လက်စတာ စီးတီး

လက်စတာစီးတီး ဘောလုံးကလပ်အား မြေခွေးများဟုလည်း ခေါ်ကြပြီး အင်္ဂလန်နိုင်ငံ လက်စတာမြို့ ကင်းပါဝါ ဘောလုံးကွင်းတွင် အခြေပြုသော အင်္ဂလိပ်ကြေးစားဘောလုံးကလပ် အသင်းတစ်ခု ဖြစ်သည်။[2] ၂၀၁၃-၁၄ ဘောလုံးလိဂ် ချန်ပီယံကစားပွဲတွင် ချန်ပီယံ ဖြစ်ခဲ့ပြီးနောက် ပရီးမီးယားလိဂ်တွင် ပြန်လည် ကစားခွင့် ရရှိခဲ့ကာ လွန်ခဲ့သော ဆယ်စုနှစ် တစ်ခုကျော်က အင်္ဂလိပ် ဘောလုံး လောကတွင် ထိပ်တန်း အသင်းတစ်သင်း အဖြစ် နေရာယူထားခဲ့သော အခြေအနေသို့ ပြန်လည် ရောက်ရှိလာခဲ့သည်။ ၂၀၁၅-၁၆ ခုနှစ် ပရီးမီးယားလိဂ် ကစားပွဲတွင် ပထမဆုံး အကြိမ်အဖြစ် ချန်ပီယံ ဖြစ်လာခဲ့သည်။

Leicester City

အသင်းအမည်	လက်စတာစီးတီး ဘောလုံးကလပ်
အခြားအမည်	မြေခွေးများ
တည်ထောင်နှစ်	၁၈၈၄ တွင် လက်စတာဖော့စ် ဘောလုံးကလပ် အဖြစ်စတင်ခဲ့သည်။
အိမ်ကွင်း	ကင်းပါဝါ ဘောလုံးကွင်း (လူဝင်ဆံ့မှု: ၃၂,၂၆၂[1])
ပိုင်ရှင်	ကင်းပါဝါ အင်တာနေရှင်နယ် ဂရု
ဥက္ကဋ္ဌ	ဗီချိုင်း ဆရီဗာဒါနာပရာဗာ့
မန်နေဂျာ	ကလောင်ဒီယို ရာနီယဲရီ
ကစားသည့်လိဂ်	ပရီးမီးယားလိဂ်
၂၀⁠၁၅–၁၆	ပရီးမီးယားလိဂ်၊ ပထမ
ဝက်ဘ်ဆိုဒ်	Club home page
အိမ်ကွင်း အရောင် အဝေးကွင်း အရောင် တတိယ အရောင်

ကလပ်အား ၁၈၈၄ ခုနှစ်တွင် လက်စတာ ဖော့စ် ဘောလုံးကလပ် အဖြစ် စတင်တည်ထောင်ခဲ့ပြီး[3] ဖော့စ်လမ်း အနီးအနားရှိ ကစားကွင်းတွင် ကစားခဲ့သောကြောင့် ဖြစ်သည်။ ၁၈၉၁ ခုနှစ်တွင် ဖေးလ်ဘတ်လမ်းသို့ ပြောင်းရွှေ့ခဲ့ပြီး ၁၈၉၄ ခုနှစ်တွင် ဘောလုံးလိဂ်သို့ ရွေးချယ်ခြင်း ခံခဲ့ရကာ ၁၉၁၉ တွင် လက်စတာ စီးတီး အမည်ဖြင့် စတင် ကစားခဲ့သည်။ ၂၀၀၂ ခုနှစ်တွင် အနီးအနားရှိ ဝေါ့ကာ ကစားကွင်းသို့ ရွှေ့ပြောင်းခဲ့ကာ[4] ၂၀၁၁ ခုနှစ် ပိုင်ရှင် ပြောင်းလဲပြီးနောက် ကင်းပါဝါ ကစားကွင်း အဖြစ် နာမည် ပြောင်းလဲခဲ့သည်။

လက်စတာ အနေနှင့် ၂၀၁၅-၁၆ တွင် ပရီးမီးယားလိဂ် ချန်ပီယံ ဆုကို ဆွတ်ခူးခဲ့ခြင်းသည် ၎င်းတို့၏ ပထမဆုံး ထိပ်တန်း အင်္ဂလိပ် ဘောလုံး ချန်ပီယံဆုကို ဆွတ်ခူးခဲ့ခြင်းပင် ဖြစ်သည်။ ထိုအောင်ပွဲသည် ဗြိတိသျှ အားကစားလောကအတွက် အကြီးမားဆုံးသော အံ့ဩဖွယ် တစ်ခု ဖြစ်စေခဲ့သည်။.[5] ယခု အောင်ပွဲ မတိုင်ခင်က အကြီးကျယ်ဆုံး ဖြစ်ခဲ့သော အောင်မြင်မှုမှာ ၁၉၂၈-၂၉ ခုနှစ် ပထမတန်း ဘောလုံးလိဂ်တွင် ဒုတိယ နေရာ ရရှိခဲ့ခြင်း ဖြစ်သည်။ ဒုတိယ အဆင့် မှ ပရီးမီးယားလိဂ်သို့ ခုနှစ်ကြိမ်တိုင် အတန်းတက်ခဲ့ပြီး တတိယ အဆင့် လိဂ်ဝမ်းတွင် ပထမ ရခဲ့ဖူးသည်။ လိဂ်ဖလားကို ၃ကြိမ် ရရှိခဲ့သည်။ အက်ဖ်အေဖလားတွင် ဒုတိယနေရာကို ၄ ကြိမ် ရရှိခဲ့ပြီး ဖိုင်နယ်ပွဲတွင် အမြဲ ရှုံးနိမ့်ခဲ့သည်။