သီရိပျံချီ
ပြည်ထောင်စုမြန်မာနိုင်ငံတော်သည် ၁၉၄၈ ခုနှစ်၊ ဇန်နဝါရီလ ၄ ရက်နေ့တွင် အချုပ်အခြာအာဏာပိုင် လွတ်လပ်သောနိုင်ငံအဖြစ်သို့ရောက်ရှိကာ ပြည်ထောင်စုနိုင်ငံကို တည်ထောင်သည့်အချိန်မှစ၍ နိုင်ငံတော်အစိုးရက ဂုဏ်ထူး၊ ဘွဲ့ထူးများ ပေးအပ်ခြင်း နည်းစနစ်သစ် တီထွင်၍ နိုင်ငံတော်သမ္မတက နှစ်စဉ် လွတ်လပ်ရေးနေ့အထိမ်းအမှတ်အဖြစ်ဖြင့် ချီးမြှင့်သည်။
ဂုဏ်ထူးဘွဲ့ထူးများကို သင်္ဂဟ၊ ဘွဲ့၊ တံဆိပ်၊ ဟူ၍ ၃ မျိုးခွဲခြားရာ၌ သင်္ဂဟပြီးလျှင် ဘွဲ့၊ ဘွဲ့၏အောက် တံဆိပ်ဟူ၍ ဖြစ်သည်။ ဘွဲ့များတွင် သီရိပျံချီ၊ ဝဏ္ဏကျော်ထင်၊ အလင်္ကာကျော်စွာ၊ သိပ္ပံကျော်စွာ၊ ဇေယျကျော်ထင်ဟူ၍ ၅ မျိုးရှိသည်။
- သီရိပျံချီဘွဲ့ကို ပြည်ထောင်စုမြန်မာနိုင်ငံ၏ ကောင်းရာကောင်းကျိုးကို ဖြစ်ထွန်းအောင် ထူးကဲကောင်းမွန်စွာ ဆောင်ရွက်သူများအား ချီးမြှင့်သည်။
- ဝဏ္ဏကျော်ထင်ဘွဲ့ကို အများပြည်သူတို့၏ ကောင်းရာကောင်းကြောင်းကို ဖြစ်ထွန်းအောင် ထူးကဲကောင်းမွန်စွာ ဆောင်ရွက်ခြင်းအတွက် ချီးမြှင့်သည်။
- အလင်္ကာကျော်စွာဘွဲ့ကို စာပေ ပရိယတ္တိ၊ သုခုမပညာ၊ ကခြင်း၊ သီခြင်း၊ ဂီတပညာအရပ်ရပ်တို့တွင် ထူးခြားကောင်းမွန်စွာ တတ်မြောက်သူများအား ချီးမြှင့်သည်။
- သိပ္ပံကျော်စွာဘွဲ့ကို သိပ္ပံပညာ၊ ကုန်ကူးသန်းရောင်းဝယ်ရေးနှင့် စက်မှုလက်မှုပညာရပ်များတွင် ထူးကဲကောင်းမွန်စွာ ဆောင်ရွက်သည့်အတွက် ချီးမြှင့်သည်။
- ဇေယျကျော်ထင်ဘွဲ့ကိုမူ စစ်ဘက်ဆိုင်ရာ အမှုထမ်းကောင်းခြင်းအတွက် ချီးမြှင့်သည်။[1]
ပုံပန်းသဏ္ဌာန်
သီရိပျံချီဘွဲ့တံဆိပ်
လက်ယာရစ်ရွှေခရုသင်းကို သပြေခက်နှစ်ခက်ဝန်းရံထားသောအမှန်တံဆိပ်ပုံဖြစ်ပြီး နိုင်ငံတာဝန်ကိုထူးချွန်ပြောင်မြောက်စွာထမ်းဆောင်ခဲ့သော နယ်ဘက်ဆိုင်ရာ အစိုးရအမှု့ထမ်း၊ ယောက်ျား၊ မိန်းမ၊ အရပ်သားများကို ချီးမြှင့်ခဲ့သည်။
သီရိပျံချီဘွဲ့ ရရှိခဲ့သူများ
သီရိပျံချီဘွဲ့ရရှိခဲ့သော မြန်မာနိုင်ငံသားများ-
- ကောလိယ ဦးစိန်းမောင် (အရေးပိုင်မင်း၊ နိုင်ငံတော်သာသနာရေးအရာရှိချုပ်၊ ဆဋ္ဌသင်္ဂါယနာတင်ပွဲအတွက် သာသနာကဏ္ဍမှ ဦးဆောင်ခဲ့သူ၊ နိုင်ငံတော်ဝန်ကြီးချုပ် ဦးနုကိုယ်တိုင် ကျေးဇူးတင်သဝဏ်လွှာ၌ ထည့်သွင်းဂုဏ်ပြုခဲ့ရသည်။)
- မီးယပ်သားဖွားပါမောက္ခ ဒေါ်ရင်မေ (ဒပ်ဖရင်ဆေးရုံ) (၁၉၄၉)
- ဆေးပညာပါမောက္ခ ဦးမင်းစိန် (၁၉၄၉)
- ဓာတုဗေဒ မင်းကြီး ဦးချစ်သောင်း (၁၉၅ဝ)
- ခန္တီး စော်ဘွားကြီးစဝ်မြစိန် (၁၉၅၂)
- ဦးသန့် ကုလသမဂ္ဂ အထွေထွေအတွင်းရေးမှူးချုပ်(၁၉၅၃)
- ဦးသာမြတ် (၁၉၅၄) (ပျူစာပေ ပညာရှင်)
- ပါမောက္ခ ဒေါက်တာ ဘသန်း (၁၉၅၄) (ရန်ကုန်ဆေးကောလိပ်)
- ဆရာဇေယျ (၁၉၅၅)
- ဝဏ္ဏကျော်ထင် ဦးစိုးရ (၁၉၅၉)
- ဆရာ ဇော်ဂျီ (၁၉၆၁)
- ဝဏ္ဏကျော်ထင် နွယ်စိုး (၁၉၆၁)
