အမျိုးသားပြတိုက် (နေပြည်တော်)
အမျိုးသားပြတိုက် (နေပြည်တော်) သည် နေပြည်တော် ဥတ္တရသီရိမြို့နယ်၊ ရာဇသင်္ဂဟအဝိုင်းအနီး ရာဇသင်္ဂဟလမ်းမကြီးပေါ်တွင် တည်ရှိပြီး ၃၄.၇၉ ဧက ကျယ်ဝန်းသည်။ တည်ဆောက်ရေးလုပ်ငန်းများကို ၂၀၁၀ ခုနှစ် ဇွန်လ ၃ ရက်နေ့တွင် စတင်ခဲ့ပြီး[1] ၂၀၁၅ ခုနှစ် ဇူလိုင်လ ၁၅ ရက်နေ့တွင် ဒုတိယသမ္မတ ဒေါက်တာစိုင်းမောက်ခမ်းမှ ဖွင့်လှစ်ပေးခဲ့သည်။ အဆောင်ငါးဆောင်ဖြင့် ဖွဲ့စည်းထားကာ လက်ရှိအချိန်ထိ ပြသထားသည့် ပြခန်းများမှာ နိုင်ငံတော်သမ္မတ၏ လက်ဆောင်ပစ္စည်းများပြခန်း၊ ပရိုင်းမိတ်ကျောက်ဖြစ်ရုပ်ကြွင်းပြခန်း၊ သမိုင်းမတင်မီခေတ်ပြခန်း၊ သမိုင်းတင်ခေတ်ဦးပြခန်း၊ သမိုင်းတင်ခေတ်ပြခန်း၊ မြန်မာ့အနုသုခုမပြခန်းနှင့် မြန်မာ့ပန်းချီပြခန်းတို့ ဖြစ်သည်။[2]
အခြားကြည့်ရန်
ကိုးကား
- အမျိုးသားပြတိုက် (နေပြည်တော်)။ ယဉ်ကျေးမှု ဝန်ကြီးဌာန။ ၂၂ ဇန်နဝါရီ ၂၀၁၆ တွင် ပြန်စစ်ပြီး။
- ဒုတိယသမ္မတ ဒေါက်တာစိုင်းမောက်ခမ်း အမျိုးသားပြတိုက် (နေပြည်တော်) ပထမအဆင့်ဖွင့်ပွဲ အခမ်းအနားသို့ တက်ရောက်အားပေး။ ပြန်ကြားရေး ဝန်ကြီးဌာန (ဇူလိုင် ၁၅၊ ၂၀၁၅)။ ဩဂုတ် ၅၊ ၂၀၁၅ တွင် ပြန်စစ်ပြီး။
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.