အမှတ်(၁) အကြီးစားစက်မှုလုပ်ငန်း

အမှတ်(၁)အကြီးစားစက်မှုလုပ်ငန်း အောက်ပါ စက်ရုံ(၇)ရုံဖြင့် ဖွဲ့စည်းထားသည်။ [1]

• အမှတ် (၁၁) အကြီးစားစက်ရုံ (ရန်ကုန်)
• အမှတ် (၁၂) အကြီးစားစက်ရုံ (ထုံးဘို)
• အမှတ် (၁၃) အကြီးစားစက်ရုံ (မကွေး)
• အမှတ် (၁၄) အကြီးစားစက်ရုံ (သာဂရ)
• အမှတ် (၁၅) အကြီးစားစက်ရုံ (သာဂရ)
• အမှတ် (၁) သံမဏိစက်ရုံ (မြင်းခြံ)
• အမှတ် (၂) သံမဏိစက်ရုံ (ပင်းပက်)

ကမ္ဘာအေးစေတီလမ်း၊ မရမ်းကုန်းမြို့နယ်၊ ရန်ကုန်မြို့၊ ရန်ကုန်တိုင်းဒေသကြီးတွင် တည်ရှိပြီး ၁၉၆၀ ခုနှစ်တွင် တည်ထောင်ခဲ့သည်။ စက်ရုံအကျယ်အဝန်းမှာ ၂၅.၂၈ ဧက ဖြစ်သည်။ လက်ရှိဝန်ထမ်း ၇၅၀ဦး (အရာထမ်း ၅၂ ဦး၊ အမှုထမ်း ၆၉၈ ဦး) ဖြင့် လုပ်ငန်းဆောင်ရွက်လျက်ရှိသည်။ မြန်မာမီနီဆလွန်းကား၊ စီးတီးဘတ်စ်၊ TE – 31 ထရပ်ယာဉ်၊ TE – 31 ဆီသယ်ယာဉ် နှင့် မြန်မာလျှပ်စစ်ကားများ ကိုထုတ်လုပ်ပေးနေသည်။ [2]

ထုံးဘိုမြို့အနီး၊ ပန်းတောင်းမြို့နယ်၊ ပဲခူးတိုင်းဒေသကြီးတွင် တည်ရှိပြီး ၁၉၇၀ ခုနှစ်တွင် တည်ထောင်ခဲ့သည်။ စက်ရုံအကျယ်အဝန်းမှာ ၂၄၈ ဧကဖြစ်သည်။ လက်ရှိဝန်ထမ်း ၉၈၈ ဦး(အရာထမ်း-၃၁ ဦး၊ အမှုထမ်း-၉၅၇ ဦး) ဖြင့် လုပ်ငန်းဆောင်ရွက်လျက်ရှိသည်။ Myanmar Double Cab, Myanmar Single Cab, Sport Utility Vehicleနှင့် မြင်းကောင်ရေအား ၁၄၀ရှိ DS – 70 ဒီဇယ်အင်ဂျင်များကို ထုတ်လုပ်ပေးနေသည်။[3]

မယ်လှတောင်ကျေးရွာအနီး မကွေးမြို့၊ မကွေးတိုင်းဒေသကြီးတွင် တည်ရှိပြီး ၂၀၁၀ ခုနှစ်တွင် တည်ထောင်ခဲ့သည်။ အကျယ်အဝန်းမှာ ၃၅.၅ ဧကဖြစ်သည်။ လက်ရှိဝန်ထမ်း ၄၈၇ ဦး (အရာထမ်း-၃၈ဦး၊ အမှုထမ်း-၄၄၉ ဦး)ဖြင့် လုပ်ငန်းဆောင်ရွက်လျက်ရှိသည်။[4]

သာဂရမြို့၊ ရေတာရှည်မြို့နယ်၊ ပဲခူးတိုင်းဒေသကြီးတွင် တည်ရှိပြီး ၂၀ဝ၉ ခုနှစ်တွင် တည်ထောင်ခဲ့သည်။ အကျယ်အဝန်းမှာ ၄၉.၈ ဧကဖြစ်ပြီး လက်ရှိဝန်ထမ်းအင်အား ၅၂၂ ဦး(အရာထမ်း-၃၂ ဦး၊ အမှုထမ်း-၄၉၀ ဦး)ဖြင့် ဒီဇယ်အင်ဂျင် အမျိုးမျိုးကို ထုတ်လုပ်ပေးနေသည်။[5]

သာဂရမြို့၊ ရေတာရှည်မြို့နယ်၊ ပဲခူးတိုင်းဒေသကြီးတွင် တည်ရှိပြီး ၂၀ဝ၉ ခုနှစ်တွင် တည်ထောင်ခဲ့သည်။ အကျယ်အဝန်းမှာ ၃၅.၁၅ ဧကဖြစ်ပြီး လက်ရှိဝန်ထမ်းအင်အား ၂၂၈ ဦး(အရာထမ်း -၁၇ ဦး၊ အမှုထမ်း-၂၁၁ ဦး)ဖြင့် ဆောက်လုပ်ရေးလုပ်ငန်းသုံး ယန္တရားအမျိုးမျိုးကို ထုတ်လုပ်ပေးနေသည်။[6]

ဆားခါးကျေးရွာအနီး၊ မြင်းခြံမြို့နယ်၊ မန္တလေးတိုင်းဒေသကြီးတွင် တည်ရှိပြီး ၂၀ဝ၅ ခုနှစ်တွင် တည်ထောင်ခဲ့သည်။ လက်ရှိဝန်ထမ်းအင်အား ၆၆၄ ဦး (အရာထမ်း-၃၀ဦး ၊ အမှုထမ်း-၆၃၄ဦး)ဖြင့် သံမဏိပစ္စည်းအမျိုးမျိုးကို ထုတ်လုပ်ပေးနေသည်။[7]

ပင်ငိုကျေးရွာအနီး၊ ပင်းပက်ဒေသ၊ တောင်ကြီးမြို့နယ်၊ ရှမ်းပြည်နယ်တောင်ပိုင်းတွင် တည်ရှိပြီး ၂၀ဝ၅ ခုနှစ်တွင် တည်ထောင်ခဲ့သည်။ လက်ရှိဝန်ထမ်းအင်အား ၂၇၂ ဦး (အရာထမ်း ၁၀ ဦး၊ အမှုထမ်း - ၂၆၂ ဦး)ဖြင့် တနှစ်လျှင် သံစိမ်း ၂၀၀၀၀၀ တန်နှင့် သံသတ္တုရိုင်း ၇၂၀၀၀၀ တန်တို့ကို ထုတ်လုပ်ပေးနေသည်။ [8]