စည်သူအောင်

စည်သူအောင် (၁၉၉၆ အောက်တိုဘာ ၁၆ ရက်ဖွား) သည် မြန်မာနိုင်ငံမှ ကွင်းလယ် ဘောလုံးကစားသမားတစ်ဦး ဖြစ်သည်။ ၂၀၀၉ ခုနှစ်မှ ၂၀၁၃ ခုနှစ်အထိ ရန်ကုန်ယူနိုက်တက် ဘောလုံးအကယ်ဒမီကျောင်းတွင် ပညာသင်ယူခဲ့သည်။ ၂၀၁၃ ၌ အသက် ၁၆ နှစ်ပြည့်ပြီး ရန်ကုန် ယူနိုက်တက်ဘောလုံးအသင်းတွင် စတင်ကစားခွင့် ရရှိခဲ့သည်။ ၂၀၁၄ ခုနှစ်မှစ၍ ရတနာပုံ ဘောလုံး အသင်းသို့ ပြောင်းရွှေ့ခဲ့ပြီး လက်ရှိတွင် မြန်မာ အမျိုးသား ဘောလုံးအသင်းနှင့် ရတနာပုံ ဘောလုံး အသင်းတွင် ကစားနေပါသည်။

စည်သူအောင်
ကိုယ်ရေးအချက်အလက်များ
အမည် အပြည့်အစုံ စည်သူအောင်
မွေးသက္ကရာဇ် (1996-10-16) ၁၆ အောက်တိုဘာ၊ ၁၉၉၆
မွေးရပ်ဇာတိ ရန်ကုန်မြို့၊ မြန်မာနိုင်ငံ
အရပ်အမြင့် ၁.၆၈ m (၅ ft ၆ in)
ကစားသည့်နေရာ အလယ်တန်း၊ နောက်တန်းခံစစ် (ဘယ်ဝန်း)
ကလပ်နှင့်သက်ဆိုင်သောအချက်အလက်များ
လက်ရှိအသင်း
 ရတနာပုံ
အင်္ကျီနံပါတ် ၂၁
လူငယ်ဘဝကလပ်များ
၂၀၀၉ – ၂၀၁၂ ရန်ကုန်ယူနိုက်တက် ဘောလုံးအကယ်ဒမီ
အကြီးတန်း ကစားသမား*
ခုနှစ် အသင်း ကစားပွဲ† (သွင်းဂိုး)†
၂၀၁၂–၂၀၁၄ ရန်ကုန်ယူနိုက်တက်[1]
၂၀၁၄– ရတနာပုံ[2]
နိုင်ငံကိုယ်စားပြုအသင်း‡
၂၀၁၃– မြန်မာ ယူ-၂၀ ၅
၂၀၁၃– မြန်မာ ယူ-၂၃ ၁၂ (၅)
၂၀၁၃– မြန်မာ ၆ (၀)

* ဂိုးအရေအတွက်ကို ကလပ်အသင်းကြီး ကစားခြင်းနှင့်
ပြည်တွင်းလိဂ်အတွက်သာ ရေတွက်သည်။
† ကစားသည့် ပွဲအရေအတွက် (သွင်းဂိုး)

‡ ၁၆ ဇွန် ၂၀၁၅ အထိ နိုင်ငံကိုယ်စားပြုပွဲနှင့် သွင်းဂိုးများ

၂၀၁၄ ဇွန်လတွင် စည်သူအောင်သည် ရတနာပုံ ဘောလုံး အသင်းနှင့် စာချုပ်ချုပ်ဆိုခဲ့ပြီး ၁၈ လအတွင်း ရန်ကုန် ယူနိုက်တက်ဘောလုံးအသင်း၏ တတိယမြောက် ကစားသမားဖြစ်ခဲ့သည်။

မြန်မာယူ၂၃ အသင်းခေါင်းဆောင်စည်သူအောင်

စည်သူအောင်ကို ၁၉၉၆ခုနှစ် အောက်တိုဘာလ ၁၆ရက်နေ့ အဖ ဦးမြင့်စိုး၊ အမိ ဒေါ်မြင့်ကြည့် တို့က တဦးတည်းသောသား တစ်ယောက်အနေနဲ့ ရန်ကုန်မြို့၌ မွေးဖွားခဲ့ပါတယ်။ မိဘများကတော့ ပရိဘောဂလုပ်ငန်းလုပ်ကိုင်ကြသည်။ အသက် ၁၃နှစ် အရွယ်မှာ ရန်ကုန်ယူနိုက်တက်လူငယ်အသင်းမှာစကစားခဲ့ပြီး၊ ၁၆ နှစ်အရွယ် ၂၀၁၂ ခုနှစ်မှာတော့ဘောလုံးပညာနဲ့အသက်မွေးဝမ်းကြောင်းကို စတင်ခဲ့သည် ။ စည်သူအောင် ရဲ့ အရပ်အမြင့် ဟာ ၁၆၇စင်တီမီတာ (၅ပေ၅လက်မခွဲ) ဖြစ်ပြီးလက်ရှိရတနာပုံအသင်း၏ ကွင်းလယ်ဖန်တီးရှင်ကစားသမား အဖြစ် ကစားလျက်ရှိသည်။ ရန်ကုန်ယူနိုက်တက်အသင်းရဲ့ လူငယ်ကစားသမားဟောင်းတဦးဖြစ်ပြီး ၂၀၁၄ခုနှစ် မြန်မာနေရှင်နယ်လိဂ်ဘောလုံးပြိုင်ပွဲ ဒုတိယရာသီဝက်မှာ ရတနာပုံအသင်းကို ပြောင်းရွေ့ခဲ့ပါသည်။

