ပတ်လမ်းကြောင်း

ရူပဗေဒဘာသာရပ်တွင် ပတ်လမ်းကြောင်းဆိုသည်မှာ ဂြိုဟ်တစ်ခုအနားမှ ဂြိုဟ်ရံလများ၏ ရွေ့လျားလမ်းကြောင်း သို့မဟုတ် နေအနီးမှ ဂြိုဟ်တို့၏ လမ်းကြောင်းများကဲ့သို့သော အရာဝတ္ထုတစ်ခု၏ ဒြပ်ဆွဲအားအရ ကွေးကောက်လျက်ရှိသော လမ်းကြောင်းပင်ဖြစ်သည်။[1] ပုံမှန်အားဖြင့် ပတ်လမ်းကြောင်းသည် ထပ်ခါတလဲလဲ ပုံမှန် ရွေ့လျားသော လမ်းကြောင်းကို ရည်ညွန်းသည်။ သို့သော် ထပ်ခါတလဲလဲ ပုံမှန်မဟုတ်သော ရွေ့လျားလမ်းကြောင်းကိုလည်း ရည်ညွန်းသည်။ အနီးစပ်ဆုံး ဆိုရသော် ကပ်ပလာ၏ ဂြိုဟ်ဆိုင်ရာ ရွေ့လျားမှု နိယာမတွင် ဖော်ပြချက်အရ ဂြိုဟ်များသည် ဘဲဥပုံ ပတ်လမ်းကြောင်းအတိုင်း ရွေ့လျားကြသည်။[2]

နိုင်ငံတကာ အာကာသ စခန်း သည် ကမ္ဘာပေါ်မှ လည်ပတ်သည်။
မတူညီသော ထုထည်ရှိ အရာဝတ္ထုနှစ်ခုသည် ဘုံကျသောဗဟို (barrycenter) အား လည်ပတ်ကြသည်။ အရွယ်အစားမှာ ပလူတိုနှင့်–ချာရွန် တို့ကဲ့သို့ပင်ဖြစ်သည်။

ဂြိုဟ်ပတ်လမ်းဆိုင်ရာ ရွေ့လျားမှုအကြောင်း မိမိတို့ လက်ရှိ နားလည်ထားသည်မှာ အိုင်းစတိုင်း၏ ယေဘုယျနှိုင်းရ သီအိုရီပေါ်၌ အခြေခံထားသည်။ ယင်းမှာ ဒြပ်ဆွဲအားကို အာကာသအချိန်၏ ကွေးကောက်မှုကြောင့်ဟု ဖော်ပြထားသည်။ အခြေနေအများစု၌ လွယ်ကူစွာ တွက်ချက်နိုင်ရန် ပတ်လမ်းကြောင်းဆိုင်ရာ ရွေ့လျားမှုသည် နယူတန်၏ မက္ကင်းနစ်ဖြင့် ပြေလည်ပြီး ယင်းသည် ဒြပ်ဆွဲအားကို ပြောင်းပြန် နှစ်ထပ်ကိန်း နိယာမအား လိုက်နာသည့် အားတစ်ခုအဖြစ် ဖော်ပြထားသည်။[3]


ကိုးကား
  1. orbit (astronomy) – Britannica Online Encyclopedia
  2. The Space Place :: What's a Barycenter
  3. Kuhn, The Copernican Revolution, pp. 238, 246–252
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.