သုဝဏ္ဏ လူငယ် လေ့ကျင့်ရေး ကွင်း
သုဝဏ္ဏ လူငယ် လေ့ကျင့်ရေး ကွင်းသည် ဘက်စုံအားကစားကွင်းဖြစ်ပြီး ရန်ကုန်မြို့တွင် တည်ရှိသည်။ လူ ၃၂,၀၀၀ ဝင်ဆံပြီး အောင်ဆန်း အားကစားကွင်းထက်သေးငယ်သည်။ သို့သော် သုဝဏ္ဏ အားကစားကွင်းသည် ပို၍ ခေတ်မှီသည်။ နိုင်ငံလက်ရွေးစင် ဘောလုံးပွဲများနှင့် နိုင်ငံတကာ ဘောလုံးပွဲ အများစုကို ထိုကွင်းတွင်ပင် ကျင်းပလေ့ရှိသည်။ ဘောလုံးတင်သာမက တခြား အားကစားများလည်း ကျင်းပသည်။
သုဝဏ္ဏ အားကစားကွင်း, Thuwunna YTC Stadium | |
သုဝဏ္ဏ အားကစားကွင်းကို အပြင်ဘက်မှ မြင်ရစဉ် | |
တည်နေရာ | သင်္ဃန်းကျွန်း ၊ရန်ကုန်မြို့, မြန်မာ |
---|---|
ကိုဩဒိနိတ် | 16°49′16.73″N 96°11′12.58″E |
ပိုင်ဆိုင်သူ | အားကစား ဝန်ကြီးဌာန |
ဝင်ဆံ့ပမာဏ | ၃၂,၀၀၀[1] |
မျက်နှာပြင် | မြက် |
ဖွင့်လှစ် | ၁၉၈၅ |
သုဝဏ္ဏကွင်းတွင် ပြေးလမ်း ၈ ခုပါရှိပြီး နိုင်ငံတကာစံ(IAAF)နှင့် အညီ တည်ဆောက်ထားသော ပထမဆုံးကွင်းလည်း ဖြစ်သည်။[2]
သုဝဏ္ဏ မိုးလုံလေလုံ အားကစားကွင်းသည် ဘောလုံးကွင်းနှင့် ကပ်လျက်တည်ရှိသည်။
၂၀၁၃ AFC ယူ-၂၂ အာရှဖလား အုပ်စု ခြေစစ်ပွဲအတွက် အုပ်စု G ပွဲစဉ်များကို ၂၃ ဇွန် မှ ၃ ဇူလိုင် ၂၀၁၂ အထိ အိမ်ရှင်အဖြစ် လက်ခံကျင်းပခဲ့သည်။ ထိုမျှမက ၂၀၁၂ ဆူဇူကီး ဖလား ခြေစစ်ပွဲများ အတွက်လည်း အိမ်ရှင် အဖြစ် လက်ခံ ကျင်းပခဲ့သည်။
ကိုးကား
- Stadiums in Myanmar။ World Stadiums။ 12 July 2013 တွင် မူရင်းအား မော်ကွန်းတင်ပြီး။ 2008-11-24 တွင် ပြန်စစ်ပြီး။
- "Runway completed at Myanmar's new stadium"၊ Xinhua News။ 2008-11-24 တွင် ပြန်စစ်ပြီး။