သူရဲကောင်းလေးများ (ရုပ်ရှင်ဇာတ်ကား)

သူရဲကောင်းလေးများ ရုပ်ရှင်ဇာတ်ကားသည် (၁၉၈၁)ခုနှစ်တွင် မာလာဦးရုပ်ရှင်မှ ရိုက်ကူးထုတ်လုပ်ခဲ့သော ကလေး သရုပ်ဆောင်အများအပြား ပါဝင်သည့် ရုပ်ရှင်ဇာတ်ကားတစ်ကား ဖြစ်ပါသည်။ ဝတ္ထုမှာ ကလေး သူငယ်ဝတ္ထုများဖြင့် စာပေဆုများ ရရှိခဲ့သော စာရေးဆရာ တက္ကသိုလ်မောင်အောင်ဆွေ၏ ဝတ္ထုဇာတ်လမ်း ဖြစ်သည်။ ဇာတ်ညွှန်းကို မောင်သီဝက ရေးသားပြီး ဒါရိုက်တာအကယ်ဒမီ မောင်တင်ဦးက ရိုက်ကူး တင်ဆက်ခဲ့ခြင်း ဖြစ်သည်။ ထိုဇာတ်ကားတွင် ဇော်ဝမ်း၊ မေဝင်းမောင်၊ ဗိုလ်ဗကို၊ အံ့ကျော်၊ စံမတူ၊ ဦးဝမ်ချူး၊ ဝေသာလီမောင်ဖုန်း၊ ဒေါ်ခင်လေးဆွေ၊ စိန်သန်း၊ မြမောင်၊ ညီညီမင်းတို့နှင့်အတူ ကလေးသရုပ်ဆောင်များအဖြစ် အောင်ထွန်းလေး၊ ကျော်သက်မောင်၊ ဒေဝအောင်၊ အေးအေးမော်၊ မင်းမင်းသော် တို့ ပါဝင်ခဲ့သည်။