၂၀၂၀ အာရှပေါင်းစည်းရေးဖလားဘောလုံးပြိုင်ပွဲ

၂၀၂၀ အာရှပေါင်းစည်းရေးဖလားဘောလုံးပြိုင်ပွဲ သည် အာရှ ဘောလုံးအဖွဲ့ချုပ်မှ ဒုတိယအကြိမ်ကျင်းပရန်လျာထားခဲ့သော အာရှပေါင်းစည်းရေးဖလားပြိုင်ပွဲ ဖြစ်သည်။ အသင်းပေါင်း ဆယ်သင်း သည် ထိုပြိုင်ပွဲကို ဝင်ရောက်ယှဉ်ပြိုင်ခွင့်ရှိသည်။ ခြောက်သင်းမှာ ၂၀၂၃ အာရှဖလား နှင့် ၂၀၂၂ ကမ္ဘာ့ဖလားအာရှဇုန် ပူးတွဲခြေစစ်ပွဲပထမအဆင့်တွင် ရှုံးနိမ့်ခဲ့သောအသင်းများဖြစ်ပြီး ကျန်လေးသင်းမှာ ၂၀၂၃ အာရှဖလား ဒုတိယအဆင့် သီးသန့်ခြေစစ်ပွဲများတွင် ရှုံးနိမ့်ခဲ့သောအသင်းများဖြစ်သည်။ သို့သော် ကမ္ဘာတစ်ဝန်းတွင် ဖြစ်ပွားနေသော ကိုရိုနာဗိုင်းရပ်စ် ကပ်ရောဂါကြောင့် ၂၀၂၃ အာရှဖလား နှင့် ၂၀၂၂ ကမ္ဘာ့ဖလားအာရှဇုန် ပူးတွဲခြေစစ်ပွဲဒုတိယအဆင့် ကို ဆက်လက်ကျင်းပနိုင်ခြင်းမရှိဘဲ ၂၀၂၁ ခုနှစ်သို့ ရွှေ့ဆိုင်းခဲ့ရသဖြင့် ၂၀၂၀ အာရှပေါင်းစည်းရေးဖလားဘောလုံးပြိုင်ပွဲ ကို ဖျက်သိမ်းရန် ၂၀၂၀ ခုနှစ် စက်တင်ဘာလ ၁၀ ရက်နေ့တွင် အာရှ ဘောလုံးအဖွဲ့ချုပ်က ဆုံးဖြတ်ခဲ့သည်။

၂၀၂၀ အာရှပေါင်းစည်းရေးဖလားဘောလုံးပြိုင်ပွဲ
ကျင်းပသည့်နေ့ဖျက်သိမ်း

နီပေါအသင်းမှာ လက်ရှိ ချန်ပီယံအသင်းဖြစ်သည်။

ခြေစစ်ပွဲအောင်အသင်းများ

အောက်ဖော်ပြပါ ခြောက်သင်းမှာ ၂၀၂၃ အာရှဖလား နှင့် ၂၀၂၂ ကမ္ဘာ့ဖလားအာရှဇုန် ပူးတွဲပထမအဆင့်ခြေစစ်ပွဲများတွင် ရှုံးနိမ့်ခဲ့ပြီး ယခုပြိုင်ပွဲကို ယှဉ်ပြိုင်ခွင့်ရသောအသင်းများဖြစ်သည်။

  •  ဘရူနိုင်း
  •  မကာအို [nb 1]
  •  လာအို
  •  အရှေ့တီမော
  •  ပါကစ္စတန်
  •  ဘူတန်
Notes
  1. မကာအိုအသင်းသည် ၂၀၂၃ အာရှဖလား နှင့် ၂၀၂၂ ကမ္ဘာ့ဖလားအာရှဇုန် ပူးတွဲပထမအဆင့်ခြေစစ်ပွဲ ဒုတိယအကျော့ပွဲစဥ်ကို သီရိလင်္ကာနိုင်ငံ တွင် ယှဥ်ပြိုင်ရန် ငြင်းဆန်မှုကြောင့် ၂၀၂၃ အာရှဖလား နှင့် ၂၀၂၂ ကမ္ဘာ့ဖလား ခြေစစ်ပွဲ မအောင်ဘဲ ၂၀၂၀ အာရှပေါင်းစည်းရေးဖလား ဘောလုံးပြိုင်ပွဲသာ ယှဥ်ပြိုင်ခွင့်ရခဲ့သည်။ [1]

ကိုးကား
  1. ကမ္ဘာ့ဘောလုံးအဖွဲ့ချုပ် စည်းကမ်းထိန်းသိမ်းရေးကော်မတီမှ မကာအိုအသင်းအား အရေးယူခြင်း။ ကမ္ဘာ့ဘောလုံးအဖွဲ့ချုပ် (၂၇ ဇွန်လ ၂၀၁၉)။
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.