ကဗျာဝကမ်းခြေ

ကမ်းခြေအား စနစ်တကျ ကြီးကြပ်ဆောင်ရွက်နိုင်ရန်အတွက် ကဗျာဝကမ်းခြေ သဘာဝဝန်းကျင် သန့်ရှင်းရေးနှင့် ထိန်းသိမ်းရေးကော်မတီကို ၂၀၁၇ ခုနှစ် နိုဝင်ဘာလတွင် ဖွဲ့စည်းခဲ့သည်။ ယင်းကော်မတီတွင် ရေးမြို့နယ် လွှတ်တော်ကိုယ်စားလှယ် ၅ ဦးနှင့် မြို့နယ်အုပ်ချုပ်ရေးမှူးတို့မှ နာယကအဖြစ်ပါဝင်ပြီး ဥက္ကဋ္ဌအဖြစ် ခေါဇာမြို့အုပ်ချုပ်ရေးမှူးက ဆောင်ရွက်ပြီး ဌာနဆိုင်ရာများ၊ ရပ်မိရပ်ဖများ၊ လူမှုရေးအဖွဲ့အစည်းများအပါအဝင် စုစုပေါင်း ၂၂ ဦးဖြင့် ဖွဲ့စည်းထားသည်။[2]

ကဗျာဝကမ်းခြေ ဟိုတယ်နှင့် ပင်လယ်ကမ်းခြေ ခရီးသွားလုပ်ငန်း စီမံကိန်းကို Aurun Company Limited က ၂ဝ၁၅ ခုနှစ် မတ်လတွင် စတင်ဆောင်ရွက်ခဲ့သည်။[5] စီမံကိန်းအရ ကဗျာဝကမ်းခြေကို နိုင်ငံတကာအဆင့်မီ ကမ်းခြေအဖြစ် မြှင့်တင်ပြီး ကမ်းခြေ၌ စားသောက်ဆိုင်များ၊ ဟိုတယ်ဇုန်များ၊ အပန်းဖြေစခန်းများ၊ သယံဇာတနှင့် ဘူမိဗေဒပြတိုက်၊ Speed Boat များဖြင့် အပန်းဖြေနိုင်ရန်နှင့် ခရီးသွားဧည့်သည်များ လေ့လာနိုင်ရန် မွန်စာပေနှင့် ယဉ်ကျေးမှုပြတိုက်တို့ ပါဝင်မည်ဖြစ်သည်။[5]

စီမံကိန်းကြောင့် ကဗျာဝကျေးရွာရှိ အချက်အချာကျသည့် နေရာများတွင် အိမ်ခြံမြေဈေးများ အဆ ၅၀ ခန့် မြင့်တက်သွားခဲ့သည်။[3]