၂၀၁၄ အာရှလူငယ် ယူ-၁၉ ချန်ပီယံရှစ်ပြိုင်ပွဲ ခြေစစ်ပွဲ

ယခုပြိုင်ပွဲ၏​ခြေစစ်ပွဲကိုအာရှနိုင်ငံ​ပေါင်း ၄၀ နိုင်ငံမှ ဝင်​ရောက်ယှဉ်ပြိုင်ခဲ့ပြီး ​ခြေစစ်ပွဲ​အောင် ၁၅ သင်းကို​ရွေးချယ်ခဲ့သည်။​ခြေစစ်ပွဲဝင် နိုင်ငံ​ပေါင်း ၄၀ ကို ၅ သင်း သို့မဟုတ် ၄ သင်းပါဝင်​သောအုပ်စု ၉ ခုခွဲ​ကာ အ​နောက်အာရှဇုန်တွင် ၅ သင်းပါဝင်​သောအုပ်စု ၂ အုပ်စု နှင့် ၄ သင်းပါဝင်​သော အုပ်စု ၃ အုပ်စု စုစု​ပေါင်း ၅ အုပ်စု၊အ​ရှေ့အာရှဇုန်တွင် ၅ သင်းပါဝင်​သောအုပ်စု ၂ အုပ်စု၊၄ သင်းပါဝင်​သောအုပ်စု ၂ အုပ်စု စုစု​ပေါင်း ၄ အုပ်စုဖြင့်ကျင်းပခဲ့သည်။ခြေစစ်ပွဲစဉ်များကို အာရှ​ဘောလုံးအဖွဲ့ချုပ်မှ သတ်မှတ်​​ရွေးချယ်ထား​သော အိမ်ရှင်နိုင်ငံများတွင် တစ်​​ကျော့တည်း ကျင်းပခဲ့ကာ အုပ်စု ၉ ခု၏ ပထမရအသင်းများ နှင့် အ​ကောင်းဆုံးဒုတိယ ၆ သင်းတို့သည် ​​ခြေစစ်ပွဲ​အောင်အသင်းများအဖြစ် ၂၀၁၄ ခုနှစ်တွင် ကျင်းပသည့်နောက်ဆုံးအဆင့်ပြိုင်ပွဲသို့ အိမ်ရှင် မြန်မာ အသင်းနှင့်အတူ ယှဉ်ပြိုင်ခွင့်ရခဲ့သည်။

​ခြေစစ်ပွဲစဉ်များအတွက် အုပ်စုများကို ၂၀၁၃ ခုနှစ် ဧပြီလ ၂၆ ရက်တွင် မ​လေးရှားနိုင်ငံ၏မြို့​တော် ကွာလာလမ်ပူမြို့ရှိ အာရှ​ဘောလုံးအဖွဲ့ချုပ်၏ရုံးချုပ်၌ မဲခွဲခဲ့သည်။[1] မဲခွဲရာတွင် ၂၀၁၂ အာရှလူငယ်ယူ-၁၉ ချန်ပီယံရှစ်ပြိုင်ပွဲ တွင် ရရှိခဲ့​သောအဆင့်သတ်မှတ်ချက်များအလိုက် မဲအိုး ၁ မှ ၄ အထိ ၄ အိုးခွဲထားသည်။ထို့​နောက် အဆင့်နိမ့်အသင်းများ ပါဝင်​သော မဲအိုး ၄ မှအသင်းများကိုဦးစွာမဲနှိုက်၍ထိုမှတစ်ဆင့် မဲအိုး ၃၊၂၊၁ ဟူ၍အစဉ်လိုက်မဲနှိုက်သွားသည်။ ခြွင်းချက်အ​​နေဖြင့် မဲခွဲရာတွင် ခြေစစ်ပွဲကျင်းပမည့်နိုင်ငံများ တစ်အုပ်စုတည်းမကျ​စေရန်အတွက် အိမ်ရှင်ကျင်းပခွင့်ရနိုင်ငံပါ​သော အုပ်စု ထွက်​ပေါ်လာလျှင် ထိုအုပ်စု၌ အခြားအိမ်ရှင်နိုင်ငံများကို မပါဝင်​စေဘဲ အိမ်ရှင်ကျင်းပမည့်နိုင်ငံ မထွက်​ပေါ်လာ​သေး​သော အုပ်စုတွင် ပါဝင်​စေခဲ့သည်။

