အိုရစ်မြို့

အိုရစ်မြို့ သည် မြောက်မက်စီဒိုးနီးယားနိုင်ငံရှိ မြို့ တစ်မြို့ ဖြစ်ပြီး အိုရစ် စည်ပင်သာယာနယ်နိမိတ်၏ ရုံးထိုင်ရာမြို့ ဖြစ်သည်။ အိုရစ်ရေကန် ပေါ်တွင် တည်ရှိသော အကြီးဆုံး မြို့ ဖြစ်ပြီး နိုင်ငံအတွင်း အဋ္ဌမမြောက် အကြီးဆုံး မြို့ ဖြစ်ကာ ၂၀၀၂ ခုနှစ်တွင် လူဦးရေ ၄၂,၀၀၀ ကျော် နေထိုင်သည်။ အိုရစ်သည် ဘုရားကျောင်းပေါင်း ၃၆၅ ကျောင်းရှိခြင်းကြောင့် ထင်ရှားပြီး တစ်နှစ်ပတ်လုံး တစ်ရက်လျှင် တစ်ကျောင်း ဖြစ်သည်။ အိုရစ်အား ဘော်လ်ကန်ဒေသ၏ ဂျေရုဆလင်ဟု ရည်ညွှန်းကြသည်။ [1] မြို့အတွင်း ပန်းချီကားပမာ အိမ်များနှင့် အဆောက်အဦးများရှိပြီး ခရီးသွားလုပ်ငန်းမှာ ထင်ရှားသည်။ စကော့ပြေ မြို့၏ အနောက်တောင်ဘက်တွင် တည်ရှိပြီး ရီဆင်မြို့ နှင့် ဘစ်တိုလာမြို့၏ အနောက်ဘက်တွင် ရှိသည်။ ၁၉၇၉ ခုနှစ် နှင့် ၁၉၈၀ ခုနှစ်တို့တွင် အိုရစ်မြို့ နှင့် အိုရစ်ရေကန် တို့သည် ယူနက်စကို၏ ယဉ်ကျေးမှု နှင့် သဘာဝ ဆိုင်ရာ ကမ္ဘာ့အမွေအနှစ်နေရာ အဖြစ် သတ်မှတ်ခြင်း ခံရသည်။ အိုရစ်သည် ယူနက်စကို၏ သဘာဝ နှင့် ယဉ်ကျေးမှု နှစ်ခုစလုံး အတွက် ရောနှော သတ်မှတ်ခြင်း ခံရသော ဒေသ ၂၈ ခု အတွင်း တစ်ခု အပါအဝင် ဖြစ်သည်။[2]

အိုရစ်မြို့

Ohrid
Охрид
မြို့တော်
အိုရစ်မြို့နှင့် အိုရစ်ရေကန် ၏ မြင်ကွင်းပုံ
နိုင်ငံမြောက်မက်စီဒိုးနီးယားနိုင်ငံ
စည်ပင်သာယာနယ်နိမိတ်အိုရစ်
အိုရစ်ဒေသမှ သဘာဝနှင့်ယဉ်ကျေးမှုဆိုင်ရာ အမွေအနှစ်များ*
UNESCO ကမ္ဘာ့အမွေအနှစ်နေရာများ
တည်ရှိသည့် နိုင်ငံ  မက်စီဒိုးနီးယား
အမျိုးအစား သဘာဝ ၊ ယဉ်ကျေးမှု (ရောနှော)
ရွေးချယ်သည့်စံနှုန်း i, iii, iv, vii
ကိုးကား ၉၉
ဒေသ** ဥရောပနှင့် မြောက်အမေရိက
သတ်မှတ်ခြင်း မှတ်တမ်း
စတင်သတ်မှတ်ခြင်း ၁၉၇၉  (တတိယအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည်
** ယူနက်စကိုမှ ခွဲခြားသတ်မှတ်ထားသောဒေသ

ကိုးကား
  1. Between past and future: civil-military relations in post-communist Balkan states, Biljana Vankovska, Håkan Wiberg, I.B.Tauris, 2003, ISBN 1-86064-624-7, p. 71.
  2. Natural and Cultural Heritage of the Ohrid region
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.