၂၀၁၇ မြန်မာ့လေတပ် စန်းရှီ ဝိုင်-၈ ပျက်ကျခြင်း

လေယာဉ်မှူးကြီးမှာ ဒုတိယဗိုလ်မှူးကြီး ငြိမ်းချမ်းနှင့် တွဲဘက်လေယာဉ်မှူးမှာ ဒုတိယဗိုလ်မှူးကြီး စိုးသူဝင်းနှင့် ဗိုလ်မှူး သန့်ဇင်ဌေးတို့ ဖြစ်သည်။ လေယာဉ်အမှုထမ်းပေါင်း ၁၄ ဦး ဖြစ်သည်။[2]

လေယာဉ်သည် ထားဝယ် လေတပ်စခန်းနှင် အဆက်အသွယ် ပြတ်တောက်သွားချိန်တွင် လေယာဉ်ပေါ်၌ ကလေး ၁၅ ယောက် အပါအဝင်၊ စစ်သည်ဝန်ထမ်းနှင့် မိသားစု ၁၀၈ ဦး ရှိနေသည်။ အရာရှိ ၆ ဦးနှင့် စစ်သည် ၂၉ ဦး လည်း လေယာဉ်ပေါ် ရှိနေခဲ့သည်။[3]

တပ်မ‌တော်ရေတပ်သင်္ဘော ကိုးစင်း၊ တပ်လေယာဉ်နှင့် ရဟတ်ယာဉ် သုံးစီးကို ပို့လွှတ်၍ ကူရှာစေသည်။[11] လေယာဉ်မှ အပျက်အစီးအပိုင်းအစများကို ထားဝယ်အလွန် ရေမိုင် ၁၁၈ (၂၁၈ ကီလိုမီတာ) ၌ တပ်မတော် ရေတပ်သင်္ဘောက တွေ့ရှိခဲ့သည်။[12] ဇွန် ၈ ရက်အထိ၊ အလောင်း ၂၉ လောင်း တွေ့ကြောင်း သတင်းပို့သည်။[13] လေယာဉ်အစိတ်အပိုင်းများ ၎င်းနေရာ၌ အနှံ့အပြား၌ ပျံ့ကျဲနေခြင်းက ‌ညွှန်ပြနေသည်မှာ အမြင့်၌ ပျံသန်းစဉ် လေယာဉ်သည် ပေါက်ကွဲမှုကို ခံခဲ့ရသည်ဟုဆိုသည်။ မုန်တိုင်းကြောင့် ရှာဖွေကယ်ဆယ်ရေး နှောင့်နှေးခဲ့သည်။ ရှင်ကျန်သူများကို ရှာဖွေရန် မျှော်လင့်ချက်များ မှေးမှိန်လာပြီဟု ဇွန် ၉ ရက်တွင် ဖော်ပြခဲ့သည်။ နောက်တွင် ရှင်ကျန်သူ မရှိကြောင်း ဖော်ပြလာသည်။[7]

ယင်းဖြစ်ရပ်သည် ၁၉၈၇ ခုနှစ် ဖော်ကာ အက်ဖ် ၂၇ ပျက်ကျမှုတွင် လူ ၄၉ ဦး သေဆုံးရသည့်ထက် ကျော်လွန်ပြီး၊ မြန်မာ့လေကြောင်း ပျံသန်းမှု သမိုင်းတွင် အသေအပျောက် အများဆုံး မတော်တဆ ဖြစ်ရပ် ဖြစ်သည်။[14]

ကူညီရှာဖွေပေးလျက်ရှိသော ငါးဖမ်းစက်လှေတစ်စီးသည် ထားဝယ်မြင်းခွာအော်အနီးတွင် လေယာဉ်အမြီးပိုင်းကို ဇွန်လ ၁၅ ရက်တွင် တွေ့ရှိခဲ့သည်။[15]