လင်းဝက်
လင်းဝက် သည် ဗျိုင်းမျိုးတို့နှင့်အတူ ဆီကိုနီအီ ဖောမီး မျိုးစဉ်တွင် အာဒီအီဒီး မျိုးရင်း၌ပါဝင်၍ ပါဏဗေဒအလိုအားဖြင့် နစ်တီကောရက် ဟုခေါ်သည်။ အလျား ၂၄ လက်မ ရှိသည်။ လင်းဝက်သည် ဗျိုင်းမျိုးရင်း၌ ပါဝင်သော်လည်း ဗျိုင်းနှင့် အလေ့အထချင်း လုံးဝမတူချေ။ ညဉ့်ငှက်ဖြစ်သည် အားလျော်စွာ ညဉ့်အချိန်တွင် ကျက်စား၍ နေ့ခင်းတွင် အရွက်ထူသောသစ်ပင်၌ အိပ်နေတတ်သည်။ ပျံသန်းနေသည့်အခါ စင်ရော် ငှက်ကဲ့သို့ ဦးခေါင်းကို တုတ်ခိုင်သောကိုယ်ထည်အတွင်းသို့ ကျုံ့သွင်းထား ဘိသကဲ့သို့ရှိရကား အဝေးကကြည့်လျှင် လင်းဝက်သည် ခပ်လုံးလုံးကဲ့သို့ တွေ့ရသည်။ သို့ဖြင့် ဦးခေါင်းနှင့်ကျောရှိ အမည်းရောင်အမွှေးများမှာ တစ် ဆက်တည်းဖြစ်လျက်ရှိလေသည်၊ ဝိုင်း၍ကျယ်ပြန့်သော အတောင်များနှင့် အမြီး၏အရောင်မှာမူ ညိုမွဲမွဲရှိ၏။ လဲနေသော အမောက်မည်းတစ်ခုနှင့် လည်ကုပ်တွင် ဖြူသောအမွှေးမျှင် သုံးချောင်းရှိသည်။ မိတ်လိုက်သည့်အခါ လဲနေသော အမောက်နှင့် ရင်ပတ်၊ လည်ကုပ်၊ ကျောမှအမွှေးများ ထောင်ထ လာတတ်သည်။ ငှက်သားကလေးများ၏ ကိုယ်အထက်ပိုင်းသည် အညိုပုပ် ရောင်ရှိ၍ ဖြူဝါဝါအပြောက်ကလေးများနှင့် အစင်းများရောလျက်နေသည်။ အောက်ပိုင်း၏ အရောင်မှာကား မွဲပြာပြာရှိ၍ အမည်းစင်းများ ရောလျက် ရှိသည်။
လင်းဝက် | |
---|---|
သဘာဝထိန်းသိမ်းခြင်း အခြေအနေ | |
Least Concern (IUCN 3.1) | |
မျိုးရိုးခွဲခြားခြင်း | |
လောက: | |
မျိုးပေါင်းစု: | Chordata |
မျိုးပေါင်း: | Aves |
မျိုးစဉ်: | Ciconiiformes |
မျိုးရင်း: | Ardeidae |
မျိုးစု: | Nycticorax |
မျိုးစိတ်: | N. nycticorax |
ဒွိနာမ | |
Nycticorax nycticorax' (Linnaeus, 1758) | |
တစ်ခါတစ်ရံ နေ့လယ်ခင်းများပင် ဖြစ်သော်လည်း လင်းဝက်၏
အော်သံကိုကြားရတတ်သည်။ လင်းဝက်များသည် သဘာဝအားဖြင့် ကြောက်
တတ်သည့်အပြင် ဆိတ်ဆိတ်နေလေ့ရှိသည်။ အအုပ်အသင်းဖြင့်နေ၍ မှောင်စ
ပျိုးချိန်တွင် ပျံသန်းကာ အစာရှာဖွေထွက်ကြသည်။ အစာကို တစ်ကောင်
ချင်းရှာဖွေလေ့ရှိသည်။ မိုးရာသီအတွင်း သားပေါက်၍ တစ်မြုံလျှင် လေးဥမှ ငါးဥအထိ
ရှိ၏။ လင်းဝက်များကို ကမ္ဘာအရပ်ရပ်တွင် တွေ့ရသည်။ မြန်မာနိုင်ငံ၌
လွင်တီးပြင်များတွင် တွေ့ရသည်။[1]
ပုံများ
- In Saint-Eustache, Quebec, Canada
- In Saint-Eustache, Quebec, Canada
- In Saint-Eustache, Quebec, Canada
- Immature in mangroves of Ding Darling National Wildlife Refuge, Sanibel Island, Florida
- Immature in flight, Kolkata, West Bengal, India
- Immature acquiring adult plumage, Kolkata, West Bengal, India
ကိုးကား
- မြန်မာ့စွယ်စုံကျမ်း၊ အတွဲ(၁၂)