အားမဇွန်
ဂရိဒဏ္ဍာရီတွင် အားမဇွန် (အင်္ဂလိပ်: Amazons; ရှေးဟောင်းဂရိ: Αμαζόνες Amazónes, singular Αμαζών Amazōn)) သည် အေးရှမိုင်းနားဒေသတွင် နေထိုင်ခဲ့သည်ဟု ယူဆရသော သူရဲကောင်းအမျိုးသမီး မျိုးနွယ်စုတစ်ခုဖြစ်သည်။ ရိုးဒ်စ်ကျွန်းမှ အပေါလိုနိယပ်စ်က ၎င်း၏ အာဂွန်နော့တီကာ ကဗျာတွင် အားမဇွန်များသည် အဲရီးဇ်နှင့် ဟာမောနီယာ တို့၏ သမီးများဟု ဖော်ပြကာ ၎င်းတို့သည် ကြမ်းတမ်းရက်စက်ကြ၍ ဘဝတွင် ၎င်းတို့၏ အဓိကအရေးမှာ စစ်ပွဲ ဟူ၍လည်း ဆိုထားသည်။[1][2]
| ဂရိဒဏ္ဍာရီ |
|---|
 |
| နတ်ဘုရားများ |
|
| သူရဲကောင်းနှင့် သူရသတ္တိ (ဆောင်ရွက်ချက်) |
|
| ဆက်နွယ်မှုများ |
|
အားမဇွန်ဘုရင်မများထဲက ပန်သက်ဆီးလီယာသည် ထင်ရှား၍ ထရိုဂျန်စစ်ပွဲတွင် ပါဝင်ဆင်နွှဲခဲ့သူဖြစ်၏။ သူမ၏ညီမ ဟစ်ပေါလစ်တာတွင် ဖခင်ဖြစ်သူ အဲရီးဇ်က ပေးထားသော မှော်အစွမ်းရှိ ခါးပန်းကြိုးရှိကာ ထိုပစ္စည်းသည် ဟဲရာကလီးဇ်၏ လုပ်ငန်းတာဝန် (၁၂)ရပ်ထဲက လုပ်ဆောင်ရသော အလုပ်တစ်ခုလည်းဖြစ်သည်။ မိခင်သည် အိုထရီးရာဖြစ်၍ ပထမဆုံး အားမဇွန်ဘုရင်မဖြစ်သည်။ အားမဇွန်များသည် ထရိုဂျန်စစ်ပွဲ၌ ထရွိုင်ဘက်ကဝင်၍ ကူတိုက်ပေးခဲ့သည်။[3] ဒိုင်ယာဒေါရပ်စ်က အားမဇွန်အနွယ်များသည် ဘုရင်မ မိရီနာ (Myrina) လက်အောက်တွင် လစ်ဗျားမှ နေ၍ ခရီးသွားလာခဲ့ကြသည်ဟု ဖော်ပြသည်။[4] ဂန္ထဝင်အနုပညာရပ်တွင် ထိုအမျိုးသမီးစစ်သူရဲကောင်းများကို ဂရိများနှင့် တိုက်ခိုက်သည့် တိုက်ပွဲတွင် များသောအားဖြင့် မှုန်းချယ်ရေးဆွဲတတ်ကြသည်။ ခေတ်သစ် အစောပိုင်းကာလမှစ၍ ၎င်းတို့၏အမည် အားမဇွန် (Amazon) သည် အမျိုးသမီးသူရဲကောင်းများအတွက် ယေဘုယျသုံးစွဲသော ဝေါဟာရဖြစ်လာခဲ့သည်။ ဤမျိုးနွယ်များသည် မြို့များစွာကို တည်ထောင်ခဲ့ကြသည်ဟုလည်း ဆိုကြသည်။
ကိုးကား
- ARES FAMILY - Greek Mythology။
- Argonautica: Book 2: line 911။
- Roman, L., & Roman, M. (2010). Encyclopedia of Greek and Roman mythology., p. 56, at Google Books
- Religious Cults Associated with the Amazons: Chapter I: The Amazons in Greek Legend။