နန်ယန်းနည်းပညာတက္ကသိုလ်

နန်ယန်းနည်းပညာတက္ကသိုလ် (Nanyang Technological University, Singapore)သည် စင်ကာပူနိုင်ငံရှိ ဒုတိယသက်တန်းအရှည်ဆုံး အများနှင့်သက်ဆိုင်သည့် ကိုယ်ပိုင်အုပ်ချုပ်ခွင့်ရှိသော သုတေသနတက္ကသိုလ်တစ်ခုဖြစ်သည်။ ဤတက္ကသိုလ်ကို NTU(အဲန်တီယူ)ဟုလည်း အတိုကောက်ခေါ်ကြသည်။ NTU သည် QS၏ ကမ္ဘာ့တက္ကသိုလ်များ စံခွဲအဆင့်စီစဉ်ခြင်းအရ သက်တန်း ၅၀-နှစ်ထက်နည်းသော တက္ကသိုလ်များအားလုံးကဏ္ဍ(QS Top 50 Under 50)၏ စာရင်းတွင် အဆင့် ၁ အဖြစ်သို့ ၂၀၁၅ ခုနှစ်တွင် စတင်ရောက်ရှိပြီး၊ နောက်ဆုံး (၂၀၂၀၊ ဇွန်လတွင် ထုတ်ပြန်သည့်) ၂၀၂၁-ခုနှစ်စာရင်း အထိ အဆင့် ၁ တွင် ၇-နှစ်တိုင်တိုင် ဆက်တိုက်ရှိနေခဲ့သည်။[5] အဆိုပါ စံခွဲစီစဉ်ခြင်း၏ အခြားကဏ္ဍတစ်ခုဖြစ်သော (သက်တန်းကန့်သတ်ချက်မပါသော) ကမ္ဘာ့တက္ကသိုလ်များအားလုံး ကဏ္ဍ၏စာရင်းတွင်မူ အဆင့် ၁၃ တွင်ရှိနေကြောင်းကို ၂၀၂၀၊ ဩဂုတ်လမှတ်တမ်းအရ သိရသည်။[6] (နှိုင်းယှဉ်ကြည့်မည်ဆိုလျှင် ဤကဏ္ဍ၏ အဆင့် ၁ တက္ကသိုလ်မှာ မက်ဆာချူးဆက် စက်မှုတက္ကသိုလ်(MIT)ဖြစ်ပြီး၊ အဆင့် ၁၁ တွင် စင်ကာပူအမျိုးသားတက္ကသိုလ်(NUS)၊ အဆင့် ၁၂-တွင် ပရင်းစတန်တက္ကသိုလ်(Princeton University)တို့ အသီးသီးရှိကြသည်။) ၎င်းတွင် (၂၀၂၀၊ ဩဂုတ်လမှတ်တမ်းအရ) အချိန်ပြည့် ကျောင်းတက်သည့် ကျောင်းသား(full-time enrolled students)ပေါင်း ၂၃,၉၅၁ ဦး နှင့် အချိန်ပြည့် သင်ကြားရေး ဝန်ထမ်း(full-time teaching staff)ပေါင်း ၃၈၄၆ ဦး ရှိသည်။[6]

စင်ကာပူနိုင်ငံ နန်ယန်းနည်းပညာတက္ကသိုလ် (Nanyang Technological University, Singapore)
Universiti Teknologi Nanyang  (Malay)
南洋理工大学 (တရုတ်)
நன்யாங் தொழில்நுட்ப பல்கலைக்கழகம் (တမီးလ်)
ယခင်အမည်များ
Nanyang Technological Institute (1981-1991)
အမျိုးအစားကိုယ်ပိုင်အုပ်ချုပ်ခွင့်ရှိတက္ကသိုလ် (Autonomous university)[1]
တည်ထောင် ဩဂုတ် ၁၉၈၁ (၁၉၈၁-၀၈-01) (Nanyang Technological Institute)
 ဇူလိုင် ၁၉၉၁ (၁၉၉၁-၀၇-01) (Nanyang Technological University)
ပံ့ပိုးမှုS$၂၃၀၀ သန်း (US$၁၈၀၀ သန်း)[2]
အဓိပတိHalimah Yacob
ဥက္ကဋ္ဌSubra Suresh
စီမံခန့်ခွဲရေး အရာရှိLing San
ဆရာဦးရေ
၁,၇၇၅[3]
ဝန်ထမ်းဦးရေ
၆,၆၀၈[3]
သင်တန်းသား၃၁,၆၈၇
ဘွဲ့ကြိုဦးရေ၂၃,၆၆၅
ဘွဲ့လွန်ဦးရေ၈,၀၂၂
တည်နေရာJurong West, စင်ကာပူနိုင်ငံ
1°20′41″N 103°40′53″E
ပရဝုဏ်၂.၀ km2 (၀.၇၇ sq mi)[4]
အထိမ်းအမှတ် အရောင်    
    
