မိစောဦး

မိစောဦး (မင်းစောဦး ဟုလည်း သိကြ) သည် ပုဂံ မင်းသမီးတစ်ပါး ဖြစ်ပြီး ပင်းယဘုရင်များဖြစ်သော ကျော်စွာ နှင့် သီဟသူတို့၏ မိဖုရားဖြစ်သည်။ ထို့အပြင် ဥဇနာ နှင့် ကျော်စွာဘုရင်များ၏ မယ်တော်လည်း ဖြစ်သည်။[2] မိစောဦးသည် ပုဂံနောက်ဆုံးမင်းဆက်ဖြစ်သော နရသီဟပတေ့မင်း၏ သမီးတော်တစ်ပါး ဖြစ်သည်။ ဝမ်းကွဲအစ်ကိုဖြစ်သော ကျော်စွာနှင့် လက်ထပ်ခဲ့ပြီး အေဒီ ၁၂၉၇ ဒီဇင်ဘာတွင် ဥဇနာ ကိုယ်ဝန်လွယ်ထားရချိန်တွင် ကျော်စွာကို နန်းချ၍ နန်းတက်လာသော သီဟသူက သူမကို သိမ်းပိုက်ခဲ့သည်။ သီဟသူမင်းသည် ဥဇနာအား မိမိရင်သွေးကဲ့သို့ ပြုစုစောင့်ရှောက်ခဲ့ပြီး နောက်ပိုင်းတွင် ထီးနန်းဆက်ခံသူအဖြစ် ရွေးချယ်ခဲ့သည်။ မိစောဦးသည် သီဟသူမင်းနှင့် မွေးဖွားသော ကလေးကို ကျော်စွာဟု အမည်ပေးခဲ့သည်။[3] ဥဇနာနှင့် ကျော်စွာတို့ နှစ်ဦးစလုံးသည် ပင်းယထီးနန်းကို ဆက်ခံခဲ့ကြသည်။ သူမ၏ အငယ်ဆုံး သားတော် နော်ရထာသည် နောင်တော် ကျော်စွာနှင့် အငြင်းပွားပြီးနောက် အေဒီ ၁၃၄၉ ခန့်တွင် စစ်ကိုင်း နေပြည်တော် သို့ ခိုလှုံခဲ့သည်။[4]