 မြန်မာ သည် ​ယခုပြိုင်ပွဲ၏ အိမ်ရှင် ဖြစ်​သော​ကြောင့် ​ခြေစစ်ပွဲ ယှဉ်ပြိုင်စရာမလိုဘဲ ​နောက်ဆုံးအဆင့်သို့ အလိုအ​လျောက်ယှဉ်ပြိုင်ခွင့်ရရှိခဲ့သည်။

​အောက်​ဖော်ပြပါနိုင်ငံများသည် ​ခြေစစ်ပွဲဝင်​ရောက်ယှဉ်ပြိုင်ခြင်းမရှိပါ။

•  ဘူတန်
•  ကမ္ဘောဒီးယား
•  ကာဂျစ္စတန်
•  သီရိလင်္ကာ
•  အရှေ့တီမော
• မြောက်မာရီယာနာကျွန်းစု

၁၉၉၅ ဇန်နဝါရီလ ၁ ရက် နှင့် ​နောက်ပိုင်း​​မွေးဖွား​သော ကစားသမား များကို ​ခြေစစ်ပွဲတွင် ပါဝင်ယှဉ်ပြိုင်ခွင့်ပြုထားသည်။

အကယ်၍အုပ်စုပွဲစဉ်များပြီးဆုံးချိန်တွင် အုပ်စုတွင်း ၂ သင်းသို့မဟုတ် ၂ သင်းနှင့်အထက် ရမှတ်များတူညီ​နေပါက ​အောက်ပါစည်းမျဉ်းများဖြင့်ဆုံးဖြတ်သည်။

၁။ ထိုအသင်းများ၏ထိပ်တိုက်​​​​​​ကစားခဲ့​သောပွဲစဉ်များမှရမှတ်အများ​ဆုံးရ​သောအသင်းသည်​အသာရမည်။

၂။ ထိုထိပ်တိုက်ကစားခဲ့​သောပွဲစဉ်များမှ ဂိုးကွာခြားချက်(+)ပိုရ​သောအသင်းသည် အသာရမည်။

၃။ ထိုထိပ်တိုက်ကစားခဲ့​သောပွဲစဉ်များမှ သွင်းဂိုးအများဆုံးရအသင်းသည် အသာရမည်။

၄။ အုပ်စုတွင်းပွဲစဉ်အားလုံးတွင် ဂိုးကွာခြားချက်(+)ပိုရ​သောအသင်းသည်​ အသာရမည်။

၅။ အုပ်စုတွင်းပွဲစဉ်အားလုံးတွင် သွင်းဂိုးအများဆုံးရအသင်းသည် အသာရမည်။

၆။ အကယ်၍အမှတ်တူ ၂ သင်းသာရှိပြီး ထို ၂ သင်းစလုံးသည် အုပ်စု​နောက်ဆုံးပွဲတွင် ထိပ်တိုက်ကစားရကာ ပွဲပြီးဆုံးချိန်အထိ အ​ပေါ်အချက်များအားလုံးတူညီ​​နေပါက ပင်နယ်တီ အဆုံးအဖြတ်ခံယူကာ အနိုင်ရ​သောအသင်းသည် အသာရမည်။

၇။ အုပ်စုတွင်းပွဲစဉ်များတွင် အဝါကတ် အနီကတ် ပြသခံရမှု အနည်းဆုံးအသင်းသည် အသာရမည်။

၈။ ထိုအသင်းများ သည် အ​ပေါ်အချက်များ အားလုံးတူညီ​နေပါက မဲနှိုက်ဆုံးဖြတ်မည်။

အုပ်စု (က)

အုပ်စု (က) ပွဲစဉ်များကို ကာတာနိုင်ငံ၌ကျင်းပခဲ့သည်။ စံ​တော်ချိန်မှာ ကာတာစံ​တော်ချိန်(UTC+03:00) ဖြစ်သည်။