နှီးနွယ်အဖွဲ့အစည်းများAssociation of Pacific Rim Universities, WA, ASAIHL, AUN, ACU, DAAD, Global Alliance of Technological Universities, UAiTED
ဝဘ်ဆိုဒ်www.ntu.edu.sg

ဖွဲ့စည်းပုံ

နန်ယန်းနည်းပညာတက္ကသိုလ်ကို ဖွဲ့စည်းထားရာ၌ ကောလိပ်များ၊ ကျောင်းများနှင့် အင်စတီကျုများပါဝင်သည်။

တို့ အဓိကပါဝင်သည်။[7]

၎င်းတို့အပြင် အောက်ပါ အခြားကိုယ်ပိုင်အုပ်ချုပ်ခွင့်ရ အင်စတီကျုများ(Autonomous Institute)လည်း ဤတက္ကသိုလ်အောက်တွင် ရှိသေးသည်။

တို့ဖြစ်ကြသည်။[8]

တက္ကသိုလ်နယ်မြေများ

နန်ယန်းနည်းပညာတက္ကသိုလ်၏ ပင်ရင်းနယ်မြေဖြစ်သော ယူနန်ပန်းခြံနယ်မြေ (Yunnan Garden Campus) သည် ၂၀၀ ဟက်တာ (၄၉၀ ဧက) ကျယ်ဝန်းပြီး စင်ကာပူနိုင်ငံတွင် နေရာအကျယ်ဆုံးတက္ကသိုလ်ကျောင်း ဖြစ်သည်။[9] ဤပင်ရင်းနယ်မြေသည် စင်ကာပူနိုင်ငံ၏ အနောက်ပိုင်းတွင် တည်ရှိပြီး၊ လိပ်စာမှာ "50 Nanyang Avenue, Singapore 639798" ဖြစ်သည်။ ဤတက္ကသိုလ်တွင် Novena Campusနှင့် One-north Campusဟုခေါ်သော အခြားနယ်မြေနှစ်ခုလည်း ရှိသေးသည်။

တက္ကသိုလ်နယ်မြေရှုခင်းနှင့် ဗိသုကာလက်ရာများ

နန်ယန်းနည်းပညာတက္ကသိုလ်ကို ကမ္ဘာ့အလှဆုံးတက္ကသိုလ်များစာရင်းသို့ "Travel + Leisure"မဂ္ဂဇင်းမှ ထည့်သွင်းထားပြီး၊ ထိုဆောင်းပါး၏ ရည်ညွှန်းပုံတွင် အနုပညာ၊ ဒီဇိုင်းနှင့် မီဒီယာကျောင်း (School of Art, Design and Media)၏ အဆောက်အဦး (the ADM building)ကို သရုပ်ပြထားသည်။[10] ဤအဆောက်အဦး (the ADM building) ကို စင်ကာပူနိုင်ငံသား ဗိသုကာပညာရှင်တစ် ဦးဖြစ်သူ Lee Cheng Wee က ဒီဇိုင်းပြုလုပ်ထားသည်။[11]

တိုင်းမ်စ်အဆင့်မြင့်ပညာရေး(Times Higher Education)မဂ္ဂဇင်း၏ ၂၀၁၈-ခုနှစ်မှ ဆောင်းပါးတစ်ခုဖြစ်သော အရှေ့အာရှရှိ အလှဆုံးတက္ကသိုလ် ၁၀-ခု စာရင်းတွင် နန်ယန်းနည်းပညာတက္ကသိုလ် ပါဝင်ခဲ့ပြီး၊ အဆိုပါဆောင်းပါးတွင် ပြားအုံဟု အမည်ပေးထားသော "the Learning Hub building" ကို သရုပ်ပြအဆောက်အဦးအနေဖြင့် ထည့်သွင်းပြထားသည်။[12] ၎င်းအဆောက်အဦးကို ဗြိတိသျှလူမျိုး ဗိသုကာပညာရှင် သောမတ်စ်ဟယ်သာဝစ်ခ် (Thomas Heatherwick)မှ ဒီဇိုင်းရေးဆွဲခဲ့သည်။[13]

ပြားအုံ သို့မဟုတ် The Learning Hub building

နန်ယန်းနည်းပညာတက္ကသိုလ်သည် (NTIဟု ခေါ်စဉ်ကာလ) ၁၉၈၁ နှင့် ၁၉၈၂ ကြားကာလအတွင်း၌ ပင်ရင်းနယ်မြေ ကျောင်းဝင်းအပြင်အဆင် ရှုခင်းဖန်တီးခြင်းနှင့် ထိုစဉ်က အဓိကကျောင်း ပင်မအဆောက်အဦးဖြစ်သည့် နော့သ်စပိုင်း(မြောက်ကျောရိုး သို့ North Spine)ကို ဗိသုကာပညာ ပရစ်စကာဆု(၁၉၈၇)ရရှိခဲ့သည့် ကမ္ဘာကျော်ဂျပန်ဗိသုကာပညာရှင် တန်ဂေးကဲန်ဇိုမှ ဒီဇိုင်းပြုလုပ်ထားသည်။[14] ၎င်းနော့သ်စပိုင်းကို ၁၉၈၆-ခုနှစ်မှ ဆောက်လုပ်ပြီးစီးခဲ့ပြီး တရားဝင်ဖွင့်လင့်ခဲ့သည်။[15]

