ကျိုင်းတောင်းရွာ၊ ပြင်ဦးလွင်မြို့နယ်

ကျိုင်းတောင်းရွာ (အင်္ဂလိပ်: Kyaingtaung)သည် မန္တလေးတိုင်းဒေသကြီးပြင်ဦးလွင်ခရိုင်ပြင်ဦးလွင်မြို့နယ်ဟိုလိပ်ကျေးရွာအုပ်စု၌ တည်ရှိသည်။ ရွာနေရာကုတ်မှာ ၁၈၉၈၆၅ ဖြစ်သည်။ ၂၀၁၄ သန်းခေါင်စာရင်းအရ ဟိုလိပ်ကျေးရွာအုပ်စုတွင် ကျား ၁၆၁၁ ဦး၊ မ ၁၅၈၉ ဦး၊ လူဦးရေ စုစုပေါင်း ၃၂၀၀ ဦးနေထိုင်သည်။ [1] မြောက်ဖက်တွင် ရှမ်းကုန်းမြင့်၊ ဒေသအခေါ် စော်ဘွားတောင်၊ အနောက်ဖက်တွင် နားလင်းအုပ်စု၊ အရှေ့ဖက်တွင် ရှမ်းပြည်နယ်နှင့် မန္တလေးတိုင်းဒေသကြီး နယ်စပ်မျဉ်း၊ တောင်ဖက်တွင် နယ်မြေ (၂) ဘော်ရွာ အုပ်စုတို့နှင့် ထိစပ်နေသည်။

ကျိုင်းတောင်း
ရွာ
ကျိုင်းတောင်းရွာ
ကျိုင်းတောင်း
မြန်မာနိုင်ငံတွင်း တည်နေရာ
ကိုဩဒိနိတ်: 21°58′01″N 96°34′51″E
နိုင်ငံ မြန်မာ
တိုင်းဒေသကြီး မန္တလေး
ခရိုင်ပြင်ဦးလွင်ခရိုင်
မြို့နယ်ပြင်ဦးလွင်မြို့နယ်
ကျေးရွာအုပ်စုဟိုလိပ်
အချိန်ဇုန်မြန်မာစံတော်ချိန် (UTC+6.30)

ဓနုလူမျိုးများ နေထိုင်ကြသည်။ မြောက်ဖက်တွင်ရှိသော စော်ဘွားတောင် ဘုရားပွဲကို တပေါင်းလပြည့်တွင် ကျင်းပကြသည်။ တောင်ဖက်တွင် နားလင်စေတီကုန်းတော်မှာ အရင်ကထင်ရှားသော်လည်း၊ ယခုတွင် ပျက်စီးစပြုနေပြီဖြစ်သည်။

လမ်းခရီး ဖွံ့ဖြိုးမှု

ပြင်ဦးလွင်မြို့နှင့် ၁၂ မိုင်ခန့် ဝေးကွာပြီး ကျောက်ကြမ်းလမ်းဖြင့် ဆက်သွယ်ထားသည်။ ပြင်ဦးလွင်မြို့ သို့ သွားရာတွင် သရက်ကုန်းရွာ၊ သင်ဂတုံရွာ၊ ရေမောင်းကုန်းရွာ၊ အင်းလျားရွာ၊ ကျီးကိုင်ရွာ၊ ရေချမ်းအိုးရွာ တို့ကို ဖြတ်သွားရပြီး ပဒေသာမြို့သစ် ချယ်ရီလမ်းထိပ်သို့ ရောက်ရှိဝင်ရောက်သည်။ ၂၀၁၉ ခုနှစ်တွင် လျှပ်စစ်မီးရရှိရန် လုပ်ဆောင်လျက်ပြီး ၂၀၁၉ခုနှစ် ဧပြီလ ၂၆ရက်တွင် လျှပ်စစ်မီးရရှိထားသည်။ အိမ်ခြေ ၁၂၀ခန့် ရှိသည်။ ကတ္တရာလမ်းကား သင်ဂတုံရွာအထိ ပေါက်နေပြီဖြစ်သည်။ ကျောက်ကြမ်းလမ်းဖြင့် ရာသီမရွေးသွားလာနိုင်သည်။

ဒေသ သဘာဝ ပွဲတော်

ကျိုင်းတောင်းရွာဦးကျောင်းတွင် နှစ်စဉ် တပေါင်းလပြည့်နေ့ကျော်တွင် ဝိပသာနာတရားစခန်းလည်း နှစ်စဉ်ပြုလုပ်လျက်ရှိသည်။ ထို့ပြင် စော်ဘွားတောင် ဘုရားပွဲကိုလည်း နှစ်စဉ်တပေါင်းလတွင် ကျင်းပကြသည်။


ကိုးကား

  1. Place codes (Pcodes) Myanmar Information Management Unit (June 2020)။


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.