ဟယ်ရီပေါ်တာနှင့် လျှို့ဝှက်ခန်းဆောင်

*ဟယ်ရီပေါ်တာနှင့် လျှို့ဝှက်ခန်းဆောင်*
Harry Potter and the Chamber of Secrets
	ပထမအကြိမ် ယူကေထုတ် စာအုပ်၏ မျက်နှာဖုံးအပြင်အဆင်
စာရေးသူ	ဂျေ ကေ ရိုးလင်း; J. K. Rowling
သရုပ်ဖော်သူ	ကလစ်ဖ် ရွိုက်; Cliff Wright (ယူကေထုတ်စာအုပ်); ဂျော်နီ ဒပ်ဒဲလ်; Jonny Duddle (၂၀၁၄ ယူကေထုတ်စာအုပ်); မာရီ ဂရန်းပရယ်; Mary GrandPré (အမေရိကန်ထုတ်စာအုပ်); ကေဇူ ကီဘူရ်ရှီ; Kazu Kibuishi (၂၀၁၃ အမေရိကန်ထုတ်စာအုပ်); ဂျင်မ် ကေ; Jim Kay (သရုပ်ဖော်ပုံပါစာအုပ်);
အတွဲ	ဟယ်ရီပေါ်တာ
ထုတ်ဝေအမှတ်	စာအုပ်စီးရီးတွင် အမှတ်စဉ် ၂ (ဒုတိယမြောက်)
အမျိုးအစား	ဆန်းကြယ်စိတ်ကူးယဉ်
ထုတ်ဝေသူ	ဘလွမ်းစ်ဘာရီ စာအုပ်တိုက် (Bloomsbury Publishing) (ယူနိုက်တက်ကင်းဒမ်း) (ကနေဒါတွင် ၂၀၁၀ မှ လက်ရှိအချိန်အထိ); အာသာ အေ လယ်ဗင်း (Arthur A. Levine Books); စကောလာ့စတစ် (Scholastic) (အမေရိကန်ပြည်ထောင်စု); ရိန်းကို့စ် (Raincoast Books) (ကနေဒါတွင် ၁၉၉၈ မှ ၂၀၁၀ အထိ);
ထုတ်ဝေသည့်ရက်	၁၉၉၈ ဇူလိုင် ၂ (ယူနိုက်တက်ကင်းဒမ်း); ၁၉၉၉ ဇွန် ၂ (အမေရိကန်ပြည်ထောင်စု)
စာမျက်နှာ	၂၅၁ (ယူကေထုတ်စာအုပ်); ၃၆၀ (၂၀၁၄ ယူကေထုတ်စာအုပ်); ၃၄၁ (အမေရိကန်ထုတ်စာအုပ်); ၃၆၈ (၂၀၁၃ အမေရိကန်ထုတ်စာအုပ်)
ISBN	ဝ-၇၄၇၅-၃၈၄၉-၂
ယခင်စာအုပ်	ဟယ်ရီပေါ်တာနှင့် ပြဒါးရှင်လုံး
နောက်ထွက်စာအုပ်	ဟယ်ရီပေါ်တာနှင့် အက်ဇခါဘန်အကျဉ်းသား

