စကိုင်းနက်

စကိုင်းနက်(Sky Net) ဂြိုဟ်တုရုပ်သံလိုင်းသည် စကိုင်းနက် ရုပ်သံဖမ်းစက် (Sky Net set-top box) ဖြင့် ဖမ်းယူကြည့်ရှုနိုင်သော မြန်မာတစ်နိုင်ငံလုံးအတွက် အခပေးရုပ်သံလိုင်းဖြစ်ပြီး ရွှေသံလွင်မြန်မာမီဒီယာ ကုမ္ပဏီလီမိတက်မှ ၂၀၁၀ ပြည့်နှစ်တွင် စတင်တည်ထောင်ခဲ့သည်။[1][2] စကိုင်းနက် ဒီတီအိပ်ချ် ရုပ်သံလိုင်းများကို ၂၀၁၀ ပြည့်နှစ်၊ နိုဝင်ဘာလ (၂၆) ရက်တွင် စတင်စမ်းသပ်ထုတ်လွှင့်ခဲ့ပြီး ၂၀၁၁ ခုနှစ်၊ ဇန်နဝါရီ (၁) ရက်နေ့မှစတင်၍ ပုံမှန်အစီအစဉ်အဖြစ် ထုတ်လွှင့်ပြသခဲ့သည်။ အစောပိုင်းတွင် နိုင်ငံခြားမှ ရုပ်သံလိုင်းများ အပါအဝင် ရုပ်သံလိုင်းပေါင်း (၄၈) လိုင်း ဖြင့်စတင်ခဲ့ပြီး ယခုအခါတွင် ရုပ်သံလိုင်းပေါင်း (၁၁၄)အထိ တိုးချဲ့ထုတ်လွှင့်နိုင်ခဲ့သည်။ အက်စ်ဒီ ရုပ်သံလိုင်းပေါင်း(၉၈) လိုင်းအနက်(၂)လိုင်းက Color Bar(ရုပ်သံမလွှင့်သေး) နှင့် အိတ်ချ်ဒီ (၁၆) လိုင်းကို အေပီစတား ၇ ဂြိုဟ်တုမှ ထုတ်လွှင့်ပေးနေသည်။

Skynet DTH

ပစ္စည်းအမျိုးအစား	အခပေးဂြိုဟ်တုရုပ်သံလိုင်း
ပိုင်ဆိုင်သူ	ရွှေသံလွင်မီဒီယာ ကုမ္ပဏီလီမိတက်
မူရင်းနိုင်ငံ	မြန်မာ
စတင်မိတ်ဆက်သည့်အချိန်	နိုဝင်ဘာ ၂၀၁၀
စျေးကွက်	မြန်မာနိုင်ငံတစ်ဝှမ်း
ဝက်ဘ်ဆိုဒ်	skynetdth.com