သာသနာပိုင်အရှင်သာပုံ
အရှင်သာပုံကား စရစ်ဆရာတော်လွန်လျှင်သာသနာပိုင်ဖြစ်၏။ ဆင်ဖြူရှင်လက်ထက်ကဖြစ်ဟန်တူသည်။ သာဓကကားစရစ်ဆရာတော်လွန်လျှင် တူတော် တပည် ရင်းရှင်သာပုံကို မင်းဧကရာဇ်က သာသနာပိုင်ထည့်လျှင် အရှင်သူမြတ်သည် စိတ်ပျိုကိုယ်နုဖြစ်၍ ဝါသနာအလျောက်သိုင်းကိုင်နှင့် ဆွမ်းခံဝင်သည်ကို ကြက်သွန်ခင်းဆရာတော်ကြီးနှင့် ပက်ပင်းပါကြုံ၍ သာပုံသည်နှင်တံနှင့်နင့်ကို လူကြောက်ချိမ့်မည်လော၊ ကြောက်လောက်အောင် အမြောက်ဆောင်ဟု မိန့် တော်မူကြောင်းပြောစဉ်ရှိသည်။ ထိုအရှင်လည်း အရှက်ရ၍ ဝန် ချရသည်။ မကြာမတင်ပင် လွန်လေသည်။ သည့်နောက်မှတိလောကဂုရုဆရာတော်ကြီးကို သာသနာပိုင်အပ်သည်ဟု သီလဝိသောဓနိီကျမ်း၌ အဆိုရှိသဖြင့်သာသနာပိုင်ဖြစ်ကြောင်းထင်ရှားသည်။[1]
ကိုးကား
- မြန်မာ့စွယ်စုံကျမ်း၊ အတွဲ(၁၃)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.