ဟယ်ရီပေါ်တာနှင့် လျှို့ဝှက်ခန်းဆောင် (အင်္ဂလိပ်: Harry Potter and the Chamber of Secrets ၊ ဟယ်ရီပေါ်တာနှင့် လျှို့ဝှက်အခန်း၊ ဟယ်ရီပေါ်တာနှင့် မိစ္ဆာခန်းဆောင် စသည်ဖြင့်လည်း ဘာသာပြန်ဆိုကြ) သည် ဗြိတိသျှစာရေးဆရာမ ဂျေ ကေ ရိုးလင်း ရေးသားထားသည့် နာမည်ကြီး ဆန်းကြယ်စိတ်ကူးယဉ် ဝတ္ထုရှည် တစ်ပုဒ် ဖြစ်၍၊ ထိုဝတ္ထုသည် ဟယ်ရီပေါ်တာ စာအုပ်အတွဲတွင် ဒုတိယမြောက် ဖြစ်သည်။ ဇာတ်လမ်းမှာ ကျောင်းစင်္ကြများ၏ နံရံများပေါ်မှ သတိပေးစာတိုအတွဲများက လျှို့ဝှက်ခန်းဆောင် ပွင့်သွားပြီ ဖြစ်ပြီး၊ မှော်သွေးစစ်စစ် မိသားစုများမှလာသူ မဟုတ်သည့်သူအားလုံးကို ဆလိုင်သရင်၏ အမွေခံ မှ သုတ်သင်သတ်ဖြတ်သွားလိမ့်မည် ဟု သတိပေးထားစဉ် ဟယ်ရီပေါ်တာ၏ ဟော့ဂ်ဝပ် စုန်းကဝေအတတ်နှင့် မှော်ပညာကျောင်းတော်ကြီးတွင် တက်ရောက်ရသော ဒုတိယနှစ် ကျောင်းသားဘဝအကြောင်း ဖြစ်သည်။ အဆိုပါ ခြိမ်းခြောက်မှုများမှာ ကျောင်းတွင် နေထိုင်သူအချို့အား ကျောက်ရုပ်ဖြစ်အောင် ပြုစားခြင်းများအပြီး တိုက်ခတ်မှုများ ဖြစ်ပေါပြီးနောက် တွေ့ရခြင်း ဖြစ်၏။ ထိုနှစ်အတွင်း ဟယ်ရီနှင့် သူ၏ သူငယ်ချင်းများ ဖြစ်သည့် ရွန်နှင့် ဟာမိုင်ယွန်းနီ တို့က ထိုတိုက်ခိုက်မှုများကို စုံစမ်းစစ်ဆေးဖော်ထုတ်ပေးခဲ့လေသည်။

ထိုစာအုပ်ကို ယူနိုက်တက်ကင်းဒမ်းတွင် ၁၉၉၈ ခုနှစ်၊ ဇူလိုင်လ ၂ ရက်တွင် ဘလွမ်းစ်ဘာရီ စာအုပ်တိုက်မှ ထုတ်ဝေခဲ့၍ ၊ အမေရိကန်ပြည်ထောင်စုတွင်မူ ၁၉၉၉ ခုနှစ်၊ ဇွန်လ ၂ ရက်တွင် စကောလာ့စတစ်မှ ထုတ်ဝေဖြန့်ချိခဲ့လေသည်။ ရိုးလင်းသည် စာအုပ်ကို အဆုံးသတ် ဇာတ်သိမ်းရန် ခက်ခဲကြောင်း တွေ့ရသော်လည်း စာအုပ်သည် ဝေဖန်ရေးဆရာများ၊ လူငယ်စာဖတ်သူများနှင့် စာပေဖြန့်ချိရေးလုပ်ငန်းများ၏ မြင့်မားသော ချီးကျူးဂုဏ်ပြုမှုနှင့် ဆုတံဆိပ်များအား လက်ခံရရှိခဲ့ပေသည်။ သို့ရာတွင် အချို့သုံးသပ်သူများကမူ ဤစာအုပ်သည် ငယ်ရွယ်သော ကလေးငယ်များအား အလွန်အမင်း ကြောက်ရွံ့စေမှုကို ဖြစ်စေသည်ဟု ယူဆကြ၏။ စာအုပ်စီးရီး၏ အခြားဝတ္ထုများကဲ့သို့ပင် ဤ လျှို့ဝှက်ခန်းဆောင် ဝတ္ထုသည် ဘာသာရေးဆိုင်ရာ ငြင်းခုံဆွေးနွေးမှုများကို ဖြစ်စေခဲ့ပြန်သည်။ အခြားသူများက ဤစာအုပ်၏ မိမိကိုယ်တိုင် စွန့်လွှတ်အနစ်နာခံမှု ၊ လူတစ်ယောက်၏ စရိုက်နှင့် အရည်အချင်းသည် ထိုသူ၏ ရွေးချယ်မှုများမှ ရလဒ်များ ဖြစ်သည် ဆိုသော နည်းလမ်းများအား အလေးပေးမှု စသည်တို့အတွက် ချီးမွမ်းကြစဉ် ၊ အချို့သော ဘာသာရေးဆိုင်ရာ ဩဇာရှိအာဏာပိုင်များကမူ ၎င်း၏ မှော်အတတ်ပညာဆိုင်ရာများ ပါဝင်မှုကို ရှုတ်ချဝေဖန်ခဲ့ကြလေသည်။

