ဟန်နာယူရီ

ဟန်နာယူရီအား ဇန်နဝါရီလ ၁၇ ရက်နေ့၊ ၁၉၉၃ ခုနှစ်တွင် တောင်ကြီးမြို့တွင် ဖွားမြင်ခဲ့သည်။ သူမသည် ငယ်စဉ်ကတည်းက မိတ်ကပ်ပညာကို စိတ်ဝင်စားခဲ့ပြီး အထက်တန်းအောင်မြင်သောအခါ ထိုင်းနိုင်ငံ သို့ သွားရောက်ပြီး ရုပ်ရှင်မိတ်ကပ်အထူးပြုပညာကို သင်ယူခဲ့သည်။[2]

ဟန်နာယူရီသည် ပွဲဦးထွက်အနေဖြင့် ဝိညာဉ်စိမ်း ဇာတ်ကားအတွက် သရဲဇာတ်ကောင်မိတ်ကပ် အထူးပြုလုပ်ချက်ကို ဇာတ်ကား တစ်ကားစာ တာဝန်ယူပြင်ဆင်ပေးရန်အတွက် ကမ်းလှမ်းခံရသည်။ ထိုမှတစ်ဆင့် သူမပြင်ဆင်ထားသည့် မိတ်ကပ်ပုံများသည် အင်တာနက်တွင် ပျံ့နှံ့သွားကာ ပရိသတ်အားပေးမှုကို ရရှိခဲ့သည်။ သူမသည် မိတ်ကပ်ပညာရှင် ဖြစ်ရုံသာမက ကြော်ငြာမော်ဒယ် နှင့် ထိုင်းအလှကုန် ပစ္စည်းမော်ဒယ်အဖြစ်ပါ လုပ်ကိုင်သည်။ ဖက်ရှင်ရှိုးပွဲများလည်း လျှောက်သည်။[2][3][4] သီချင်းရုပ်ရှင်များတွင်လည်း ပါဝင်သရုပ်ဆောင်ခဲ့ပီး Myanmar Celebrity Media နှင့် ပူးပေါင်းတင်ဆက်ကာ ပြည်ပခရီးသွားအစီအစဉ်များကိုလည်း ရိုက်ကူးခဲ့သည်။[5][6][7]

ဟန်နာယူရီသည် သူမ၏ရည်းစားဖြစ်သော ဘန်နီဖြိုး၏ သီချင်းဗီဒီယိုများဖြစ်သော နှစ်ပတ်လည်[8] နှင့် မနက်၄နာရီ[9] တို့တွင် ပါဝင်သရုပ်ဆောင်ခဲ့သည်။

သူမသည် Forever Young မည်သောအလှကုန်ပစ္စည်း ရောင်းချမှုကြောင့် ပြဿနာပေါင်းများစွာ ဖြေရှင်းခဲ့ရပြီး လူပေါင်းများစွာရဲ့ ဝေဖန်မှုကိုခံခဲ့ရသည်။

လက်ရှိတွင် Fujifilm Myanmar ၏ Key Opinion Leader အဖြစ်လည်းကောင်း Dermaster ၏ Brand Ambassador အဖြစ်လုပ်ကိုင်လျှက်ရှိပါသည်။

ဟန်နာယူရီ သည် မြန်မာအဆိုတော် နှင့် သရုပ်ဆောင် ဘန်နီဖြိုး နှင့် ၇နှစ်တာ လက်​တွဲခဲ့သည်။[1][10]၂၀၁၆ခုနှစ်တွင် အဆိုတော်ဘန်နီဖြိုး သည် အင်တာဗျူးတစ်ခုတွင် သူနှင့် ဟန်နာယူရီ တို့၏ ၇နှစ်တာရည်းစားဘဝသည် ပြီးဆုံးသွားပြီ​ ဖြစ်ကြောင်းဖြေကြားခဲ့သည်။[11]သူမသည် ပြဿနာများဖြင့် ဘဝအခြေအနေ ခက်ခဲနေသောအချိန်တွင် ချစ်သူနဲ့လမ်းခွဲခဲ့ပါသည်။[12]

• ဖေ့စ်ဘွတ်ခ် ပေါ်ရှိ ဟန်နာယူရီ