နော့သ်စပိုင်း(North Spine)ထိပ်ပိုင်းမြင်ကွင်း (လီဝီးနမ်စာကြည့်တိုက်ရှိရာနေရာ)

ယူနန်ပန်းခြံနယ်မြေ (ပင်ရင်းနယ်မြေ)

ဘွဲ့ကြိုကျောင်းသား နေထိုင်ဆောင်များ

နန်ယန်းနည်းပညာတက္ကသိုလ်တွင် ဘွဲ့ကြိုကျောင်းသားများ နေထိုင်ရန်အတွက် ကျောင်းဆောင်ပေါင်း ၂၄-ဆောင်ရှိပြီး၊ တစ်ဆောင်လျှင် ကျောင်းသားဦးရေ ၅၀၀ မှ ၆၅၉-ဦးအထိ ဆန့်သည်။ ဒေသခံနှင့် နိုင်ငံတကာကျောင်းသားစုစုပေါင်း ၁၄,၀၀၀ အထိ နေရာထိုင်ခင်းပေးနိုင်သည်။[16]

NTU ကျောင်းသား နေထိုင်ဆောင်တစ်ခု

ကိုးကား

  1. Post-secondary education Ministry of Education, Singapore။ 2008-04-05 တွင် မူရင်းအား မော်ကွန်းတင်ပြီး။ 11 June 2015 တွင် ပြန်စစ်ပြီး။
  2. Nanyang Technological University: A Stellar Year Annual Report 2012 Nanyang Technological University (Feb 2013)။
  3. Facts and Figures: 2018 Faculty and Staff population Nanyang Technological University။
  4. Nanyang Technological University (NTU) sguni။ 30 December 2013 တွင် မူရင်းအား မော်ကွန်းတင်ပြီး။
  5. QS Top 50 Under 50 2021 (2020-06-24)။ 2020-07-31 တွင် မူရင်းအား မော်ကွန်းတင်ပြီး။ 2020-08-04 တွင် ပြန်စစ်ပြီး။
  6. Nanyang Technological University, Singapore (NTU) : Rankings, Fees & Courses Details | Top Universities (2020-07-03)။ 2020-06-12 တွင် မူရင်းအား မော်ကွန်းတင်ပြီး။ 2020-08-04 တွင် ပြန်စစ်ပြီး။
  7. Colleges & Schools 2020-07-23 တွင် မူရင်းအား မော်ကွန်းတင်ပြီး။ 2020-08-03 တွင် ပြန်စစ်ပြီး။
  8. Institutes & Centers 2020-07-23 တွင် မူရင်းအား မော်ကွန်းတင်ပြီး။ 2020-08-04 တွင် ပြန်စစ်ပြီး။
  9. Check In to Check Out 7 July 2016 တွင် မူရင်းအား မော်ကွန်းတင်ပြီး။ 2 August 2020 တွင် ပြန်စစ်ပြီး။
  10. Stirling Kelso (2012-08-12)။ World's Most Beautiful Universities | Travel + Leisure 2020-07-12 တွင် မူရင်းအား မော်ကွန်းတင်ပြီး။ 2020-08-06 တွင် ပြန်စစ်ပြီး။
  11. Zhangxin Zheng (2019-09-07)။ Timothy Seow 2020-01-08 တွင် မူရင်းအား မော်ကွန်းတင်ပြီး။ 2020-08-04 တွင် ပြန်စစ်ပြီး။
  12. The 10 most beautiful universities in East Asia | Times Higher Education (2018-03-30)။ 2019-07-18 တွင် မူရင်းအား မော်ကွန်းတင်ပြီး။ 2020-08-06 တွင် ပြန်စစ်ပြီး။
  13. Mark၊ Laura (2015-03-10)။ Heatherwick's Singapore Uni Learning Hub opens Architects' Journal 2019-07-19 တွင် မူရင်းအား မော်ကွန်းတင်ပြီး။
  14. Nanyang Technological University is established - Singapore History (February 2015)။ 20200119 တွင် မူရင်းအား မော်ကွန်းတင်ပြီး။ 2020-08-04 တွင် ပြန်စစ်ပြီး။
  15. Pattarin Kusolpalin။ Nanyang Technological University 2020-05-26 တွင် မူရင်းအား မော်ကွန်းတင်ပြီး။ 2020-08-10 တွင် ပြန်စစ်ပြီး။
  16. Halls
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.