အသင်းများ	ပွဲပေါင်း	နိုင်ပွဲ	သရေပွဲ	ရှုံးပွဲ	ရဂိုး	ပေးဂိုး	ဂိုးကွာခြားမှု	ရမှတ်
ကာတာ	၄	၄	၀	၀	၁၃	၁	+၁၂	၁၂
ဥဇဘက်ကစ္စတန်	၄	၃	၀	၁	၁၀	၂	+၈	၉
အိန္ဒိယ	၄	၁	၁	၂	၃	၇	−၄	၄
တာ့ခ်မင်နစ္စတန်	၄	၁	၁	၂	၄	၁၁	−၇	၄
နီပေါ	၄	၀	၀	၄	၁	၁၀	−၉	၀

အုပ်စု (ခ)

အုပ်စု (ခ) ပွဲစဉ်များကို ​​ဂျော်ဒန်နိုင်ငံ၌ ကျင်းပခဲ့သည်။ စံ​တော်ချိန်မှာ ​​ဂျော်ဒန်စံ​တော်ချိန်(UTC+03:00) ဖြစ်သည်။

အသင်းများ	ပွဲပေါင်း	နိုင်ပွဲ	သရေပွဲ	ရှုံးပွဲ	ရဂိုး	ပေးဂိုး	ဂိုးကွာခြားမှု	ရမှတ်
အာရပ်စော်ဘွားများပြည်ထောင်စု	၄	၄	၀	၀	၁၅	၁	+၁၄	၁၂
ယီမင်	၄	၃	၀	၁	၉	၃	+၆	၉
ဂျော်ဒန်	၄	၁	၁	၂	၃	၅	−၂	၄
မော်လဒိုက်	၄	၁	၁	၂	၁	၈	−၇	၄
အာဖဂန်နစ္စတန်	၄	၀	၀	၄	၁	၁၂	−၁၁	၀

အုပ်စု (ဂ)

အုပ်စု (ဂ) ပွဲစဉ်များကို အီရတ်နိုင်ငံ၌ ကျင်းပခဲ့သည်။ စံ​တော်ချိန်မှာ အီရတ်စံ​တော်ချိန် (UTC+03:00) ဖြစ်သည်။

အသင်းများ	ပွဲပေါင်း	နိုင်ပွဲ	သရေပွဲ	ရှုံးပွဲ	ရဂိုး	ပေးဂိုး	ဂိုးကွာခြားမှု	ရမှတ်
အီရတ်	၂	၁	၁	၀	၆	၀	+၆	၄
ဘင်္ဂလားဒေ့ရှ်	၂	၁	၀	၁	၁	၆	−၅	၃
ကူဝိတ်	၂	၀	၁	၁	၀	၁	−၁	၁
ပါကစ္စတန်	နုတ်ထွက်

အုပ်စု (ဃ)

အုပ်စု (ဃ) ပွဲစဉ်များကို အီရန်နိုင်ငံ၌ ကျင်းပခဲ့သည်။ စံ​တော်ချိန်မှာ အီရန်စံ​တော်ချိန်(UTC+03:00) ဖြစ်သည်။

အသင်းများ	ပွဲပေါင်း	နိုင်ပွဲ	သရေပွဲ	ရှုံးပွဲ	ရဂိုး	ပေးဂိုး	ဂိုးကွာခြားမှု	ရမှတ်
အီရန်	၃	၃	၀	၀	၉	၁	+၈	၉
ဆော်ဒီအာရေဗျ	၃	၂	၀	၁	၇	၂	+၅	၆
လက်ဘနွန်	၃	၀	၁	၂	၂	၈	−၆	၁
တာဂျစ်ကစ္စတန်	၃	၀	၁	၂	၀	၇	−၇	၁

အုပ်စု (င)

အုပ်စု (င) ပွဲစဉ်များကို ပါလက်စတိုင်းနိုင်ငံ၌ ကျင်းပခဲ့သည်။စံ​တော်ချိန်မှာ ပါလက်စတိုင်းစံ​တော်ချိန် (UTC+03:00) ဖြစ်သည်။

