အနောက်ပိုင်းတိုင်းစစ်ဌာနချုပ်
အနောက်ပိုင်းတိုင်းစစ်ဌာနချုပ် (နပခ) ကို ရခိုင်ပြည်နယ်၊ စစ်တွေမြို့၌ ၁၉၇၂ ခုနှစ် စက်တင်ဘာ ၁ဝ ရက်နေ့တွင် စတင်ဖွင့်လှစ်ခဲ့သည်။ အနောက်ပိုင်းတိုင်းစစ်ဌာနချုပ် ကို ရခိုင်ပြည်နယ်၊ အမ်းမြို့ သို့ ၂၀၀၀ ခုနှစ်တွင် ပြောင်းရွှေ့ဖွင့်လှစ်ခဲ့သည်။ ကွပ်ကဲမှုနယ်မြေများမှာ ရခိုင်ပြည်နယ်၊ ချင်းပြည်နယ် ပလက်ဝမြို့နယ်နှင့် ဘင်္ဂလားပင်လယ်အော်ရှိ မြန်မာနိုင်ငံပိုင် ရေပိုင်နက်များ အထိ ပါဝင်သည်။ လက်အောက်ခံ တပ်ရင်း/တပ်ဖွဲ့များကို ရခိုင်ပြည်နယ်နှင့် ချင်းပြည်နယ်တောင်ပိုင်းတို့တွင် ဖြန့်ခွဲထားရှိသည်။
ပထမဆုံးတိုင်းမှူးအဖြစ် ကြည်း-၅၄၉၇၊ ဗိုလ်မှူးကြီးလှထွန်း(ဗိုလ်လောင်းသင်တန်းအပတ်စဉ်-၁)မှ တာဝန်ယူခဲ့သည်။ လက်ရှိတိုင်းမှူးမှာ ဗိုလ်ချုပ် ထင်လတ်ဦး(ကြည်း ၂၅၀၉၉)စတသ ၃၅ မှဖြစ်သည်။ သူသည် ယခင်က တပ်မတော် ထိပ်တန်း ကျောင်းကြီးဖြစ်သော စစ်တက္ကသိုလ် ၏ကျောင်းအုပ်ကြီးလည်းဖြစ်သည်။
ကွပ်ကဲမှုဌာနချုပ် ၆ခု. ခြေလျင် ခြေမြန် ၄၃ခု. လက်ရုံးဝန်ထမ်း ၂၆ခု. ကက(ရေ) ၁၂ခု. စုစုပေါင်း ၈၇တပ် အကြမ်းဖျင်းအနည်းဆုံးရှိသည်။
ေဒသကွပ်ကဲမှုစစ်ဌာနချုပ်(ဒကစ-စစ်တွေ)၊ အခြေချစစ်ဗျူဟာ (၂) ခု၊ လှုပ်ရှားစစ်ဗျူဟာ (၂) ခု နှင့် ခြေလျင်/ခြေမြန်တပ်ရင်း (ဒကစ-စစ်တွေလက်အောက်ခံ တပ်ရင်းများအပါအဝင်) ရှိသည်။