ဟယ်ရီပေါ်တာနှင့် မီးကလပ်

*ဟယ်ရီပေါ်တာနှင့် မီးကလပ်*
Harry Potter and the Goblet of Fire
	ပထမအကြိမ် ယူကေထုတ် စာအုပ်၏ မျက်နှာဖုံးအပြင်အဆင်
စာရေးသူ	ဂျေ ကေ ရိုးလင်း; J. K. Rowling
သရုပ်ဖော်သူ	ဂိုင်းလ် ဂရင်းန်ဖီးလ်; Giles Greenfield (ယူကေထုတ်စာအုပ်); မာရီ ဂရန်းပရယ်; Mary GrandPré (အမေရိကန်ထုတ်စာအုပ်);
အတွဲ	ဟယ်ရီပေါ်တာ
ထုတ်ဝေအမှတ်	စာအုပ်စီးရီးတွင် အမှတ်စဉ် ၄ (စတုတ္ထမြောက်)
အမျိုးအစား	ဆန်းကြယ်စိတ်ကူးယဉ်
ထုတ်ဝေသူ	ဘလွမ်းစ်ဘာရီ စာအုပ်တိုက် (Bloomsbury Publishing) (ယူနိုက်တက်ကင်းဒမ်း) (ကနေဒါတွင် ၂၀၁၀ မှ လက်ရှိအချိန်အထိ); အာသာ အေ လယ်ဗင်း (Arthur A. Levine Books)/; စကောလာ့စတစ် (Scholastic) (အမေရိကန်ပြည်ထောင်စု); ရိန်းကို့စ် (Raincoast Books) (ကနေဒါတွင် ၁၉၉၈ မှ ၂၀၁၀ အထိ);
ထုတ်ဝေသည့်ရက်	၂၀၀၀ ဇူလိုင် ၈
စာမျက်နှာ	၆၃၆ (ယူကေထုတ်စာအုပ်); ၆၁၇ (၂၀၁၄ ယူကေထုတ်စာအုပ်); ၇၃၄ (အမေရိကန်ထုတ်စာအုပ်)
ISBN	ဝ-၇၄၇၅-၄၆၂၄-X
ယခင်စာအုပ်	ဟယ်ရီပေါ်တာနှင့် အက်ဇခါဘန် အကျဉ်းသား
နောက်ထွက်စာအုပ်	ဟယ်ရီပေါ်တာနှင့် ဖီးနစ်အဖွဲ့

ဟယ်ရီပေါ်တာနှင့် မီးကလပ် (အင်္ဂလိပ်: Harry Potter and the Goblet of Fire ၊ ဟယ်ရီပေါ်တာနှင့် မီးတောက်ခွက် စသည်ဖြင့်လည်း ဘာသာပြန်ဆိုကြ) သည် ဗြိတိသျှစာရေးဆရာမ ဂျေ ကေ ရိုးလင်း ရေးသားထားသည့် နာမည်ကြီး ဆန်းကြယ်စိတ်ကူးယဉ် ဝတ္ထုရှည်တစ်ပုဒ် ဖြစ်၍၊ ထိုဝတ္ထုသည် ဟယ်ရီပေါ်တာ စာအုပ်အတွဲတွင် စတုတ္ထမြောက် ဖြစ်သည်။ ထိုစာအုပ်သည် မှော်ဆရာလူငယ်လေး ဟယ်ရီပေါ်တာ၏ ဟော့ဂ်ဝပ် စုန်းကဝေအတတ်နှင့် မှော်ပညာကျောင်းတော်ကြီးတွင် တက်ရောက်ရသော စတုတ္ထနှစ် ကျောင်းသားဘဝ၊ ဟယ်ရီအနေဖြင့် အားထုတ်ရုန်းကန် ကြိုးစားယှဉ်ပြိုင်ရမည်ဖြစ်သည့် ကျောင်းပေါင်းစုံသုံးပွင့်ဆိုင်အားကစားပြိုင်ပွဲကြီးသို့ သူ့နာမည်အား အခြားတစ်ဦးမှ တိတ်တဆိတ်စာရင်းသွင်းလိုက်ခြင်း၏ လျှို့ဝှက်ဆန်းကြယ်မှု စသည့်ဇာတ်ကြောင်းများ ဖြစ်သည်။

ထိုစာအုပ်ကို ယူနိုက်တက်ကင်းဒမ်းတွင် ဘလွမ်းစ်ဘာရီ စာအုပ်တိုက်မှ လည်းကောင်း၊ အမေရိကန်ပြည်ထောင်စုတွင် စကောလာ့စတစ်မှ လည်းကောင်း ၂၀၀၀ ပြည့်နှစ်၊ ဇူလိုင်လ ၈ ရက်တွင် ထုတ်ဝေဖြန့်ချိခဲ့လေသည်။ ဟယ်ရီပေါ်တာ စာအုပ်အတွဲတွင် ပထမဆုံးအဖြစ် နှစ်နိုင်ငံလုံး၌ တစ်ပြိုင်တည်း ဖြန့်ချိနိုင်ခဲ့သော စာအုပ်ဖြစ်ပေသည်။ အဆိုပါ စာအုပ်သည် ၂၀၀၁ ခုနှစ်အတွင်း ဟူဂိုဆုကိုရရှိခဲ့ရာ၊ ထိုဆု ရရှိဖူးသော တစ်ခုတည်းသော ဟယ်ရီပေါ်တာစာအုပ် ဖြစ်သည်။ ဤဝတ္ထုစာအုပ်ကို အခြေခံ၍ ၂၀၀၅ ခုနှစ်၊ နိုဝင်ဘာလ ၁၈ ရက်တွင် ကမ္ဘာတစ်ဝန်း၌ ရုံတင်ပြသခဲ့သော ဟယ်ရီပေါ်တာနှင့် မီးကလပ် ရုပ်ရှင်ဇာတ်ကားနှင့် အီလက်ထရွန်နစ် အာ့တ်စ် ၏ ဟယ်ရီပေါ်တာနှင့် မီးကလပ် ဗွီဒီယိုဂိမ်းတို့လည်း ထွက်ရှိခဲ့သည်။

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.