ဦးသဖောင် အပြည်ပြည်ဆိုင်ရာ လေဆိပ်

ဗီယက်နန် စစ်ပွဲအတွင်းတွင် ဦးသဖောင် လေဆိပ်သည် အမေရိကန် လေတပ်စခန်း အဖြစ် အသုံးပြုခဲ့သည်။ ဖျော်ဖြေရေးသမား ဘုဟုတ် သည် ၁၉၆၄ ခုနှစ် မှ ၁၉၇၂ ခုနှစ်အတွင်း ဦးသဖောင် လေဆိပ်သို့ နှစ်စဉ် လာရောက်ခဲ့သည်။

၂၀၀၈ ခုနှစ် နိုဝင်ဘာလတွင် ဆန္ဒပြမှုများကြောင့် သုဝဏ္ဏဘူမိ အပြည်ပြည်ဆိုင်ရာ လေဆိပ်နှင့် ဒွန်မောင်း အပြည်ပြည်ဆိုင်ရာ လေဆိပ် တို့ ခေတ္တပိတ်ခဲ့ရသည်။ ထို့ကြောင့် ဦးသဖောင် လေဆိပ်သည် ပြည်ပလေယာဉ်များ ဆိုက်ရောက်ရာ လေယာဉ်ကွင်းအဖြစ် အသုံးပြုခဲ့ရသည်။

အဲအေးရှား လေကြောင်းလိုင်း၊ ထိုင်းအဲအေးရှား လေကြောင်းလိုင်း၊ နော့ လေကြောင်းလိုင်း၊ တရုတ် လေကြောင်းလိုင်း၊ ပြင်သစ် လေကြောင်းလိုင်း၊ ထိုင်း လေကြောင်းလိုင်း၊ ဘန်ကောက် လေကြောင်းလိုင်း၊ အပြည်ပြည်ဆိုင်ရာ မြန်မာ့လေကြောင်း၊ စင်ကာပူ လေကြောင်းလိုင်း၊ ယူနိုက်တက် လေကြောင်းလိုင်း၊ အဲမရိတ် လေကြောင်းလိုင်း နှင့် အခြား လေကြောင်းလိုင်းများစွာတို့သည် ဘန်ကောက်မြို့ရှိ လေဆိပ်များမှ ဦးသဖောင်လေဆိပ်သို့ အကြိုအပို့ လေယာဉ်များ စီစဉ်ပေးခဲ့သည်။ အီတလီနိုင်ငံ၊ မကာအို၊ စပိန်နိုင်ငံတို့အပါအဝင် နိုင်ငံများစွာက အစိုးရများက ၎င်းတို့၏ ပြည်သူများကို စင်းလုံးငှားလေယာဉ်များဖြင့် ပြန်လည်ခေါ်ယူခဲ့သည်။

ခရီးသည် ၁ သိန်းခန့်သည် ဒီဇင်ဘာလ အစောပိုင်းအထိ ထိုင်းနိုင်ငံတွင် သောင်တင်နေခဲ့ကြသည်။ လေယာဉ်ပြေးလမ်းမှာ လေယာဉ်ကြီးများ ဆင်းသက်နိုင်သော်လည်း လေဆိပ် အဆောက်အဦးမှာ နေ့စဉ် လေယာဉ် အစီးရေ အနည်းငယ်ကိုသာ ကိုင်တွယ်နိုင်သည်။ ထို့ကြောင့် ခရီးသည်များ၏ မကျေနပ်ချက်များကို ကြားသိခဲ့ရသည်။

ထိုင်းအဲအေးရှား လေကြောင်းလိုင်း၏ ပြည်ပခရီးစဉ်တိုးချဲ့မှုသည် ဘန်ကောက်မြို့ရှိ လေဆိပ်နှစ်ခု အတွက်သာမက ဖူးခက်အတွက်ပါ ပါဝင်ခဲ့သည်။ သို့သော် ပြည်ပခရီးသည်များအတွက် ထိုင်းနိုင်ငံသို့ လာရောက်ရန် ဦးသဖောင် လေဆိပ်သည် နောက်ထပ်အဓိက ဝင်ပေါက်ဖြစ်လာခဲ့သည်။