မူဆလင် ကမ္ဘာ

မူဆလင် ကမ္ဘာ (အင်္ဂလိပ်: Muslim world) ဆိုသည်မှာ အစ္စလာမ် သာသနာကို ကိုးကွယ်ယုံကြည်သော လူအများစုနေထိုင်သည့် အရပ်ဒေသ(နိုင်ငံ) များကို ခေါ်ဝေါ်သည့် အသုံးအနှုန်းဖြစ်သည်။[1] အစ္စလာမ် သာသနာကို သက်ဝင်ယုံကြည်သူများသည် မိုဟမ္မဒိဗ်နေအဗ်ဒွလ္လာ အစ္စလာမ့် တမန်တော်မြတ်ကြီး (ဆွ) ၏နောက်လိုက်များဖြစ်ကြပြီး ဟေဂျားဇ် မှ လူတို့သည် နှစ်ပေါင်း ၁၄၀၀ အရင်ကတည်းက ထိုသာသနာကို လက်ခံသူများဖြစ်ကြသည်။ ကမ္ဘာတစ်ဝှမ်းရှိ မွတ်စလင်မ် တို့သည် မိုဟမ္မဒိဗ်နေအဗ်ဒွလ္လာ (ဆွ) အားနောက်ဆုံးပွင့်တော်မူသော တမန်တော် ကုရ်အာန် သည် အစ္စလာမ်၏ မြင့်မြတ်သောကျမ်း ကစ်ဗလာ နှင့် ဓမ္မသတ် ပညတ်တော်ပိုင်းဆိုင်ရာ အတော်များများတို့ကို ယုံကြည်လက်ခံရာတွင် တူညီမှုရှိကြသည်။

ကမ္ဘာ့မွတ်ဆလင်မ် လူဦးရေ ရာခိုင်နှုန်း (၂၀၁၄)

၂၀၁၃ ခုနှစ်အရ မွတ်ဆလင်မ်နိုင်ငံကြီး ၄၉ နိုင်ငံ၏ စုစုပေါင်း ပြည်တွင်းထုတ်ကုန် GDP (nominal) သည် အမေရိကန် ဒေါ်လာ ၅.၇ ထရီလီယံ ဖြစ်ပြီဂ[2] ၂၀၁၆ ခုနှစ်တွင် တစ်ကမ္ဘာလုံး၏ ၈% ရှိခဲ့သည်။[3] ၂၀၁၅ ခုနှဏ် စာရင်းများအရ ကမ္ဘာ့လူဦးရေ၏ ၂၄.၁% သို့မဟုတ် လူဦးရေသန်း ၁၈၀၀ သည် မွတ်ဆလင်မ်များ ဖြစ်ကြသည်။[4] ဒေသတစ်ခုတွင်းရှိ မွတ်ဆလင်မ်ဟု ခံယူထားကြသူများ၏ စုစုပေါင်း လူဦးရေ ရာခိုင်နှုန်းများအရ ၉၁% သည် အရှေ့အလယ်ပိုင်း-မြောက်အာဖရိက၊[5] ၈၉% သည် အလယ်အာရှ၊[6] ၄၀% သည် အရှေ့တောင်အာရှ၊[7] ၃၁% သည် တောင်အာရှ၊[8][9] ၃၀% သည် အာဖရိက ဆာဟာရဒေသငယ်၊[10] ၂၅% သည် အာရှ–အိုရှန်းနီးယား၊[11] ၆% ခန့်သည် ဥရောပ၊[12] နှင့် ၁% သည် အမေရိကတိုက်များတွင် ဖြစ်သည်။[13][14][15][16]