သင်္ဃန်းကျွန်းမြို့နယ်

သင်္ဃန်းကျွန်းမြို့နယ်
သင်္ဃန်းကျွန်းမြို့နယ်
သင်္ဃန်းကျွန်းမြို့နယ် တည်နေရာ၊ မြန်မာ။
ကိုဩဒိနိတ်: 16°49′41″N 96°11′3″E
နိုင်ငံ မြန်မာ
တိုင်းဒေသကြီးရန်ကုန်တိုင်းဒေသကြီး
ခရိုင်ရန်ကုန်အရှေ့ပိုင်းခရိုင်
မြို့နယ်သင်္ဃန်းကျွန်းမြို့နယ်
စာပို့သင်္ကေတ၁၁၀၇၁၊ ၁၁၀၇၂

တည်နေရာ

သင်္ဃန်းကျွန်းမြို့နယ်သည် ရန်ကုန်မြို့၏ အရှေ့ပိုင်းတွင် တည်ရှိသည်။ သင်္ဃန်းကျွန်းမြို့နယ်၏ မြောက်ဘက်တွင် တောင်ဥက္ကလာပမြို့နယ်၊ အရှေ့ဘက်တွင် ဒဂုံမြို့သစ်မြောက်ပိုင်း၊ အနောက်ဘက်တွင် ရန်ကင်းမြို့နယ်နှင့် တာမွေမြို့နယ်၊ တောင်ဘက်တွင် သာကေတမြို့နယ်တို့ တည်ရှိသည်။

ခေါ်တွင်ပုံ

မွန်ဘာသာအရ သံဃာကျွန်းဟု အဓိပ္ပါယ်ရသည်။[1] သင်္ဃန်းကျွန်းသည် ကံသင်၊ ကအ်သင်-ဆိုသော မွန်ဝေါဟာရမှ ဆင်းသက်လာပြီး ကံ၊ ကအ်-က ကျွန်း၊ သင်-က သင်္ဃာ၊ သင်္ဃာတော်တွေ စုဝေးနေထိုင်ရာဖြစ်၍ သင်္ဃန်းကျွန်း (သင်္ဃာကျွန်း) ခေါ်သည် ဟု အဆိုအမိန့်တွေရှိပါသည်။ [2] သင်္ဃန်းကျွန်းသည် "သင်္ဃန်းပင်ကျွန်း"မှ ရွှေ့လျားလာသော အမည်။ [3] သင်္ဃန်းကျွန်းမြို့နယ်ကို ရပ်ကွက်ပေါင်း (၃၈)ခုဖြင့် ဖွဲ့စည်းထားသည်။ အစိုးရ မူလတန်းကျောင်း (၄၀) ကျောင်း၊ အလယ်တန်းကျောင်း (၄) ကျောင်း၊ အထက်တန်းကျောင်း (၄) ကျောင်းရှိသည်။


ထင်ရှားသော အဆောက်အဦးများ

သင်္ဃန်းကျွန်းမြို့နယ်တွင် ကျိုက္ကဆံ ဆံတော်ရှင်စေတီ‌တော်၊ ကျိုက်ဒေးယျုံစေတီတော်၊ ရွှေနားပန်ဘုရားသံယုတ်ဘုန်းကြီးကျောင်း၊ စိန့်ဂျိုးဇက်ခရစ်ယာန်ဘုရားကျောင်း သင်္ဃန်းကျွန်းပညာရေးကောလိပ်၊ သွားဘက်‌ဆိုင်ရာဆေးတက္ကသိုလ်(ရန်ကုန်)၊ သုဝဏ္ဏအမျိုးသားအားကစားရုံ၊ သုဝဏ္ဏအမျိုးသားဘောလုံးကွင်း၊ သုဝဏ္ဏဘူမိအခမ်းအနားပြင်ဆင်ကျင်းပကွင်း၊ The One Entertainment အခမ်းအနားပြင်ဆင်ကျင်းပကွင်း၊ စံပြဆေးရုံ၊ အောင်ရတနာပုဂ္ဂလိကအထူးကုဆေးရုံ၊ သင်္ဃန်းကျွန်းဈေး၊ စံပြဈေး၊ AKK ဈေးဝယ်စင်တာ၊ City Mart Supermarket၊ Orange Shopping Center တို့ရှိသည်။

သင်္ဃန်းကျွန်းမြို့နယ်ရှိ အောက်ဖော်ပြပါအဆောက်အအုံများကို ရန်ကုန်မြို့ရှိ ရှေးဟောင်းအမွေအနှစ်အဖြစ် ထိန်းသိမ်းထားသည်။

အမည်အမျိုးအစားလိပ်စာမှတ်ချက်
ကျိုက္ကဆံ ဆံတော်ရှင်စေတီ‌တော်ဘုရားကျိုက္ကဆံဘုရားလမ်း
စိန့်ဂျိုးဇက် ခရစ်ယာန်ဘုရားရှိခိုးကျောင်းခရစ်ယာန်ဘုရားရှိခိုးကျောင်း၁-၃၊ သီရိမာရီယာလမ်း
သံယုတ်ဘုန်းကြီးကျောင်းဘုန်းကြီးကျောင်းကျောက်စာတိုင်လမ်း

ကိုးကား
  1. ဒေါက်တာသန်းထွန်း ရေး မြန်မာသမိုင်းနိဒါန်း
  2. မောင်ခင်မင် (ဓနုဖြူ) (မင်္ဂလာမောင်မယ် ၂၀၁၀-ပြည့် ဇူလိုင်လ)
  3. မောင်မြတ်မွန်(ဆူးလေ)၏ မြို့ရိုး/ခံတပ်ကြောင့် သမိုင်းတွင်ခဲ့တဲ့မြို့နယ်




This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.