မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး

1. မြန်မာပြည် စစ်အာဏာရှင်စနစ်အောက်မှ လွတ်မြောက်ရေး၊
2. ဒီမိုကရေစီ နှင့် လူအခွင့်အရေး ထွန်းကားရေး၊
3. ပြည်တွင်းငြိမ်းချမ်းရေး၊
4. စစ်မှန်သော ဖက်ဒရယ် ပြည်ထောင်စု ပေါ်ထွန်းရေး၊

ကော်မတီစနစ် ဦးဆောင်မှု အဆင့်ဆင့်ကို ညီလာခံများမှ ရွေးချယ်သည်။ ၁၉၈၈ ခုနှစ်မှ ၂၀၁၄ အထိ ညီလာခံ ၁၀ ကြိမ် ခေါ်ယူကျင်းပခဲ့သည်။

• ၂၀၁၂ ခုနှစ်တွင် အမျိုးသားပြန်လည်သင့်မြတ်ရေးနှင့် ပြည်တွင်းငြိမ်းချမ်းရေးအတွက် တွေ့ဆုံဆွေးနွေးမှုများ အကောင်အထည်ဖော်ဆောင်နိုင်ရေးအတွက် ညှိနှိုင်းဆွေးနွေးမှုများ စတင်ဆောင်ရွက်သည်။
• ၂၀၁၃ ခုနှစ် ဩဂုတ်လ တွင် ရန်ကုန်မြို့၌ ပြည်နယ်အဆင့် ပြည်တွင်းငြိမ်းချမ်းရေး သဘောတူညီချက်များ ကို ကရင်ပြည်နယ်အစိုးရ နှင့် လက်မှတ်ရေးထိုးသည်။
• ၂၀၁၃ ခုနှစ် ဩဂုတ်လ တွင် ရန်ကုန်မြို့၌ ပြည်ထောင်စုအဆင့် ပြည်တွင်းငြိမ်းချမ်းရေးသဘောတူညီချက်များကို ပြည်ထောင်စုငြိမ်းချမ်းရေးဖော်ဆောင်ရေး လုပ်ငန်းကော်မတီ နှင့် လက်မှတ်ရေးထိုးသည်။
• ၂၀၁၅ ခုနှစ် ေအာက်တိုဘာလ ၁၅ ရက်နေ့၌ တစ်နိုင်ငံလုံးပစ်ခတ်တိုက်ခိုက် ရပ်စဲရေး သဘောတူစာချုပ်တွင် ပါဝင်လက်မှတ်ရေးထိုးသည်။

မြန်မာနိုင်ငံနယ်စပ်အသီးသီးတွင် ဖြန့်ကျက်တည်ရှိသည်။ ထိုင်း-မြန်မာ နယ်စပ်ဒေသအခြေပြုအဖွဲ့များအပြင် အိန္ဒိယ နယ်စပ် အခြေစိုက် အဖွဲ့များအား မကဒတ(အနောက်ပိုင်း)၊ တရုတ်နယ်စပ် အခြေစိုက် အဖွဲ့များအား မကဒတ(မြောက်ပိုင်း) နယ်မြေများဖြင့် ဖွဲ့စည်းထားသည်။

• မကဒတ သည် တိုင်းရင်းသားလက်နက်ကိုင်အဖွဲ့အစည်းများအတွင်း လူမျိုးကို အခြေမခံသည့် တခုတည်းသော အဖွဲ့အစည်းတစ်ရပ်ဖြစ်သည်။ သို့သော် တိုင်းရင်းသားလူမျိုးပေါင်းစုံ ပါဝင်ဖွဲ့စည်းထားသည့် အဖွဲ့အစည်း ဖြစ်သည့်အတွက် တိုင်းရင်းသားအဖွဲ့အစည်း တစ်ခု အဖြစ် လက်ခံ သတ်မှတ်ထားကြသည်။
• မကဒတ သည် ကိုယ်ပိုင်သိမ်းပိုက်စိုးမိုးထားသော နယ်မြေမရှိသည့် လက်နက်ကိုင်အဖွဲ့အစည်းတစ်ရပ်ဖြစ်သည်။
• မကဒတ ကို စတင်ဖွဲ့စည်းစဉ်ကတည်းက ကျောင်းသား၊ အလုပ်သမား၊ လယ်သမား အစရှိသည့် လူတန်းစားအရပ်ရပ် ပါဝင်ခဲ့သော်လည်း ၈၈၈၈ အရေးတော်ပုံကြီး ကို ဦးဆောင်စတင်ခဲ့သည့် ကျောင်းသားများကို ရည်ညွှန်း၍ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး နှင့် ကျောင်းသားတပ်မတော် ဟူသော အမည်ကို ရွေးချယ်သတ်မှတ်ခဲ့ကြခြင်းဖြစ်သည်။

၂၀၀၁ ခုနှစ် နိုဝင်ဘာ ၁၁ ကမ္ဘာ့ကုန်သွယ်ရေးအဆောက်အဦး တိုက်ခိုက်ခံရမှုနောက်ပိုင်း မှ ၂၀၁၀ ဒီဇင်ဘာ ၁၀ ရက်နေ့အထိ အမေရိကန်အစိုးရ၏ အကြမ်းဖက်အဖွဲ့အစည်းစာရင်းတွင် ထည့်သွင်းခံခဲ့ရသည်။ [5]

1. MMPM: Stakeholders - ABDSF
2. Burma: Prospects for a Democratic Future, by Robert I. Rotberg
3. အောင်ဇော်ထွန်း (၁၂ အောက်တိုဘာ ၂၀၁၅)။ NCA လက်မှတ်ထိုးမည့် တိုင်းရင်းသားအဖွဲ့ ရှစ်ဖွဲ့အနက် မတရားအသင်းအဖြစ် သတ်မှတ်ထားသည့် အဖွဲ့သုံးဖွဲ့အား မတရားအသင်းအဖြစ်မှ ပြည်ထဲရေးဝန်ကြီးဌာန ပယ်ဖျက်။ Eleven Media Group။ ၁၃ အောက်တိုဘာ ၂၀၁၅ တွင် ပြန်စစ်ပြီး။
4. Account Suspended။ 18 January 2018 တွင် မူရင်းအား မော်ကွန်းတင်ပြီး။ 22 August 2017 တွင် ပြန်စစ်ပြီး။
5. Student army taken off US terror list