ဇော်မြင့်မောင်

ဦးဇော်မြင့်မောင် သည် မြန်မာနိုင်ငံသား နိုင်ငံရေးသမားနှင့် နိုင်ငံရေးအကျဉ်းသားဟောင်း တစ်ဦး ဖြစ်သည်။ လက်ရှိတွင် မန္တလေးတိုင်းဒေသကြီး လွှတ်တော်တွင် အမရပူရမြို့နယ်မှ လွှတ်တော် ကိုယ်စားလှယ်အဖြစ် ရွေးကောက်ခံထားရပြီးနောက် မန္တလေးတိုင်းဒေသကြီး ဝန်ကြီးချုပ်အဖြစ် ခန့်အပ်တာဝန်ပေးအပ်ခြင်း ခံရသည်။[1] ၁၉၉၀ အထွေထွေ ရွေးကောက်ပွဲတွင် မဲအရေအတွက် ၂၁,၁၁၉ (၆၆%) ဖြင့် ပြည်သူ့လွှတ်တော် ကိုယ်စားလှယ်အဖြစ် ရွေးကောက်ခံခဲ့ရသည်။[2]

ဒေါက်တာ

ဦးဇော်မြင့်မောင်
ဒုတိယ​မြောက် မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ်
တာဝန်သက်တမ်း
၃၀ မတ် ၂၀၁၆  ၁ ​ဖေ​ဖော်ဝါရီ ၂၀၂၁
ယခင်လူဦးရဲမြင့်
မန္တ​လေးတိုင်း​ဒေသကြီးလွှတ်​တော်ကိုယ်စားလှယ်
တာဝန်သက်တမ်း
၈ ဖေဖော်ဝါရီ ၂၀၁၆  ၃၁ ဇန်နဝါရီ ၂၀၂၁
မဲဆန္ဒနယ်အမရပူရမြို့နယ် မဲဆန္ဒနယ် ၁
ပြည်သူ့လွှတ်တော် ကိုယ်စားလှယ်
တာဝန်သက်တမ်း
၂ မေ ၂၀၁၂  ၂၉ ဇန်နဝါရီ ၂၀၁၆
ယခင်လူဦးလှထွန်း
ဆက်ခံသူဦးရွှေကို
မဲဆန္ဒနယ်ကျောက်ပန်းတောင်းမြို့နယ်
ပြည်သူ့လွှတ်တော် ရွေးကောက်ခံ ကိုယ်စားလှယ်
ယခင်လူအခြေခံဥပဒေ စတင်
ဆက်ခံသူအခြေခံဥပဒေ ဖျက်သိမ်း
မဲဆန္ဒနယ်အမရပူရမြို့နယ် မဲဆန္ဒနယ် ၁
အနိုင်ရမဲ အရေအတွက်၂၁,၁၁၉ (၆၆%)
ကိုယ်ရေး အချက်အလက်များ
မွေးဖွား (၁၉၅၁-၁၂-၁၁) ဒီဇင်ဘာ ၁၁၊ ၁၉၅၁
အမရပူရမြန်မာနိုင်ငံ
လူမျိုးမြန်မာ
နိုင်ငံရေးပါတီအမျိုးသားဒီမိုကရေစီအဖွဲ့ချုပ်
Relationsဦးချစ်မောင် (ဖခင်)
မိခင်ကျောင်းမန္တလေးဆေးတက္ကသိုလ်
အလုပ်အကိုင်မန္တလေးတိုင်းဒေသကြီး ဝန်ကြီးချုပ်၊ နိုင်ငံရေးသမား၊ ဆရာဝန်

ငယ်စဉ်ဘဝ

၁၉၅၁ ခုနှစ် ဒီဇင်ဘာလ ၁၁ ရက်နေ့တွင် မန္တလေးတိုင်း၊ အမရပူရမြို့နယ်တွင် မွေးဖွားခဲ့သည်။ ၁၉၇၉ ခုနှစ်တွင် မန္တလေးဆေးတက္ကသိုလ်မှ ဆရာဝန်ဘွဲ့ ရရှိခဲ့သည်။[2] ယင်းနောက် စစ်ကိုင်းတိုင်းရှိ ရွာသစ်ကြီးဆေးရုံတွင် အလုပ်လုပ်ကိုင်ခဲ့သလို ၁၉၈၃ ခုနှစ်မှ ၁၉၈၈ ခုနှစ်အထိ မန္တလေးတက္ကသိုလ်တွင် ဓာတုဗေဒသရုပ်ပြ အဖြစ် လုပ်ကိုင်ခဲ့သည်။[2]

