စိန့်ဗင်းဆင့်နှင့် ဂရိနေဒိုင်နိုင်ငံ

စိန့်ဗင်းဆင့်နှင့် ဂရိနေဒိုင်နိုင်ငံသည် အန်တေးလ်ကျွန်းငယ်များ အစုအဝေးတွင် ရှိသော ကျွန်းနိုင်ငံတစ်နိုင်ငံ ဖြစ်ပြီ: လေညာကျွန်းများ၏ တောင်ဘက်အပိုင်းတွင် ရှိကြသည်။ ထိုနေရာမှာ ကာရစ်ဘီယံ ပင်လယ်၏ အတ္တလန္တိတ် သမုဒ္ဒရာနှင့် ထိစပ်နေသော အရှေ့ဘက် နယ်နိမိတ်၏ တောင်ဘက် အစွန်းတွင် တည်ရှိသည်။ ၎င်း၏ ၃၈၉-စတုရန်း ကီလိုမီတာ (၁၅၀ စတုရန်းမိုင်) ကျယ်ဝန်းသော နယ်မြေတွင် ကျွန်းမကြီး ဖြစ်သော စိန့်ဗင်းဆင့် ကျွန်းနှင့် ဂရိနေဒိုင်ကျွန်းများ၏ မြောက်ဘက် ၃ ပုံ ၂ပုံ ပါဝင်သည်။ ဂရိနေဒိုင်ကျွန်းများသည် ကျွန်းငယ်ကလေးများ ဖြစ်ကြပြီး စိန့်ဗင်းဆင့်ကျွန်းမှ ဂရိနေဒေါနိုင်ငံ အထိ တောင်ဘက်သို့ ဆန့်လျက် တည်ရှိကြသည်။ စိန့်ဗင်းဆင့်၏ မြောက်ဘက်တွင် စိန့်လူစီယာနိုင်ငံ ရှိပြီး အရှေ့ဘက်တွင် ဘာဘေးဒိုးစ်နိုင်ငံ ရှိသည်။ စိန့်ဗင်းဆင့်နှင့် ဂရိနေဒိုင်သည် လူဦးရေ သိပ်သည်းမှု အလွန်များပြီး လူဦးရေ ၁ သိန်း ၂ သောင်းမျှ ရှိကာ ၁ စတုရန်း ကီလိုမီတာတွင် လူဦးရေ ၃၀၀ မျှ နေထိုင်ကြသည်။ မြို့တော်မှာ ကင်းစ်တောင်းမြို့ ဖြစ်ပြီး အဓိက ဆိပ်ကမ်းမြို့လည်း ဖြစ်သည်။ စိန့်ဗင်းဆင့်နှင့် ဂရိနေဒိုင်သည် ပြင်သစ်နှင့် ဗြိတိသျှတို့၏ ကိုလိုနီနယ်မြေ ဖြစ်ခဲ့ဖူးသော သမိုင်းကြောင်း ရှိခဲ့ပြီး ယခုအခါတွင် အရှေ့ကာရစ်ဘီယံနိုင်ငံများ အစည်းအရုံး၊ CARICOM ၊ ဓနသဟာယနိုင်ငံများ အဖွဲ့နှင့် အမေရိကား ဘိုလီးဗေးရီးယန်း မဟာမိတ် အဖွဲ့တို့တွင် ပါဝင်သည်။

စိန့်ဗင်းဆင့်နှင့်ဂရိနေဒိုင်
အလံတော် အမှတ်တံဆိပ်
ဆောင်ပုဒ်: ငြိမ်းချမ်းရေးနှင့် တရားမျှတရေး
နိုင်ငံတော် သီချင်း: စိန့်ဗင်းဆင့်မြေ အလွန်လှသည်
မြို့တော် နှင့် အကြီးဆုံးမြို့	ကင်းစ်တောင်းမြို့
ရုံးသုံး ဘာသာစကားများ	အင်္ဂလိပ်
အမျိုးအစား	ဖက်ဒရယ် ပါလီမန် ဒီမိုကရေစီ နှင့် စည်းမျဉ်းခံ ဘုရင်စနစ်
အစိုးရ
• ဘုရင်မ	အဲလိဇဘက် ၂
• ဘုရင်ခံချုပ်	ဆာ ဖရက်ဒရစ် ဘောလန်တိုင်း
• ဝန်ကြီးချုပ်	ရပ်ဖ် ဂွန်ဆာ့ဖ်
တည်ထောင်
• လွတ်လပ်ရေး ကြေငြာခြင်း (ယူကေမှ)	အောက်တိုဘာ ၂၇၊ ၁၉၇၉
ဧရိယာ
• စုစုပေါင်း	၃၈၉ km² (၁၅၀ sq mi) (အဆင့်: ၁၉၈)
• ရေထု (%)	မပြောပလောက်
လူဦးရေ
• ခန့်မှန်း	၁၂၀,၀၀၀(၂၀၀၈) (အဆင့် - ၁၈၂)
• သိပ်သည်းမှု	၃၀၇/km² (၇၉၂/sq mi) (အဆင့် - ၃၉)
GDP (PPP)	ခန့်မှန်း
• စုစုပေါင်း	၁.၀၆၉ ဘီလီယံ[1]
• Per capita	US $၉,၉၇၆
HDI	၀.၇၇၂ မြင့် · ၉၁
ငွေကြေး	အရှေ့ ကာရစ်ဘီယံ ဒေါ်လာ
တယ်လီဖုန်းကုဒ်	+၁-၇၈၄
Internet TLD	.vc