အာရှ ဘောလုံးအဖွဲ့ချုပ်

အာရှဘောလုံးအဖွဲ့ချုပ် (အင်္ဂလိပ်: Asian Football Confederation; အတိုကောက် AFC) သည် အာရှနှင့် ဩစတြေးလျဒေသအတွင်းရှိ ဘောလုံးအဖွဲ့အစည်းများကို ထိန်းချုပ်နေသည့် အဖွဲ့အစည်းကြီးဖြစ်သည်။ ၎င်းအဖွဲ့ချုပ်ကြီးတွင် နိုင်ငံပေါင်း ​၄၇ နိုင်ငံပါဝင်ကာ အများစုမှာ အာရှရှိနိုင်ငံများဖြစ်ကြသည်။ သို့သော်လည်း အာရှနှင့် ဥရောပတိုက်တို့ကို ခြားနားထားသည့် နယ်မြေများအရ တူရကီနှင့် ရုရှားနိုင်ငံ ၊ အာရှအတွင်း (အလယ်ပိုင်း သို့မဟုတ် ဥ​ရောပအာရှ) ရှိ ကာဇက်စတန်၊ အဇာဘိုင်ဂျန်၊ အာမေးနီးယား၊ ဂျော်ဂျီယာနှင့် အစ္စရေးနိုင်ငံများမှာ ဥ​ရောပ​ဘောလုံးအဖွဲ့ချုပ်ကြီးတွင် ပါဝင်နေသည်။ အခြားတစ်ဖက်တွင်ကား ဩစတြေးလျနိုင်ငံဖြစ်သည်။ ၎င်းသည် ယခင်က သမုဒ္ဒရာပိုင်းဇုန်​ဘောလုံးအဖွဲ့ချုပ်တွင် ပါဝင်ပြီး ၂၀၀၆ ခုနှစ်တွင် အာရှ​ဘောလုံးအဖွဲ့ချုပ်၏အဖွဲ့ဝင်အဖြစ်ပါဝင်ခဲ့သည်။ အလားတူ တရုတ်တိုင်​ပေ (ထိုင်ဝမ်) ၊အ​မေရိကန်ပိုင်ကျွန်းများဖြစ်​သော ဂူအမ်၊ မြောက်ပိုင်းမာရီယာနာကျွန်းများ နှင့် တရုတ်နိုင်ငံ၏အထူးကိုယ်ပိုင်အုပ်ချုပ်ခွင့်ရ​ဒေသများဖြစ်​သော ​​ဟောင်​ကောင် နှင့် မကာအို တို့သည် သီးခြားနိုင်ငံများမဟုတ်​သော်လည်း အာရှ​ဘောလုံးအဖွဲ့ချုပ်၏ အဖွဲ့ဝင်များအဖြစ်ပါဝင်ကြသည်။

အာရှ ဘောလုံးအဖွဲ့ချုပ်
Asian Football Confederation
အတိုကောက်AFC
ဆောင်ပုဒ်အာရှတိုက်တစ်ခု ရည်မှန်းချက်တစ်ခု
One Asia One Goal
ဖွဲ့စည်းခြင်း၈ မေ ၁၉၅၄ (၁၉၅၄-၀၅-08)
အမျိုးအစား​အားကစားအဖွဲ့ချုပ် (​​ဘောလုံး)
ဌာနချုပ်ဘူကစ်ဂျလီ၊ ကွာလာလမ်ပူမြို့၊ မလေးရှားနိုင်ငံ
အဖွဲ့ဝင်များ
အဖွဲ့ဝင် ၄၇ နိုင်ငံ
ရုံးသုံးဘာသာစကား
အင်္ဂလိပ်၊ အာရဘီ[1]
ဥက္ကဋ္ဌ
ဆယ်လ်မန် အီဘရာဟင်မ် အယ်ခါလီဖာ
ဒုဥက္ကဋ္ဌများ
အထွေထွေ အတွင်းရေးမှူး
Dato' Windsor John[2][3]
မိခင်အဖွဲ့အစည်း
ကမ္ဘာ့​ဘောလုံးအဖွဲ့ချုပ်
ဌာနခွဲများ
ဝက်ဘ်ဆိုဒ်the-afc.com

အာရှ​ဘောလုံးအဖွဲ့ချုပ်ကို ၁၉၅၄ခုနှစ် မေလ ၈ ရက်နေ့တွင် ဖိလစ်ပိုင်နိုင်ငံ၊ မနီလာမြို့တွင် ဖွဲ့စည်းခဲ့ကြသည့်ပြင် ၎င်းသည် ဖီဖာကမ္ဘာ့ဘောလုံးအဖွဲ့ချုပ်ကြီး၏ ခြောက်ခုမြောက် အဖွဲ့အစည်းများထဲမှ တစ်ခုဖြစ်သည်။ အာရှ​ဘောလုံးအဖွဲ့ချုပ်၏ ရုံးချုပ်ကြီးကို မလေးရှားနိုင်ငံ၊ ကွာလာလမ်ပူမြို့၊ ဘူကစ်ဂျလီတွင် တည်ဆောက်ထားရှိသည်။

