သမ္မတအိမ်တော် အဆောက်အဦး (ထိုင်ပေ)
သမ္မတအိမ်တော် အဆောက်အဦးသည် တရုတ်သမ္မတနိုင်ငံ (အာအိုစီ) သမ္မတ ရုံးတက်ရာ ဌာနဖြစ်သည်။ ယင်းအဆောက်အဦးအား ဂျပန်ကိုလိုနီခေတ် (၁၈၉၅-၁၉၄၅) တွင် ဂျပန်ဗိသုကာပညာရှင် အုဟဲအိဂျိ နာဂနိုက ပုံစံရေးဆွဲခဲ့သည်။ မူလက ထိုင်ဝမ်ဘုရင်ခံ၏ ရုံးတော်အဖြစ် တည်ဆောက်ခဲ့ခြင်း ဖြစ်သည်။
ဒုတိယကမ္ဘာစစ်ကြီးအတွင်း မဟာမိတ်တပ်တို့၏ ဗုံးကျဲတိုက်ခိုက်မှုကြောင့် ပျက်စီးခဲ့သည်။ စစ်ကြီးပြီးနောက် ထိုင်ဝမ်ပြည်နယ်မှူး ချန်ယိက ပြန်လည် ပြုပြင်ဆောက်လုပ်ခဲ့သည်။ ကွန်မင်တန်အစိုးရ တရုတ်ပြည်တွင်းစစ်ပွဲတွင် ရှုံးနှိမ့်ကာ ထိုင်ဝမ်သို့ ပြောင်းရွှေ့လာပြီးနောက် ၁၉၅၀ ခုနှစ်တွင် ယင်းအဆောက်အဦးအား သမ္မတအိမ်တော်အဖြစ် အသုံးပြုခဲ့သည်မှာ ယနေ့အထိတိုင် ဖြစ်သည်။
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.