နိုင်ငံရေး

ပါတီစုံ ဒီမိုကရေစီ အထွေထွေ ရွေးကောက်ပွဲ၊ ၁၉၉၀ တွင် အမရပူရမြို့နယ်မှ အမျိုးသား ဒီမိုကရေစီ အဖွဲ့ချုပ် ကိုယ်စားပြု အမတ်အဖြစ်ရွေးကောက်တင်မြှောက်ခြင်း ခံရသည်။ သို့သော်နိုင်ငံရေးအခြေအေနများကြောင့် ၁၉၉၀ ခုနှစ် နိုဝင်ဘာလ ၂၂ ရက်နေ့တွင် ဖမ်းဆီးခံခဲ့ရပြီး ပြစ်မှုဆိုင်ရာ ဥပဒေပုဒ်မ ၁၂၂ ဖြင့် ထောင်ဒဏ် ၂၅ နှစ် ချမှတ်ခံခဲ့ရသည်။[2] ရန်ကုန်တက္ကသိုလ် ၇၅ နှစ်မြောက် နှစ်ပတ်လည်တွင် မဂ္ဂဇင်းထုတ်ဝေခဲ့မှုကြောင့် ၁၉၉၆ ခုနှစ် မတ်လတွင် ၁၉၅၀ အရေးပေါ်အက်ဥပဒေဖြင့် နောက်ထပ် ၇ နှစ် ထပ်မံချမှတ်ခံခဲ့ရသည်။[2] မြစ်ကြီးနား အကျဉ်းထောင်တွင် စုစုပေါင်း ၁၉ နှစ် ထောင်ဒဏ်ကျခံခဲ့ရပြီး[3] ၂၀၀၉ ခုနှစ် ဖေဖော်ဝါရီ ၂၁ ရက်နေ့တွင် လွတ်မြောက်လာခဲ့သည်။[3]

ထို့နောက် ကြားဖြတ် ရွေးကောက်ပွဲ၊ ၂၀၁၂တွင် ကျောက်ပန်းတောင်မြို့နယ် ကိုယ်စားပြု၍ ပြည်သူ့လွှတ်တော်ကိုယ်စားလှယ်အဖြစ် ရွေးကောက်တင်မြှောက်ခြင်း ခံခဲ့ရသည်။ အထွေထွေ ရွေးကောက်ပွဲ၊ ၂၀၁၅တွင် မန္တလေးတိုင်းဒေသကြီး လွှတ်တော်အတွက် အမရပူရမြို့နယ် ကိုယ်စားပြုရွေးကောက်တင်မြှောက်ခြင်း ခံခဲ့ရကာ ထိုမှတဆင့် မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ် ဖြစ်လာခဲ့သည်။

အိမ်ထောင်ရေး

ဇနီးဖြစ်သူ ဒေါက်တာ ဒေါ်ယုယုမေနှင့် အိမ်ထောင်ကျကာ သမီး (၁) ဦးရှိသည်။

ကိုးကား

  1. "Names of Pyithu Hluttaw representatives announced"၊ ပြည်ထောင်စု ရွေးကောက်ပွဲ ကော်မရှင်၊ Government of Myanmar၊ 2 April 2012 5 October 2012 တွင် ပြန်စစ်ပြီး
  2. Khin Kyaw Han (1 February 2003)။ Brief Biographies of Elected MPs 1990 Multi-party Democracy General Elections 5 October 2012 တွင် ပြန်စစ်ပြီး။
  3. released Political Prisoners from 2007 to date Assistance Association for Political Prisoners (Burma) (2008)။ 5 October 2012 တွင် ပြန်စစ်ပြီး။
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.