ဗွိုင်ယေဂျာ ၂ အာကာသယာဉ်

ဗွိုင်ယေဂျာ ၂ အာကာသယာဉ် (အင်္ဂလိပ်: Voyager 2) သည် နာဆာ အဖွဲ့မှ ဂျူပီတာဂြိုဟ်၊ စနေဂြိုဟ်၊ ယူရေးနပ်စ်ဂြိုဟ်နှင့် နက်ပကျွန်းဂြိုဟ်တို့ကို လေ့လာရန် အသုံးပြုသော အာကာသယာဉ် ဖြစ်သည်။ ယခုအချိန်တိုင်အောင် ယူရေးနပ်စ်ဂြိုဟ်နှင့် နက်ပကျွန်းဂြိုဟ်တို့တိုင်အောင် သွားရောက်သော တစ်စင်းတည်းသော အာကာသယာဉ် ဖြစ်သည်။ ထို့ကြောင့် ထိုဂြိုဟ် နှစ်ခုနှင့် ဆက်စပ်သော ပုံအများစုမှာ ထိုအာကာသယာဉ်မှ ပေးပို့ခဲ့သော ပုံများပင်ဖြစ်သည်။ ထိုယာဉ်သည် ညီအစ်မယာဉ် ဗွိုင်ယေဂျာ ၁ အာကာသယာဉ် နှင့် တစ်ပုံစံတည်းပင် ဖြစ်သည်။ ထိုအာကာသယာဉ်သည် လက်ရှိတွင် နေအဖွဲ့အစည်းမှ ဝေးရာသို့ ရွေ့လျားနေပြီး နေအဖွဲ့အစည်း အပြင်ဘက်ပိုင်းသို့ ဦးတည် သွားလာလျှက် ရှိသည်။ ၂ဝ၁၅ ခုနှစ် ဧပရယ်လအရ ယာဉ်သည် နေမှ ၁ဝ၈ AU (၁.၆၂×၁ဝ၁ဝ ကီလိုမီတာ) အကွာတွင် ရောက်နေသည်။[4]

Voyager 2
ဗွိုင်ယေဂျာ ၂
မက်ရှင်အမျိုးအစားဂြိုဟ်လေ့လာရေး
အော်ပရေတာNASA / JPL[1]
နိုင်ငံတကာ ဒီဇိုင်းဆရာ1977-076A[2]
ဂြိုလ်တု ကတ်သလောက်နံပါတ်10271[3]
ဝဒ်ဆိုဒ်voyager.jpl.nasa.gov
အာကာသယာဉ် ဂုဏ်သတ္တိများ
ထုတ်လုပ်သူJet Propulsion Laboratory
ပစ်လွှတ် ထုထည်၇၂၁.၉ ကီလိုဂရမ် (၁,၅၉၂ ပေါင်)
ပါဝါ420 watts
မက်ရှင် စတင်ခြင်း
ဒုံးပျံTitan IIIE
ပစ်လွှတ်နေရာCape Canaveral
ဂျူပီတာဂြိုဟ်ကို ဖြတ်၍ပျံသန်း
အနီးဆုံး ချဉ်းကပ်မှုJuly 9, 1979, 22:29:00 UTC
အကွာအဝေး၅၇၀,၀၀၀ ကီလိုမီတာ (၃၅၀,၀၀၀ မိုင်)
စနေဂြိုဟ်ကို ဖြတ်၍ပျံသန်း
အနီးဆုံး ချဉ်းကပ်မှုAugust 25, 1981, 03:24:05 UTC
အကွာအဝေး၁၀၁,၀၀၀ km (၆၃,၀၀၀ mi)
ယူရေးနပ်စ်ဂြိုဟ်ကို ဖြတ်၍ပျံသန်း
အနီးဆုံး ချဉ်းကပ်မှုJanuary 24, 1986, 17:59:47 UTC
အကွာအဝေး၈၁,၅၀၀ km (၅၀,၆၀၀ mi)
နက်ပကျွန်းဂြိုဟ်ကို ဖြတ်၍ပျံသန်း
အနီးဆုံး ချဉ်းကပ်မှုAugust 25, 1989, 03:56:36 UTC
အကွာအဝေး၄,၉၅၀ km (၃,၀၈၀ mi)

ဗွိုင်ယေဂျာ၂ အာကာသယာဉ်ကို ၁၉၇၇၊ ဩဂုတ်လ ၂၀ ရက်တွင် လွှတ်တင် ခဲ့သည်။ ဗွိင်ယေဂျာ ၂ အာကာသယာဉ်သည် မည်သည့်ကြယ်ကိုမှ ဦးတည်ပြီး စေလွှတ်ခဲ့သည် မဟုတ်ပေ။ သို့သော်လည်း နှစ်ပေါင်း ၄ဝဝဝဝ ကြာလျင် ယင်းသည် အလင်းနှစ် ၁.၇ အကွာသို့ ရောက်ရှိမည်ဖြစ်သည်။ အကယ်၍ စက်ပစ္စည်းကောင်းမွန်နေပါက ဗွိင်ယေဂျာ ၂ အာကာသယာဉ်သည် အလင်းနှစ် ၄.၃ အကွာမှ ဆိုင်ရပ်စ်ကြယ်သို့ နှစ်ပေါင်း ၂၉၆ဝဝဝ အကြာတွင် ရောက်ရှိမည်ဖြစ်သည်။ ဗွိင်ယေဂျာ ၂ အာကာသယာဉ်သည် သက္ကရာဇ် ၂ဝ၂၅ ခုနှစ်အထိ အားပျော့သော ရေဒီယိုဆက်သွယ်မှုကို ထုတ်ပေးနေအုံးမည်ဟု မျော်လင့်ရပါသည်။ ထိုနောက်ပိုင်းတွင်ကား လုံလောက်သော လျှပ်စစ်စွမ်းအင်များ ထုတ်ပေးနိုင်တော့မည်မဟုတ်ပါ။


ဗွိုင်ယေဂျာ ၁ နှင့် ဗွိုင်ယေဂျာ ၂ အာကာသယာဉ် နှစ်စင်းစလုံးတွင် ကမ္ဘာပေါ်ရှိ သက်ရှိတို့၏ ပုံများ နှင့် အသံများကို ထည့်သွင်းထားသော ရွှေဓာတ်ပြား တစ်ချပ်စီ ပါရှိသည်။ ထို့ပြင် ဘာသာစကားပေါင်း အမျိုး ၅ဝ ကျော် ထည့်သွင်းထားပြီး ကမ္ဘာမြေတည်နေရာအား ဖော်ပြထားသည်။ ထိုဓာတ်ပြားများကို ဂြိုဟ်သားများနှင့် ဆက်သွယ်နိုင်ရန် ရည်ရွယ်၍ ထည့်သွင်းခဲ့ခြင်း ဖြစ်သည်။

အခြား ကြည့်ရန်

ကိုးကား
  1. VOYAGER:Mission Information။ NASA (1989)။ 21 July 2011 တွင် မူရင်းအား မော်ကွန်းတင်ပြီး။ January 2, 2011 တွင် ပြန်စစ်ပြီး။
  2. Voyager 2။ US National Space Science Data Center။ 25 August 2013 တွင် ပြန်စစ်ပြီး။
  3. VOYAGER 2။ N2YO။ 25 August 2013 တွင် ပြန်စစ်ပြီး။
  4. Voyager - Mission Status
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.