အောက်တိုဘာ ၁၉၈၂

၁၉၈၂ : ဇန်နဝါရီ • ဖေဖော်ဝါရီ • မတ် • ဧပြီ • မေ • ဇွန် • ဇူလိုင် • ဩဂုတ် • စက်တင်ဘာ • အောက်တိုဘာ • နိုဝင်ဘာ • ဒီဇင်ဘာ

(၁) ရက်

ပြည်ထောင်စုသမ္မတ ဂျာမနီနိုင်ငံတွင် ဆိုရှယ်ဒီမိုကရက်တစ်ပါတီခေါင်းဆောင်ဝန်ကြီး ဟဲလ်မုရှမစ်ကို ပါလီမန်က ဖယ်ရှားလိုက်ပြီး ကွန်ဆာဗေးတစ်ပါတီခေါင်းဆောင် ဟဲလ်မုကိုလ်ကို ဝန်ကြီးချုပ်အဖြစ် ရွေးချယ်တင်မြှောက်။
ဂျပန်ပင်လယ်ပြင်၌ ဆိုဗီယက်ရေတပ်များခြိမ်းခြောက်မှုများ တိုးပွားလာမှုကို ရင်ဆိုင်နိုင်ရန် ဂျပန်မြောက်ပိုင်းတွင် ခေတ်မီ အက်ဖ် ၁၆ တိုက်လေယာဉ်အစီး ၅၀ ခန့် အခြေစိုက်ထားရှိရေး အစီအစဉ်ကို အမေရိကန် ထုတ်ပြန်ကြေငြာ။

အီရန်မြို့တော် တီဟီရန်၌ ဗုံးတလုံးပေါက်ကွဲရာ လူ ၆၀ ထက်မနည်း သေဆုံးပြီး လူ ၇၀၀ ဒဏ်ရာရရှိသွားကြောင်း တီဟီရန် အသံလွှင့်ဌာနက ကြေငြာ။

နှစ်ရက်ကြာ ကျင်းပခဲ့သော မြောက်အတ္တလန္တိတ်စာချုပ်အဖွဲ့(နေတိုး)၏ နိုင်ငံခြားရေးဝန်ကြီး ၁၆ ဦးအစည်းအဝေး ပြီးဆုံး။

ဆိုဗီယက်ပြည်ထောင်စုသည် ကော့စမော့ ၁၄၁၂ အမျိုးအစား အာကာသသုတေသန ဂြိုဟ်တုတလုံးကို ပစ်လွှတ်ကြောင်း တာ့စ်သတင်းဌာနက ကြေငြာ။
ဂျာမနီဝန်ကြီးချုပ်ဟဲလ်မုကိုလ်နှင့် ပြင်သစ်သမ္မတ မီတရွန်းတို့သည် ပါရီ၌ တွေ့ဆုံဆွေးနွေး။

အီရန်နှင့် အီရတ်နိုင်ငံတို့ နှစ်နှစ်ကြာ ဖြစ်ပွားနေသော ပင်လယ်ကွေ့စစ်ပွဲကို ချက်ချင်းရပ်စဲရန်နှင့် နိုင်ငံတကာ အသိအမှတ်ပြုနယ်စပ်များအထိ တပ်များရုပ်သိမ်းပေးရန် ကုလသမဂ္ဂ လုံခြုံရေးကောင်စီက တညီတညွတ်တည်း မေတ္တာရပ်ခံ။

ဆိုရှယ်ဒီမိုကရက်တစ်ပါတီခေါင်းဆောင် အိုလော့ပမ်းသည် ဆွီဒင်နိုင်ငံ ဝန်ကြီးချုပ်အဖြစ် ကျမ်းကျိန်။

အင်ဒိုနီးရှားသည် ရှေ့နှစ်မှစ၍ စစ်မှုမထမ်းမနေရစနစ်ကို စတင့်ကျင့်သုံးသွားမည်ဖြစ်ကြောင်း ကာကွယ်ရေးဝန်ကြီး ဗိုလ်ချုပ်ကြီးယူစွတ်က ကြေငြာ။

ဆူဒန်နှင့် အီဂျစ်တို့အကြား ဆက်ဆံရေးပိုမိုခိုင်မြဲစေမည့် နိုင်ငံရေးနှင့် စီးပွားရေး ပူးပေါင်းဆောင်ရွက်မှုစာချုပ်တရပ်ကို ချုပ်ဆို။
ပါလက်စတိုင်းနှင့် ဂျော်ဒန်ပေါင်းစည်းရေး ကိစ္စများနှင့် ပတ်သက်၍ ယာဆာ အာရာဖတ်နှင့် ဂျော်ဒန်ဘုရင် ဟူစိန်တို့ ညှိနှိုင်းဆွေးနွေး။

အာရှနှင့် ပစိဖိတ်ဓနသဟာယအဖွဲ့ဝင်နိုင်ငံ ၁၇ နိုင်ငံမှခေါင်းဆောင်များ၏ ငါးရက်ကြာ အစည်းအဝေးတရပ်ကို ဆူဗာမြို့ (ဖီဂျီ)တွင် ကျင်းပ။

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.