ပန်းစွာရွာ၊ မြိုင်မြို့နယ်

အရှေ့နှင့်အနောက် အရှည်မှာ ၃၁၀၀ ပေဝန်းကျင် ရှိပြီး တောင်နှင့်မြောက် အရှည်မှာ ၂၃၀၀ ပေခန့်ရှိသည်။ အိမ်ခြေ ၄၃၉ အိမ်၊ အိမ်ထောင်စု ၄၇၅ စုရှိ၍ လူဦးရေ ၂၃၀၀ ကျော်ရှိသည်။

ကျေးရွာတစ်ရွာလုံးမှာ ဗုဒ္ဓဘာသာကို ကိုးကွယ်ကြသည်။ ထင်ရှားသော စေတီပုထိုးများမှာ သုံးပန်လှ ဘုရား၊ လေးမျက်နာ ဘုရား၊ ရှစ်မျက်နာ ဘုရား၊ ကိုးနဝန်းဘုရား ၊ သိမ်ဘုရား၊ ပြသိုလ်လ ဘုရာ၊ ထုံးကြီးဘုရား တို့ဖြစ်ပြီး ရွာ၏ အရှေ့မြောက်ဘက် ၂ မိုင်ခန့်တွင် တန်ခိုးကြီး ရွှေမုဓော ဘုရားရှိသည်။

ရွှေမုဓော ဘုရားပွဲကို နှစ်စဉ် ဝါဆိုလပြည့်နေ့တွင် ကျင်းပကြသည်။ ဝါထပ်သောနှစ်ဆိုပါက ပထမဝါဆိုလပြည့်တွင် ကျင်းပသည်။

၂၀၁၈/၁၉ ကျောင်းဖွင့်ရာသီမှစ၍ အခြေခံပညာအထက်တန်းကျောင်းအဖြစ် တိုးချဲ့ဖွင့်ခွင့်ရခဲ့သည်။ ကျေးရွာတွင် ဗုဒ္ဓစာပေကို သင်ကြားသော ဘုန်းကြီးကျောင်း ၄ ကျောင်းရှိပြီး ယင်းတို့မှာ ကကုဓာရာမကျောင်း၊ အောင်မြေဘုံသာကျောင်း၊ ဘုရားကြီးကျောင်း၊ သီရိမင်္ဂလာယွန်းကျောင်းတို့ ဖြစ်ကြသည်။

ကျေးလက်ကျန်းမာရေးဆေးပေးခန်းတစ်ခုရှိသည်။ ထိုဆေးခန်းကို သားဖွားဆရာမက အမြဲတာဝန်ယူထားသည်။ ၅ မိုင် ၆ ခန်အကွာ (ကျားတတ် နှင့် လက်ယက်မ) တို့တွင် တိုက်နယ်ဆေးရုံများလည်းရှိသည်။

အဓိက စီးပွားရေးမှာ စိုက်ပျိုးရေးဖြစ်ပြီး ဆန်စပါး၊ မြေပဲ၊ နှမ်း၊ ပြောင်း၊ ကြက်သွန် တို့ကို စိုက်ပျိုးကြသည်။ အရှေ့ဘက်တွင် ရေလျှံတွင်းများရှိသည်။ ဆန်စပါးကို ထိုရေတွင်းများတူး၍ သုံးသီးစားအဖြစ်စိုက်ပျိုးကြသည်။ ဒုတိယမှာ ထန်းလုပ်သားများနှင့် အိုးလုပ်ခြင်း၊ ဖုတ်ခြင်း တို့ဖြစ်သည်။ အိုးလုပ်ခြင်းသည် ရွာ၏ ပတ်ပတ်လည် မိုင် ၄၀ တွင် ထင်ရှားသည်။ ပြုလုပ်သောအိုးများမှာ ထန်းရေအိုး၊ သောက်ရေ သုံးရေအိုး၊ အင်တုံ တို့ဖြစ်သည်။