အသင်းများ	ပွဲပေါင်း	နိုင်ပွဲ	သရေပွဲ	ရှုံးပွဲ	ရဂိုး	ပေးဂိုး	ဂိုးကွာခြားမှု	ရမှတ်
အိုမန်	၂	၂	၀	၀	၃	၀	+၃	၆
ပါလက်စတိုင်း	၂	၀	၁	၁	၁	၂	−၁	၁
ဘာရိန်း	၂	၀	၁	၁	၁	၃	−၂	၁
ဆီးရီးယား	နုတ်ထွက်

အုပ်စု (စ)

အုပ်စု (စ) ပွဲစဉ်များကို ​မ​လေးရှားနိုင်ငံ၌ကျင်းပခဲ့သည်။ စံ​တော်ချိန်မှာ ​မ​လေးရှားစံ​တော်ချိန် (UTC+08:00) ဖြစ်သည်။

အသင်းများ	ပွဲပေါင်း	နိုင်ပွဲ	သရေပွဲ	ရှုံးပွဲ	ရဂိုး	ပေးဂိုး	ဂိုးကွာခြားမှု	ရမှတ်
ဗီယက်နမ်	၃	၃	၀	၀	၁၆	၃	+၁၃	၉
ဩစတြေးလျ	၃	၂	၀	၁	၁၁	၅	+၆	၆
ဟောင်ကောင်	၃	၁	၀	၂	၂	၁၂	−၁၀	၃
တရုတ် တိုင်ပေ	၃	၀	၁	၂	၁	၁၀	−၉	၀
မွန်ဂိုးလီးယား	နုတ်ထွက်

အုပ်စု (ဆ)

အုပ်စု (ဆ) ပွဲစဉ်များကို အင်ဒိုနီးရှားနိုင်ငံ၌ကျင်းပခဲ့သည်။ စံ​တော်ချိန်မှာ အ​နောက်အင်ဒိုနီးရှားစံ​တော်ချိန် (UTC+07:00) ဖြစ်သည်။

အသင်းများ	ပွဲပေါင်း	နိုင်ပွဲ	သရေပွဲ	ရှုံးပွဲ	ရဂိုး	ပေးဂိုး	ဂိုးကွာခြားမှု	ရမှတ်
အင်ဒိုနီးရှား	၃	၃	၀	၀	၉	၂	+၇	၉
တောင်ကိုရီးယား	၃	၂	၀	၁	၁၁	၄	+၇	၆
ဖိလစ်ပိုင်	၃	၀	၁	၂	၂	၈	−၆	၁
လာအို	၃	၀	၁	၂	၃	၁၁	−၈	၁
ဂူအမ်	နုတ်ထွက်

အုပ်စု (ဇ)

အုပ်စု (ဇ) ပွဲစဉ်များကို ထိုင်းနိုင်ငံ၌ကျင်းပခဲ့သည်။ စံ​တော်ချိန်မှာ ထိုင်းစံ​တော်ချိန် (UTC+07:00) ဖြစ်သည်။

အသင်းများ	ပွဲပေါင်း	နိုင်ပွဲ	သရေပွဲ	ရှုံးပွဲ	ရဂိုး	ပေးဂိုး	ဂိုးကွာခြားမှု	ရမှတ်
မြောက်ကိုရီးယား	၃	၃	၀	၀	၁၂	၀	+၁၂	၉
ထိုင်း	၃	၂	၀	၁	၁၀	၂	+၈	၆
စင်ကာပူ	၃	၁	၀	၂	၃	၈	−၅	၃
ဘရူနိုင်း	၃	၀	၀	၃	၁	၁၆	−၁၅	၀

အုပ်စု (ဈ)

အုပ်စု (ဈ) ပွဲစဉ်များကို တရုတ်နိုင်ငံ၌ကျင်းပခဲ့သည်။ စံ​တော်ချိန်မှာ တရုတ်စံ​တော်ချိန် (UTC+08:00) ဖြစ်သည်။

