အိုလံပတ်တောင် (ဂရိ)

အိုလံပတ်တောင် (ဂရိ: Όλυμπος; အင်္ဂလိပ်: Mount Olympus; အသံထွက် /အိုလင်းပါ့စ်/ ၊ /အလင်းပါ့စ်/ )[4] သည် ဂရိနိုင်ငံ၏ အမြင့်ဆုံးတောင်ဖြစ်သည်။ ဂရိဘာသာစကားဖြင့် 'အိုးလင်ဘို့ရှ်' ဟုအသံထွက်ပြီး ခေတ်သစ်ဂရိဘာသာဖြင့် 'Olimbos' ဟု အက္ခရာဖလှယ်နိုင်ကာ 'အိုးလင်ဘို့စ်' အသံထွက်သည်။ သက်စာလွန်နီးကီမြို့၏ အနောင်တောသ် မိုင်ငါးဆယ်ခန့်အကွာ၊ လားရစ်ဆာဒေသခွဲ နှင့် ပီယာရီးယာဒေသခွဲကြား၊ မက်စီဒိုးနီးယာ (ဂရိ) နှင့် သက်စာလိယာ အုပ်ချုပ်ရေးဒေသများကြားအစပ်ရှိ အိုလံပတ်တောင်တန်းတွင် တည်ရှိသည်။ အိုလံပတ်တောင်တွင် တောင်ထိပ် နှင့် နက်စောက်သော လျှိုကြီးများ (၅၂)ခုရှိသည်။[5] အမြင့်ဆုံးတောင်ထိပ်ကို မိတိကာ့ရှ် ဟုခေါ်တွင်၍ အနက်မှာ နှာခေါင်း ဟူ၍ဖြစ်ပြီး ပေပေါင်း (၉,၅၇၀) ရှိသည်။[2] မြေမျက်နှာသွင်ပြင် ထင်ရှားအရေးပါမှုအရ ဥရောပ၏ အမြင့်ဆုံးတောင်ထိပ်များအနက်က တစ်ခုလည်းဖြစ်သည်။[6]

အိုလံပတ်တောင်
အမြင့်ဆုံးအမှတ်
တောင်ထွတ်မိတိကာ့ရှ်
အမြင့်၂,၉၁၇ m (၉,၅၇၀ ft)[1][2]
ပေါ်လွင်မှု၂,၃၅၃ m (၇,၇၂၀ ft)[3]
Isolation၂၅၄ ကီလိုမီတာ (၁၅၈ မိုင်)
ပင်မတောင်ထွတ်မူဆားလာ
စာရင်းသွင်းခြင်းCountry high point
Ultra
ကိုဩဒိနိတ်40°05′08″N 22°21′31″E
ပထဝီဝင်
အိုလံပတ်တောင်
အိုလံပတ်တောင်တည်နေရာ
တည်နေရာဂရိနိုင်ငံ
ပင်မတောင်တန်းမက်စီဒိုးနီးယာ (ဂရိ) နှင့် သက်စာလိယာ၊ စာလွန်နီးကာ ပင်လယ်ကွေ့အနီး
တောင်တက်ခြင်း
ပထမဆုံး တက်ရောက်ခြင်း၁၉၁၃ ဩဂုတ် ၂
Christos Kakkalos, Frederic Boissonnas နှင့် Daniel Baud-Bovy

ဂရိဒဏ္ဍာရီတွင် ဤတောင်ကြီးမှာ ထင်ရှားကျော်ကြားကာ မိတိကာ့ရှ်တောင်ထိပ်မှာ ဂရိဒဏ္ဍာရီလာ နတ်ဘုရားများ နေထိုင်သော နေရပ်လည်းဖြစ်၏ ။ ဇီဝမျိုးကွဲများပေါများခြင်းနှင့် ဒေသရင်းအပင်များ ပေါကြွယ်ဝခြင်းတို့ကြောင့်လည်း ထင်ရှားသည်။ ၁၉၃၈ မှစ၍ ဂရိနိုင်ငံ၏ ပထမဆုံး အမျိုးသား ဥယျာဉ်ဖြစ်ပြီး ကမ္ဘာ့ဇီဝလွှာ သီးသန့်နယ်မြေတစ်ခုလည်း ဖြစ်၏ ။[2]

ခရီးသွားလူပေါင်းမြောက်များစွာသည် နှစ်စဉ်လာရောက်ကြ၍ ဒေသရင်း တိရစ္ဆာန်၊ အပင်များကို နှစ်သက်သဘောကျလေ့ရှိကာ ခရီးသွားများ တောင်စောင်းများ၊ တောင်ထိပ်များသို့ တက်ရောက်ကြလေ့ရှိသည်။ စီစဉ်ပေးထားသော တောင်ပေါ်အနားယူစခန်းများ၊ တောင်တက်ခြင်းအားကစားအမျိုးမျိုး၊ တောင်တက်ရန်လမ်းကြောင်းများ များစွာရှိသည်။ အိုလံပတ်တောင်ကို ပုံမှန်အားဖြင့် စတင်တက်ရသည့် နေရာမှာ သက်စာလွန်နီးကီမြို့မှ ၆၂ မိုင်ခန့်ဝေးကွာသော အရှေ့ဘက်တောင်ခြေမှ လစ်တို့ခိုရိုမြို့ဖြစ်သည်။

ကိုးကား

  1. Mount Olympus | mountain, Greece | Britannica
  2. NASA (July 7, 2005)။ Mount Olympus Olympus National Park Management Agency of Olympus National Park။ 30 August 2016 တွင် ပြန်စစ်ပြီး။
  3. Olympus, Greece Peakbagger.com။
  4. Jones၊ Daniel (2003) [1917]၊ Roach၊ Peter; Hartmann၊ James; Setter၊ Jane (eds.)၊ English Pronouncing Dictionary၊ Cambridge: Cambridge University Press၊ ISBN 3-12-539683-2
  5. Kakissis၊ Joanna။ "Summit of the gods"၊ 17 July 2004 4 November 2015 တွင် ပြန်စစ်ပြီး
  6. Europe Ultra-Prominences peaklist.org။ 31 December 2010 တွင် ပြန်စစ်ပြီး။
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.