အင်ဒိုရာနိုင်ငံ

အင်ဒိုရာနိုင်ငံ၏ တရားဝင်အမည်မှာ Principality of Andorra (သို့မဟုတ်) Principality of the Valleys of Andorra ဟု ဖြစ်သည်။ [1] ဥရောပအနောက်တောင်ပိုင်းမှ နိုင်ငံငယ်လေးတစ်ခုဖြစ်ပြီး စပိန်နိုင်ငံနှင့် ပြင်သစ်နိုင်ငံ တို့ကြား ပီးရနီးစ်တောင်တန်း ပေါ်တွင် တည်ရှိသည်။ ယင်းသည် ဥရောပတိုက်တွင် ဆဌမမြောက် အသေးငယ်ဆုံး နိုင်ငံငယ်လေးဖြစ်ပြီး ဧရိယာ စတုရန်းမိုင်ပေါင်း (၁၈၁) (စတုရန်းကီလိုမီတာပေါင်း ၄၆၈) သာကျယ်ဝန်း၍ ၂၀၀၉ခုနှစ်တွင် ခန့်မှန်းလူဦးရေ ၈၃,၈၈၈ ယောက်သာ ရှိသည်။ မြို့တော်မှာ အင်ဒိုရာလာဗီလာ (Andorra la Vella) ဖြစ်ပြီး ပင်လယ်ရေမျက်နှာပြင်အထက် ၁၀၂၃မီတာအမြင့်တွင် တည်ရှိပြီး ဥရောပတွင် မြေမျက်နှာပြင်အမြင့်ဆုံး တိုင်းပြည်ဖြစ်သည်။ [2] စပိန်နှင့် ပြင်သစ် ဘာသာစကားများကိုပြောဆိုကြသော်လည်း ရုံးသုံးဘာသာစကားမှာ ကက်တလန် (Catalan) ဘာသာစကားဖြစ်သည်။

အင်ဒိုရာတောင်ကြားမင်းသားနိုင်ငံ
Principality of Andorra
အလံတော် အမှတ်တံဆိပ်
ဆောင်ပုဒ်: "Virtus Unita Fortior"  (Latin)
"Virtue United is Stronger"
နိုင်ငံတော် သီချင်း: El Gran Carlemany, Mon Pare  (Catalan)
The Great Charlemagne, my Father
မြို့တော်
နှင့် အကြီးဆုံးမြို့		Andorra la Vella
ရုံးသုံး ဘာသာစကားများကာတာလန်ဘာသာ
လူဦးရေ
• ခန့်မှန်း
၈၄၀၈၂

အင်ဒိုရာနယ်ကို ၁၂၇၈တွင် ဖွဲ့စည်းခဲ့သည်။ တိုင်းပြည်၏ အုပ်ချုပ်သူအဖြစ် ပြင်သစ်သမ္မတနှင့် စပိန်နိုင်ငံ၊ ကက်တလိုနီးယားမှ အာရ်ဂဲလ် ဂိုဏ်းအုပ်ဘုန်းကြီးတို့မှ ပူးတွဲ အုပ်ချုပ်သည်။

ခရီးသွားလုပ်ငန်းဖြင့် တိုးတက်ဖွံ့ဖြိုးသော တိုင်းပြည်ဖြစ်ပြီး နှစ်စဉ်ကမ္ဘာလှည့်ခရီးသည် ၁၀.၂သန်းမျှ ဝင်ရောက်သည်။ [3] ဒုတိယအကြောင်းတရားမှာ အခွန်အခနိမ့်သောကြောင့်ဖြစ်သည်။ ယင်းသည် ဥရောပသမဂ္ဂ အဖွဲ့ဝင်နိုင်ငံ မဟုတ်သော်လည်း ယူရိုငွေကြေး ကို သုံးစွဲသည်။ ကမ္ဘာပေါ်တွင် ဒုတိယမြောက် လူ့သက်တမ်းအရှည်ဆုံး တိုင်းပြည်ဖြစ်ပြီး မျှော်မှန်းနိုင်သော သက်တမ်းမှာ (၈၂)ဖြစ်သည်။ [4]

ကိုးကား
  1. Funk and Wagnalls Encyclopedia, 1991
  2. Maps, Weather, and Airports for Andorra la Vella, Andorra
  3. Estadistica.ad Archived 2 April 2018 at the Wayback Machine., Departament d'Estadística, Govern d'Andorra. (ကတလန်)
  4. Pat Thompson။ "Why Andorrans live longer than everyone else"၊ CNN၊ 23 April 2009။ 7 June 2009 တွင် ပြန်စစ်ပြီး။
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.