ဦးဖြစ်ပြီး ပရီးမီးယားလိဂ်၏ ၈ ခုမြောက် အကြီးမားဆုံးကွင်းဖြစ်သည်။ ချဲလ်ဆီးအသင်းမှ ကွင်း လူဝင်ဆံ့မှုကို ၆၀,၀၀၀ အထိ ရောက်အောင် ၂၀၂၁-၂၀၂၂ ရာသီတွင် တိုးမြှင့်ရန် အစီအစဉ်ဆွဲနေသည်။[3] ကွင်းချဲ့နေစဉ်အတွင်း ချဲလ်ဆီးသည် ဝင်ဘလေကစားကွင်းကို အိမ်ကွင်းအဖြစ် ပြောင်းလဲကစားသွားမည် ဖြစ်သည်။[4]

စတမ်းဖို့ တံတား
Stamford Bridge
"The Bridge"
အမည်စတမ်းဖို့ တံတား
တည်နေရာဖူဟမ်
လန်ဒန်မြို့၊ တမ်းပလိတ်:Postcode
အင်္ဂလန်နိုင်ငံ
ကိုဩဒိနိတ်51°28′54″N 0°11′28″W
အများသုံး သယ်ယူပို့ဆောင်ရေး Fulham Broadway
ပိုင်ဆိုင်သူချဲလ်ဆီးကွင်းပိုင်ရှင်များ ကုမ္ပဏီ
စီမံခန့်ခွဲသူချဲလ်ဆီးဘောလုံးအသင်း
Executive suites၅၁
ဝင်ဆံ့ပမာဏ၄၁,၆၆၃
အများဆုံး လာရောက်မှု၈၂,၉၀၅
ကွင်းအရွယ်၁၀၃ x ၆၇ မီတာ (၁၁၂.၆ x ၇၃.၂ ကိုက်)
မျက်နှာပြင်Desso GrassMaster[1]
တည်ဆောက်ခြင်း
တည်ဆောက်၁၈၇၆
ဖွင့်လှစ်၂၈ ဧပြီလ ၁၈၇၇[2]
ပြင်ဆင်၁၉၀၄-၁၉၀၅၊ ၁၉၉၈
ဗိသုကာArchibald Leitch (၁၈၈၇)
ငှားရမ်းသူ
လန်ဒန်အားကစားကလပ် (၁၈၇၇–၁၉၀၄)
ချဲလ်ဆီးဘောလုံးအသင်း (၁၉၀၅–)
London Monarchs (NFL Europe) (၁၉၉၇)

ဤကစားကွင်းကို ၁၈၇၇ခုနှစ်တွင် စတင် ဖွင့်လှစ်ခဲ့ပြီး လန်ဒန်အားကစားကလပ်မှ အသုံးပြုခဲ့သည်။ ၁၉၀၅ ခုနှစ်တွင် ပိုင်ရှင်အသစ် ဂူး မီးယားစ်က ချဲလ်ဆီးဘောလုံးအသင်းကို တည်ထောင်ပြီး ယင်းအသင်း၏အိမ်ကွင်းအဖြစ် ယနေ့တိုင် အသုံးပြုခဲ့သည်။ နှစ်များစွာအတွင်း ကွင်းကို အကြိမ်များစွာ ပြုပြင်မှုများ ပြုလုပ်ခဲ့ပြီး ၁၉၉၀ပြည့်နှစ်များတွင် ပြေးခုန်ပစ် ပြေးလမ်းကို ဖျက်သိမ်းခြင်း၊ ပရိတ်သတ်အားလုံးအတွက် ထိုင်ခုံများ တပ်ဆင်ခြင်း၊ အမိုးတပ်ဆင်ခြင်းတို့ ပြုလုပ်ခဲ့သည်။ စတမ်းဖို့ တံတားဘောလုံးကွင်းကို အင်္ဂလန်နိုင်ငံတကာပွဲများ၊ အက်အေဖလား ဗိုလ်လုပွဲများ၊ ချာရတီဒိုင်း ပွဲများ ကျင်းပရန် ကွင်းအဖြစ်လည်း အသုံးပြုခဲ့သည်။ ကစားကွင်း၏ တရားဝင် အများဆုံး ပွဲကြည့်ပရိတ်သတ် ဦးရေမှာ ၈၂,၉၀၅ ဦးဖြစ်ပြီး ၁၂ အောက်တိုဘာလ ၁၉၃၅ ခုနှစ်တွင် ကျင်းပသော ချဲလ်ဆီးနှင် အာဆင်နယ်အသင်းတို့၏ပွဲတွင် ဖြစ်သည်။

ကိုးကား
  1. Stamford Bridge is getting a technical makeover this summer - We Ain't Got No History
  2. Stadium History Archived 12 May 2012 at the Wayback Machine. chelseafc.com
  3. "Chelsea get permission for new expanded Stamford Bridge stadium"၊ The Guardian၊ 12 January 2017။ 27 January 2017 တွင် ပြန်စစ်ပြီး။
  4. Chelsea’s new stadium at Stamford Bridge still at least five years away - We Ain't Got No History
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.