ဘောလခဲမြို့နယ်

မင်းတုန်းမင်းလက်ထက်တွင် ဖဘန့်မင်း(ဖိုးဘျား)​စော်ဘွားကြီးအုပ်ချုပ်​သော နယ်ပယ်တစ်ခုအဖြစ် တည်ရှိခဲ့သည်။​ဘောလခဲဟူ​သောစကားမှာ ယင်းတလဲဘာသာစကားဖြင့် မှည့်​ခေါ်​သော တ​ဘော့လျာနှင့် တခဲလျာ ​ချောင်းနှစ်​ချောင်းအကြားတွင် တည်ရှိပြီး အဆိုပါ​ချောင်းနှစ်​ချောင်းကို​ပေါင်းပြီး တ​ဘော့တခဲဟု မှည့်​ခေါ်ထားသည်။အချိန်ကြာ​သော် ​ဘောလခဲဖြစ်လာခဲ့သည်။​ဘောလခဲကို ​ဟော်နန်းစိုက်၍ စိုးစံ​သော ဖဘန့်မင်းလက်ထက်တွင် တိကျ​သော နယ်နိမိတ်မရှိ​သော်လည်း နယ်ချဲ့တို့လက်ထက်တွင် နယ်နိမိတ် သတ်မှတ်ခဲ့သည်။​ဘောလခဲ​စော်ဘွားလက်ထက်တွင် ​တောင်ပိုင်း​ဘောလခဲနှင့် ​မြောက်ပိုင်း​ဘောလခဲဟူ၍ ၂ပိုင်းရှိသည်။​တောင်ပိုင်း​ဘောလခဲတွင် ဖား​ဆောင်း၊​မော်ချီးနှင့် နန်းဖဲ၊ ​မြောက်ပိုင်း​ဘောလခဲတွင် နန်းဖယ်ခုံ၊ ​ဒေါ​ရောက်ခူ၊ ​ဆောင်းဒူးနှင့် မုဆိုးတို့ပါဝင်သည်။ ၁၉၆၀ပြည့်နှစ်တွင် ကယားပြည်နယ်ကို ​စောဖျာဒူးဟု​ခေါ်​သော ​စော်ဘွားအုပ်ချုပ်နယ်၃နယ်မှ မြို့နယ်၆ခုအထိ တိုးချဲ့ဖွဲ့စည်းရာ ​ဘောလခဲနယ်မှာ ​ပျောက်ကွယ်ခဲ့ရသည်။ယခင် ​တောင်ပိုင်း​ဘောလခဲကို ဖား​ဆောင်းနယ်​မြေအတွင်းလည်း​ကောင်း၊ ​မြောက်ပိုင်း​ဘောလခဲကို ဒီး​မော့ဆိုမြို့နယ်အဖြစ်လည်း​ကောင်း ထည့်သွင်းဖွဲ့စည်းခဲ့သည်။၁၉၇၂ခုနှစ် ဇူလိုင်လ၈ရက်​နေ့တွင် ​ဘောလခဲမြို့ကို ပြန်လည်ဖွဲ့စည်းခဲ့သည်။

​ဘောလခဲမြို့နယ်တွင်နေထိုင်ကြသော တိုင်းရင်းသားလူမျိုးစုများတွင် ကယားလူမျိုးများ အများဆုံးနေထိုင်ကြသည်။ထို့နောက် ရှမ်း၊ဗမာ၊ကရင်၊ချင်းနှင့် ရခိုင်လူမျိုးများ အစဉ်လိုက်များပြားစွာနေကြသည်။ကိုးကွယ်မှုအနေဖြင့် ဗုဒ္ဓဘာသာကို အများဆုံး ကိုးကွယ်ကာ ခရစ်ယာန်ဘာသာကိုးကွယ်သူဦးရေမှာ အစဉ်လိုက်များပြားသည်။

ဘောလခဲမြို့နယ်၏ လူဦးရေမှာ ၂၀၁၄ ခုနှစ် သန်း​ခေါင်စာရင်းအရ ၈,၄၈၀ ဦး ဖြစ်ပြီး[3] ၂၀၁၈ ခုနှစ် မတ်လအထိ လူဦးရေမှာ ၇,၇၃၉ ဦး ဖြစ်ကာ ဘောလခဲမြို့ပေါ်တွင် ၂,၉၇၀ ဦး၊ ဘော်လခဲကျေးလက်ဒေသတွင် ၄,၇၆၉ ဦးနှင့် ရွာသစ်မြို့ပေါ်တွင် ၂၂၃၃ ဦးတို့ နေထိုင်ကြသည်။[1]

​ဘောလခဲမြို့နယ်သည် ကယားပြည်နယ်အတွင်းရှိ စီးပွား​ရေး ဖွံ့ဖြိုးမှု​နှေး​ကွေး​သော​မြို့နယ်ဖြစ်သည်။မြို့နယ်​နေလူထုသည် ​တောင်ယာနှမ်းစိုက်ပျိုးခြင်းကို အဓိက လုပ်ကိုင်ကြသည်။အိမ်တွင်းစက်မှုလက်မှုလုပ်ငန်း ၃ခုရှိသည်။

ဘောလခဲမြို့နယ်တွင် လမ်းပန်းဆက်သွယ်ရေးအတွက် ရေကြောင်း၊ လေကြောင်းနှင့် မီးရထားလမ်းများ မရှိဘဲ ကားလမ်းတစ်မျိုးသာ ရှိသည်။

ဘော်လခဲမြို့နယ်တွင် ခုတင် ၅၀ ဆံ့ မြို့နယ်ဆေးရုံ ၁ ခု၊ ၁၆ ကုတင်ဆံ့ တိုက်နယ်ဆေးရုံ ၁ ခု၊ ကျေးလက်ကျန်းမာရေးဌာန ၂ ခု၊ နှင့် ကျေးလက်ကျန်းမာရေး ဌာနခွဲ ၁၅ ခု ရှိသည်။[1]