- ပါမောက္ခ ဦးဧမောင် (၁၉၆၂)
- ဆရာ မင်းသုဝဏ် (၁၉၆၂) (နိိုင်ငံတော်သမ္မတ ဦးထင်ကျော်၏ဖခင်)
- ဦးဘသောင်း (၁၉၆၂) (အတွင်းဝန်)
- ဦးစိန်ဝင်း (နိုင်ငံတော်ဝန်ကြီးချုပ်နှင့် လွတ်လပ်ရေးမော်ကွန်းဝင်(ပထမဆင့်))
- ဦးသန်းစိန် (ပါလီမန်အတွင်းဝန်)
- အထူးခုံရုံး အဖွဲ့ဝင် ဦးစီဘူး (၁၈၉၈-၁၉၅၃) (၁၉ ဇူလိုင် နိုင်ငံတော် လုပ်ကြံမှုကို စစ်ဆေးစီရင်သော တရားရေးအဖွဲ့ဝင်)
- ဦးမြ (အငြိမ်းစားကျောက်စာဝန်၊ အထူးအရာရှိ၊ ရှေးဟောင်းသုတေသနဌာန)
- ဗိုလ်မှူးကြီး စောမြင့် (လွတ်လပ်ရေးမော်ကွန်းဝင်)
- ဗိုလ်မှူးကြီး မောင်မောင် (လွတ်လပ်ရေးမော်ကွန်းဝင်)
- စည်သူ ဗိုလ်မှူးကြီး ကျော်စိုး (လွတ်လပ်ရေးမော်ကွန်းဝင်)
- ဒုတိယ ဗိုလ်မှူးကြီး မြင့်ဆွေ (သူရဲကောင်းမှတ်တမ်းဝင်၊ လွတ်လပ်ရေးမော်ကွန်းဝင်(ပထမအဆင့်))
- ဗိုလ်မှူးကြီး သီဟသူရ လှမော် (လွတ်လပ်ရေးမော်ကွန်းဝင်(ပထမအဆင့်)) (BC-3570)
- ဦးဘအေး (ပြည်ထောင်စု ရွှေတံဆိပ်ဆုရှင်)
- ဦးဘစိန်
- ဦးဘဉာဏ်
- ဗိုလ်မှူးကြီး ကြည်မောင် (လွတ်လပ်ရေးမော်ကွန်းဝင်) (နောင်တွင် အမျိုးသား ဒီမိုကရေစီ အဖွဲ့ချုပ် စတင်တည်ထောင်ခဲ့သူ)
- ဆရာကြီး ဃာဇီ မုဟမ္မဒ်ဟာရှင်မ်ဟာ
- မှူးသမိန်
- စန်းယု (နိုင်ငံတော်သမ္မတ)
- ဦးအေးကို (နိုင်ငံတော်သမ္မတ)
- ဦးသိန်းဟန် (မြန်မာနိုင်ငံသမိုင်း ကော်မရှင်ဥက္ကဋ္ဌ)
- ဦးထွန်းမြင့် (လင်းခေး)
- စဝ်ခွန်အောင်
- ဦးလွင် (ဒုတိယဝန်ကြီးချုပ်)(နောင် အမျိုးသားဒီမိုကရေစီအဖွဲ့ချုပ် တည်ထောင်သူ၊ နိုင်ငံတော်သမ္မတဟောင်း ဦးထင်ကျော် ၏ယောက္ခမ)
- ဦးခင့်မောင်
- ဦးအေမြလေး
- စောခင်စိုး
- ဦးထွန်းနေလင်း (နီပေါဖက်ဒရယ်ဒီမိုကရက်တစ် သမ္မတနိုင်ငံ ဆိုင်ရာ မြန်မာနိုင်ငံ သံအမတ်ကြီး)
- ဦးခင်အောင်မြင့် ( အမျိုးသားလွှတ်တော် ဥက္ကဋ္ဌ ) (၂၀၁၁)
- ဦးဇော်ဇော် (မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ)
- ဦးတေဇ
- ဦးသိန်းဆွေ (အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ပြည်ထောင်စုဝန်ကြီး)
- စိုးဝင်း (ဒုတိယဗိုလ်ချုပ်မှူးကြီး)[2]
- ဦးဝင်းမြ - သံအမတ်ကြီး (အငြိမ်းစား) (မြန်မာနိုင်ငံ အမျိုးသား လူ့အခွင့်အရေးကော်မရှင် ဥက္ကဋ္ဌ) (၂၀၁၆)[3]
- ဦးကျော်ကျော်မောင် (မြန်မာနိုင်ငံတော်ဗဟိုဘဏ် ဥက္ကဋ္ဌ) (၂၀၁၆)[3]
- စဝ်အောင်မြတ် (ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်) (၂၀၁၆)
- ဦးလှမောင်တင် (ရခိုင်ပြည်နယ် ဝန်ကြီးချုပ်) (၂၀၁၆)[3]
- အဂ္ဂမဟာသီရိသုဓမ္မာသင်္ဂီ ဒေါက်တာဒေါ်မြတ်မြတ်အုန်းခင် (လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ဝန်ကြီး) (၂၀၁၆)[3]
ကိုးကား
အခြားကြည့်ရန်
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.