တောင်ပုံလောကနာထ ဂူဘုရား
တောင်ပုံလောကနာထ ဂူဘုရားသည် မြန်မာနိုင်ငံ၊ မန္တလေးတိုင်းဒေသကြီး၊ ပုဂံတွင် တည်ရှိသည်။ ဆူးလေကုန်းအစု ဘုရားများမှ အရှေ့တောင်ဘက်အရပ် ရွှေချောင်း (ဝက်ကြီးအင်းချောင်း)၏ မြောက်ဘက်ကမ်း ယာတစ်ခင်းကျော်နေရာ အကွာတွင် တောင်ပုံလောကနာထဂူဘုရား ရှိသည်။ ဤဂူအတွင်း မဏ္ဍိုင်လေးမျက်နှာတွင် အင်္ဂတေပန်းတံကဲများ လှပဆန်းကြယ်စွာရှိ၍ အတွင်းမဏ္ဍိုင် အချိုင့်မုခ်တစ်ခုမှာ အပေါ်ကတောင်ပုံများ အထပ်ထပ်နှင့် ဂူများသဏ္ဌာန်ပြုလုပ်ထားပြီး အောက်အချိုင့်တွင် လောကနာထ ဗောဓိသတ္တအထိုင်ပုံ အကြွင်းအကျန် ရှိလေသည်။ ဤကဲ့သို့ လှပဆန်းကြယ်သော တောင်ပုံ အင်္ဂတေလက်ရာ များရှိသော မုခ်ချိုင့်များမှာ ဤအဆောက်အအုံတစ်ခုတည်း၌သာ ပုဂံဒေသတစ်ဝိုက်သာ ရှိလေသည်။[1]
- စေတီပုထိုးအမှတ် = ၃၁၅/၂၈၁
ကိုးကား
- ဦးဗိုကေ - ပုဂံသုတေသနလမ်းညွှန်
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.