အချို့ ဟောပြောသူများက ပုဂ္ဂိုလ်ရေးဆိုင်ရာ ကိုယ်ပိုင်လက္ခဏာများသည် ဤစာအုပ်၏ အားကြီးသော အဓိကဆိုလိုရင်းဖြစ်သည်ဟု ဆိုကြ၏။ မှော်ပညာမတတ်သူများ၊ လူသားမဟုတ်သူများ၊ အသက်မရှိသူများ စသည်ဖြင့် ခွဲခြားဖော်ပြသည့် လူမျိုးရေးခွဲခြားမှုဝါဒကို ငြင်းဆိုခြင်းအား ယခုစာအုပ်တွင် လမ်းညွှန်ပြသပေးသည်ဟု ဆိုကြသည်။ အချို့သော ဟောပြောသုံးသပ်သူများကမူ ဇာတ်လမ်းထဲတွင် သတိပေးခြင်းနှင့် ဆန့်ကျင်လျက် လှုပ်ရှားမှုနှင့် ယုံကြည်စိတ်ချနိုင်မှုတို့အား စစ်ဆေးထားခြင်းမရှိသော ဒိုင်ယာရီစာအုပ်စသော ရင်းမြစ်များမှ လာသည့် သတင်းအချက်အလက်များကို မမေးမစမ်းဘဲ လက်ခံစွက်ဖက်ခြင်းသည် စဉ်းစားဖွယ်ရှိကြောင်း ဆိုကြသည်။ အဖွဲ့အစည်းဆိုင်ရာ လုပ်ဆောင်မှုအား မိမိကိုယ်တိုင်ထမ်းဆောင်မှု အဖြစ် သရုပ်ဖော်ပြီး ၊ အရည်အချင်းညံ့ဖျင်းမှု ရှိသည် ဟူ၍လည်း ဆိုကြပြန်သည်။ ဤစာအုပ်သည် စာအုပ်စီးရီး၏ ဆဋ္ဌမမြောက်ဝတ္ထုဖြစ်သော ဟယ်ရီပေါ်တာနှင့် သွေးနှောမင်းသား နှင့် ဆက်သွယ်ချက်အချို့ရှိသည် ဟုလည်း လူအများ သိကြလေသည်။

၂၀၀၂ ခုနှစ်တွင် ထွက်ရှိခဲ့သော ဟယ်ရီပေါ်တာနှင့် လျှို့ဝှက်ခန်းဆောင် ရုပ်ရှင်ကားသည်လည်း (ထိုခေတ်အချိန်ကာလက) အချိန်တိုင်းအတွက်တာ ကမ္ဘာ့ဝင်ငွေရရှိမှု အမြင့်မားဆုံးသော ဇာတ်ကားများစာရင်းတွင် သတ္တမမြောက် လိုက်ခဲ့သေးသည်။ ဇာတ်ကားအညွှန်းနှင့် ဝေဖန်ရေးများတွင်လည်း အများအားဖြင့် ကောင်းမွန်စွာ အထောက်အကူပြုစေခဲ့သည်။ ဝတ္ထုကို အခြေခံသော ဗွီဒီယိုဂိမ်းများလည်း မရေမရာ ပေါ်ထွက်လာခဲ့ပြီး၊ အများစုမှာ ကျေနပ်အားရဖွယ် သုံးသပ်ချက်များ ရရှိခဲ့သည်။

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.