ယုဇနစောမြင့် (ကလေးအထူးကုဆရာဝန်)

ဆေးပညာဘွဲ့၊ ကလေးကျန်းမာပညာဒီပလိုမာဘွဲ့နှင့် ဆေးပညာမဟာသိပ္ပံဘွဲ့(ကလေးကျန်းမာပညာ)တို့ကို ဆေးတက္ကသိုလ် (၁) ရန်ကုန်မှ ရရှိခဲ့သည်။[1]

တွဲဖက်ပါမောက္ခ၊ ကလေးကျန်းမာပညာဌာန၊ ဆေးတက္ကသိုလ် (၁) ရန်ကုန်နှင့် ကလေးအထူးကုဆရာဝန်ကြီး၊ ရန်ကုန်ကလေးဆေးရုံကြီး ရာထူးအထိ တာဝန်ထမ်းဆောင်ခဲ့ပြီး ၂၀၀၉ ခုနှစ်တွင် သက်ပြည့်အငြိမ်းစားယူခဲ့သည်။[2][3][4]

• စာရင်းစစ်၊ မြန်မာနိုင်ငံဆရာဝန်အသင်း (ဗဟို)[5]
• ကလေးအထူးကုဆရာဝန်ကြီး၊ ပါရမီအထွေထွေရောဂါကုဆေးရုံကြီး၊ ရန်ကုန်[6]
• ဥက္ကဋ္ဌ၊ မြန်မာနိုင်ငံရင်ခွင်မဲ့ကလေးငယ်များလျှော့ချရေးနှင့် ကာကွယ်စောင့်ရေးအသင်း၊ ရန်ကုန်တိုင်းဒေသကြီး[7]

ကလေးကျန်းမာရေးပညာပေးခြင်းကို အစဉ်တစိုက်လုပ်ဆောင်လျှက်ရှိသည်။ ပညာပေးဆောင်းပါးနှင့် တွေ့ဆုံမေးမြန်းခန်းအချို့မှာ -

• ဒေါက်တာယုဇနစောမြင့် ပြောပြတဲ့ ကျန်းမာစွာနေထိုင်နိုင်ခြင်းရဲ့ လျှို့ဝှက်ချက်[8]
• ကလေးနှင့် မျက်စိနာခြင်း[9]
• ကလေးနှင့် ဆောင်းရာသီမှာအဖြစ်များတဲ့ ရောဂါများ[10]
• ဆောင်းရာသီနှင့် ကလေးကျန်းမာရေး[11]
• ကိုယ်ခံစွမ်းအားမြှင့် ဗိုက်တာမင် စီ အကြောင်းသိကောင်းစရာများ[12]
• ကျန်းမာတဲ့ကလေးတစ်ယောက်အဖြစ် ကြီးပြင်းလာစေဖို့[13]
• ကလေးနှင့် တုပ်ကွေးရောဂါ[14]
• မပေါ့ဆသင့်တဲ့ ကလေးချောင်းဆိုးပြဿနာ[15]
• ကလေးငယ်တွေမှာ အဖြစ်များလာတဲ့ အဝလွန်ရောဂါနှင့် ဆီးချို၊ သွေးချိုရောဂါ[16]
• ကလေးငယ်လေးတွေမှာ အဖြစ်များတတ်တဲ့ ရောဂါများအကြောင်း[17]
• ဖြည့်စွက်စာတွေ မှန်မှန်ကန်ကန်ကျွေးတတ်စေဖို့အတွက်[18]
• ခြောက်လှန့်သမှု မပြုစေလို[19]
• ကလေးနှင့် အဆိပ်[20]

ဖခင်ဖြစ်သူ ကွယ်လွန်ပြီးနောက်မှစ၍ မဟေသီမဂ္ဂဇင်း၏ အယ်ဒီတာချုပ်အဖြစ်ဆောင်ရွက်လျှက်ရှိသည်။ ယုယ (ဆေး ၁) ကလောင်အမည်ဖြင့် ရေးသားသော ရသစာပေများအနက် နွေနှောင်းအတိတ် လွမ်းရိပ်တွေဆင် နှင့် ပရဟိတပန်းပျိုးခင်းသို့ မေချီလှမ်းလျှောက်လျှက်နှင့် အခြားဝတ္ထုတိုများ တို့သည် လူသိများသော စာအုပ်များဖြစ်သည်။[21][22]