အန်ဂွန်း

အန်ဂွန်း ဆစ်ပ်တာ ဆမီ (အင်္ဂလိပ်: Anggun Cipta Sasmi; အင်ဒိုနီးရှား အသံထွက်: [aŋˈɡun ˈt͡ʃipta ˈsasmi], ပြင်သစ်အသံထွက်: [ɑ̃.ɡun sip.ta sas.mi]; ၂၉ ဧပြီ ၁၉၇၄ မွေးဖွား) သည် အင်ဒိုနီးရှားတွင် မွေးဖွားပြီး ပြင်သစ်နိုင်ငံသား ခံယူထားသော အဆိုတော်၊ တေးရေး တစ်ဦး ဖြစ်သည်။ ဂျကာတာမြို့တွင် မွေးဖွားခဲ့ပြီး အသက် ၇ နှစ်အရွယ်မှ စတင်ကာ ဖျော်ဖြေမှုများ စတင်ပြုလုပ်ခဲ့ပြီး နှစ်နှစ်အကြာတွင် အယ်လ်ဘန်တစ်ချပ်ကို အသံသွင်းခဲ့သည်။ အင်ဒိုနီးရှား ထုတ်ဝေသူ အိုင်ရန် အန်တိုနို၏ အကူအညီဖြင့် ၁၉၈၆ ခုနှစ်တွင် ပထမဆုံး ရော့ခ်လွှမ်းမိုးသော ဂီတအယ်လ်ဘန် Dunia Aku Punya ကို ထုတ်ဝေခဲ့သည်။ ၁၉၈၉ ခုနှစ်တွင် ထုတ်ဝေခဲ့သော ဆင်ဂယ်သီချင်း Mimpi ဖြင့် ကျော်ကြားလာခဲ့ပြီး ယင်းသီချင်းသည် Rolling Stone မဂ္ဂဇင်းမှ ရွေးချယ်သော အကျော်ကြားဆုံး အင်ဒိုနီးရှားသီချင်း ၁၅၀ တွင် အပါအဝင် ဖြစ်ခဲ့သည်။ ဆင်ဂယ်သီချင်းများစွာနှင့် အယ်လ်ဘန် သုံးချပ် ထုတ်ဝေခဲ့ပြီးနောက် သူမသည် ၁၉၉၀ ဆယ်စုနှစ်တွင် ထင်ပေါ်ကျော်ကြားခဲ့သော အင်ဒိုနီးရှား ရော့ခ်အဆိုရှင်တစ်ဦး ဖြစ်လာခဲ့သည်။