သမိုင်း

အာရှ​ဘောလုံးအဖွဲ့ချုပ်ကို ၁၉၅၄ ခုနှစ် ​မေလ ၈ ရက်​နေ့တွင် အာဖဂန်နစ္စတန်၊ မြန်မာ (ယခင်: ဘားမား)၊ ထိုင်ဝမ် (ယခင်: တရုတ်သမ္မတနိုင်ငံ)၊ ​​ဟောင်​ကောင်၊ အီရန်၊ အိန္ဒိယ၊ အစ္စရေး၊ အင်ဒိုနီးရှား၊ ဂျပန်၊ ​တောင်ကိုရီးယား၊ ပါကစ္စတန်၊ ဖိလစ်ပိုင်၊ စင်ကာပူ၊ ​တောင်ဗီယက်နမ်တို့နှင့် စတင်ဖွဲ့စည်းခဲ့သည်။

နုတ်ထွက်အဖွဲ့ဝင်နိုင်ငံများ
  • အစ္စ​ရေး​ဘောလုံးအဖွဲ့ချုပ် (၁၉၅၄–၁၉၇၄) ; ၁၉၇၄ ခုနှစ်တွင်နုတ်ထွက်ခဲ့သည်။ ၁၉၉၄ ခုနှစ်တွင် ဥ​ရောပ​ဘောလုံးအဖွဲ့ချုပ်၏ အဖွဲ့ဝင်စစ်စစ်ဖြစ်လာသည်။
  • နယူး​ဇီလန်​ဘောလုံးအဖွဲ့ချုပ် (၁၉၆၄) ; သမုဒ္ဒရာပိုင်းဇုန်​ဘောလုံးအဖွဲ့ချုပ်၏အဖွဲ့ဝင်အဖြစ် ၁၉၆၆ ခုနှစ်တွင်ပါဝင်ခဲ့သည်။
  • ကာဇက်စတန်​ဘောလုံးအဖွဲ့ချုပ် (၁၉၉၃–၂၀၀၂) ; ၂၀၀၂ ခုနှစ်တွင် ဥ​ရောပ​ဘောလုံးအဖွဲ့ချုပ်သို့ ပါဝင်ခဲ့သည်။

ပြိုင်ပွဲများ

အာရှ​ဘောလုံးအဖွဲ့ချုပ်၏ပြိုင်ပွဲများ
  • ၂၀၀၂-၂၀၀၃ ​ဘောလုံးရာသီတွင် ***ပြထား​သောပြိုင်ပွဲ ၂ မျိုး​ပေါင်း၍ အာရှချန်ပီယံလိဂ် နှင့် ၂၀၀၄ ခုနှစ်တွင် အာရှချန်ပီယံလိဂ်မှ ခွဲထွက်၍ အာရှ​ဘောလုံးအဖွဲ့ချုပ်ဖလားနှင့် အာရှ​ဘောလုံးအဖွဲ့ချုပ်ဥက္ကဋ္ဌဖလားပြိုင်ပွဲများအဖြစ် ပြိုင်ပွဲ ၃ မျိုးပြောင်းလဲကျင်းပခဲ့သည်။ ၂၀၁၅ ခုနှစ်တွင်မူ အာရှ​ဘောလုံးအဖွဲ့ချုပ်ဥက္ကဋ္ဌဖလားကို ဖျက်သိမ်းပြီး ကလပ်များအား အာရှ​ဘောလုံးအဖွဲ့ချုပ်ဖလားထဲသို့ ပူး​ပေါင်းယှဉ်ပြိုင်​စေသည်။

အာရှဘောလုံးအဖွဲ့ချုပ် အလုပ်အမှုဆောင်ကော်မတီ
အာရှဘောလုံးအဖွဲ့ချုပ် ဥက္ကဌ နှင့် ကမ္ဘာ့ဘောလုံးအဖွဲ့ချုပ် ဒုတိယဥက္ကဌ
  • Salman Bin Ibrahim Al-Khalifa
ကမ္ဘာ့ဘောလုံးအဖွဲ့ချုပ်ကောင်စီအဖွဲ့ဝင်
  • Du Zhaocai
  • Praful Patel
  • Kohzo Tashima
  • Mariano Araneta
  • Saoud Al-Mohannadi
  • Mahfuza Akhter Kiron
အာရှဘောလုံးအဖွဲ့ချုပ် ဒုတိယဥက္ကဌ
အထွေထွေအတွင်းရေးမှူး
  • Windsor John

ကိုးကား
  1. အာရှ​ဘောလုံးအဖွဲ့ချုပ်၏မဏ္ဍိုင် (၂၀၁၇)။ အာရှ​ဘောလုံးအဖွဲ့ချုပ် (၈ ​မေ ၂၀၁၇)။ ၁၅ ဇန်နဝါရီ ၂၀၁၈ တွင် ပြန်စစ်ပြီး။
  2. အာရှ​ဘောလုံးအဖွဲ့ချုပ်ဖွဲ့စည်းပုံ။ အာရှ​ဘောလုံးအဖွဲ့ချုပ်။
  3. Christopher Raj (၃ ဒီဇင်ဘာ ၂၀၁၅)။ ကမ္ဘာ့​ဘောလုံးအဖွဲ့ချုပ်ကိုဦး​ဆောင်လာနိုင်မည့် စံပြလူသား။ The Star။ ၂၅ မတ် ၂၀၁၆ တွင် ပြန်စစ်ပြီး။
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.