၂၀၁၃ခုနှစ်က အင်ဒိုနီးရှားနိုင်ငံမှာ ကျင်းပခဲ့တဲ့ AFF ဘောလုံးပြိုင်ပွဲကိုယှဉ်ပြိုင်ရန် မြန်မာယူ-၁၉ လက်ရွေးစင်အဖြစ်၎င်း၊ ၂၀၁၃ ခုနှစ်နေပြည်တော်ဆီးဂိမ်းတွင် မြန်မာယူ-၂၃ လက်ရွေးစင်အဖြစ်၎င်း၊ ၂၀၁၅ စင်ကာပူဆီးဂိမ်းတွင် မြန်မာယူ ၂၃ လက်ရွေးစင်အဖြစ် ထပ်မံ ရွေးချယ်ခံခဲ့ရပါသည် ။ ၂၀၁၅ ဆီးဂိမ်းတွင် ယူ ၂၃ လက်ရွေးစင်အသင်းလိုက်အနေနဲ့ ငွေတံဆိပ်ဆုရရှိခဲ့သလို၊ ဂိုးအများဆုံး ဆုရှင်အဖြစ် ထိုင်း အသင်း မှ Chananan Pombuppha၊ ဗီယက်နမ်အသင်းမှ Vo Huy Toanတို့နှင့်နဲ့အတူ ပူးတွဲ ရပ်တည်နိုင်ခဲ့ပါ တယ်။ စည်သူအောင်အနေနဲ့ (စင်ကာပူ)ဆီးဂိမ်းပြိုင်ပွဲအတွင်းမှာ အင်ဒိုနီးရှားအသင်းကို ၂ဂိုး၊ ဖိလစ်ပိုင်အသင်းကို ၁ဂိုး၊ ကမ္ဘောဒီးယား အသင်းကို ၁ဂိုး၊ ဗီယက်နမ်အသင်းကို ၁ဂိုး စုစုပေါင်း သွင်းဂိုး ၅ဂိုးသွင်းယူခဲ့ကာ ပြိုင်ပွဲတစ်လျောက် တွင် ဂိုးသွင်း အများဆုံး ကစားသမားတစ်ဦးဖြစ်ခဲ့ပါသည် ။ မြန်မာ့လက်ရွေးစင်အဖြစ်၂၀၁၄ခုနှစ် ဖိလစ်ပိုင်နိုင်ငံက အိမ်ရှင်အဖြစ်လက်ခံကျင်းပခဲ့တဲ့ AFF Peace Cup ဘောလုံး ပြိုင်ပွဲကိုလည်း ယှဉ်ပြိုင်ကစားထားခဲ့ပြီးဆုဖလားရရှိခဲ့သော မြန်မာလက်ရွေးစင် ကစားသမား တယောက်လဲဖြစ်ပါတယ်။ ၂၀၁၂၊ ၂၀၁၃၊ ၂၀၁၄ ခုနှစ် - AFC ဘောလုံးပြိုင်ပွဲကို ရန်ကုန်ယူနိုက်တက်အသင်းကစားသမား အဖြစ်၎င်း၊ ၂၀၁၅ ခုနှစ် - AFC ပြိုင်ပွဲကိုတော့ ရတနာပုံအသင်း ၏ ကစားသမား တစ်ဦးအဖြစ်၎င်း ကစားထားသူဖြစ်ပါသည်။ ပြည်တွင်းအောင်မြင်မှုအနေနဲ့ မြန်မာနေရှင်နယ်လိဂ်ကို ၂ ကြိမ်ရရှိဖူးပြီး ရန်ကုန်ယူနိုက်တက်နှင့် ၂၀၁၃ခုနှစ်မှာတကြိမ်၊ ရတနာပုံအသင်း နှင့် ၂၀၁၆ တွင်ရရှိထားပါသည် ။ သွင်းဂိုးတွေအနေနဲ့ကတော့ မြန်မာယူ-၁၉ အဆင့်မှာ ၅ပွဲကစား ၁ဂိုး သွင်းယူထားခဲ့ပြီး၊ မြန်မာယူ-၂၃ အဆင့်မှာ ၁၂ပွဲကစား ၅ဂိုး သွင်းယူထားခဲ့ပါတယ်။ ကမ္ဘာဘောလုံးအဖွဲ့ချုပ်အသိအမှတ်ပြုပွဲ ၁၁ပွဲကစားထားပြီး၊ ၃ ဂိုး သွင်းယူထားပါတယ်။ (၂၀၁၇-၀၃-၂၁) နေ့အင်ဒိုနီးရှားနဲ့ချစ်ကြည်ရေးပွဲမှာ ၁ ဂိုးသွင်းယူထားပြီး(၂၀၁၇-၀၆-၁၃)နေ့အာရှဖလား(၂၀၁၉) အတွက်မကာအိုနဲ့ပွဲမှာ ၂ ဂိုး သွင်းယူခဲ့ပါသည်။ [3]

ကိုးကား
  1. "Yangon United Profile: Sithu Aung"၊ Yangon United Official Website။
  2. "Yadanarbon completes the transfer of Sithu Aung"၊ Yadanarbon FC Official Website၊ 2014-06-10။ 14 June 2015 တွင် ပြန်စစ်ပြီး။ Archived from the original on 27 December 2014။
  3. IASOMFProfile


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.