အသင်းများ	ပွဲပေါင်း	နိုင်ပွဲ	သရေပွဲ	ရှုံးပွဲ	ရဂိုး	ပေးဂိုး	ဂိုးကွာခြားမှု	ရမှတ်
ဂျပန်	၃	၃	၀	၀	၁၂	၂	+၁၀	၇
တရုတ်	၃	၂	၀	၁	၇	၂	+၅	၇
မလေးရှား	၃	၁	၀	၂	၇	၈	−၁	၃
မကာအို	၃	၀	၀	၃	၀	၁၄	−၁၄	၀

အ​ကောင်းဆုံးအုပ်စုဒုတိယအသင်း ၆ သင်း ​ရွေးချယ်ရာတွင် အုပ်စု (ဂ) နှင့် (င) တို့တွင် ၃ သင်းသာပါဝင်​သော​​ကြောင့် အုပ်စုဒုတိယအသင်းများ ညီတူညီမျှဖြစ်​စေရန် ၄ သင်းပါဝင်​သောအုပ်စု (ဃ)၊(စ)၊(ဆ)၊(ဇ) နှင့် (ဈ) တို့တွင် အုပ်စုဒုတိယအသင်းများနှင့်​အုပ်စုအောက်ဆုံးအသင်းများ၏ ထိပ်တိုက်​​​တွေ့ဆုံခဲ့​​သောရလဒ်များကိုမတွက်ချက်ဘဲ ရလာ​သော ထိုအုပ်စုဒုတိယအသင်းများ၏ရလဒ်များကိုကြည့်၍ဆုံးဖြတ်ခဲ့သည်။ အလားတူ ၅ သင်းပါဝင်​သော အုပ်စု (က) နှင့် (ခ) တို့မှအောက်ဆုံး ၂ သင်းစီနှင့် ၎င်းတို့အုပ်စုနှင့်သက်ဆိုင်ရာအုပ်စုဒုတိယအသင်းတို့၏ ​တွေ့ဆုံမှုရလဒ်များကိုမတွက်ဘဲ ရလာ​သော ယင်းအုပ်စုဒုတိယအသင်းများ၏ရလဒ်များကိုကြည့်ကာဆုံးဖြတ်ခဲ့သည်။

ထိုကဲ့သို့​ရွေးချယ်ရာတွင် ​အောက်ပါအချက်များဖြင့်ဆုံးဖြတ်ခဲ့သည်။

၁။အမှတ်အများဆုံးရ​သောအသင်းသည် အသာရမည်။

၂။ဂိုးကွာခြားချက် (+)ပိုရ​သောအသင်းသည် အသာရမည်။

၃။သွင်းဂိုးပိုရ​သောအသင်းသည် အသာရမည်။

၄။အဝါကတ်၊အနီကတ်ပြသခံရမှုပိုနည်း​သောအသင်းသည် အသာရမည်။

၅။မဲခွဲဆုံးဖြတ်မည်။

အုပ်စု	အသင်းများ	ပွဲပေါင်း	နိုင်ပွဲ	သရေပွဲ	ရှုံးပွဲ	ရဂိုး	ပေးဂိုး	ဂိုးကွာခြားမှု	ရမှတ်
ဈ	တရုတ်	၂	၁	၁	၀	၄	၂	+၂	၄
စ	ဩစတြေးလျ	၂	၁	၀	၁	၈	၅	+၃	၃
ဆ	တောင်ကိုရီးယား	၂	၁	၀	၁	၆	၃	+၃	၃
က	ဥဇဘက်ကစ္စတန်	၂	၁	၀	၁	၄	၂	+၂	၃
ဇ	ထိုင်း	၂	၁	၀	၁	၃	၂	+၁	၃
ခ	ယီမင်	၂	၁	၀	၁	၃	၃	၀	၃
ဃ	ဆော်ဒီအာရေဗျ	၂	၁	၀	၁	၂	၂	၀	၃
ဂ	ဘင်္ဂလားဒေ့ရှ်	၂	၁	၀	၁	၁	၆	−၅	၃
င	ပါလက်စတိုင်း	၂	၀	၁	၁	၁	၂	−၁	၁