ယောင်ဝရွာ၊ ပလက်ဝမြို့နယ်

ယောင်ဝရွာတွင် အိမ်ခြေ​ပေါင်း ၂၀၀ ကျော် ရှိသည်။ ယောင်ဝရွာတွင် ခေါင်စို၊ ခူမီး၊ အာနူး၊ ခေါင်တူး၊ မာရာနှင့် ရခိုင်တိုင်းရင်းသားများ နေထိုင်ကြသည်။

ယောင်ဝရွာမှ မတူပီမြို့သို့ ကုန်းလမ်းဖြင့် ဆက်သွယ်ထား၍ ဆမီးမြို့ကို ရေလမ်း၊ ကုန်းလမ်းဖြင့်၎င်း၊ ကျောက်တော်မြို့ကို ရေလမ်း၊ ကုန်းလမ်းဖြင့်၎င်း၊ ပလက်ဝမြို့ကို ရေလမ်း၊ ကုန်းလမ်းဖြင့် ဆက်သွယ်ထားသည်။

ဦးစိုးထက်စတင်တပ်ဆင်သည့်ဂြိုဟ်တုဖုန်းလိုင်းစနစ်ကို၂၀၁၂-၂၀၁၃မှစ၍ပြည်တွင်း၊ပြည်ပသို့တိုက်ရိုက်ဖုန်းခေါ်ဆိုနိုင်ပြီး၊ဖုန်းအဝင်များလည်းလက်ခံရရှိ၍ဆက်သွယ်ရေးဖုန်းလိုင်းရရှိပါသည်။

ယောင်ဝရွာမှ ငရုတ်၊ ချင်းစိမ်း၊ နှမ်း၊ စပါး၊ ဝဥ၊ ငှတ်ပျော်သီး၊ သရက်သီး၊ နနွင်းစသော စားကုန်များထွက်ရှိပြီး ဆမီးမြို့၊ ပလက်ဝမြို့နှင့် ကျောက်တော်မြို့သို့ တင်သွင်းရောင်းချသည်။ နွား၊ ဝက်၊ ကြက်၊ ဆိတ်များကို အိန္ဒိယနိုင်ငံ၊ မနီပူရ်မြို့သို့ တင်သွင်းရောင်းချသည်။

ယောင်ဝရွာ၏ အခြေခံပညာမူလတန်းကျောင်းကို ၁၉၉၈-၁၉၉၉ခုနှစ်၊ မူလွန်ကျောင်းကို ၂၀၀၆ခုနှစ်၊ အလယ်ခွဲကို၂၀၁၃ခုနှစ်၊ အလယ်တန်းကို ၂၀၁၇ ခုနှစ်၊ အထက်တန်းခွဲကို ၂၀၁၉ ခုနှစ်တွင် တရားဝင်ရရှိခဲ့သည်။