ကရင်ပြည်သူ့ပါတီ

ကရင်ပြည်သူ့ပါတီ (အင်္ဂလိပ်: Kayin Peoples Party၊ အတိုကောက် KPP သို့မဟုတ် ကပပ) သည် မြန်မာနိုင်ငံရှိ နိုင်ငံရေးပါတီတစ်ခုဖြစ်သည်။ ပါတီဝင်အရေအတွက်မှာ တစ်သိန်းနှစ်သောင်း ဖြစ်သည်။ ၂၀၁၅ အထွေထွေ ရွေးကောက်ပွဲတွင် ရန်ကုန်၊ ပဲခူး၊ ဧရာဝတီ၊ တနင်္သာရီ၊ မွန်ပြည်နယ်၊ ကရင်ပြည်နယ် မဲဆန္ဒနယ်များမှ ဝင်ရောက် ယှဉ်ပြိုင်ခဲ့သည်။ ပါတီ၏မူဝါဒမှာ ပါတီသည် ကရင်အမျိုးသားရေးကို ဦးစားပေး (၁) အဖြစ် လုပ်ဆောင်ပြီး တိုင်းရင်းသား လုပ်သားပြည်သူအားလုံး၏ အကျိုးကို ကျယ်ကျယ်ဝင့်ဝင့် လုပ်ဆောင်ရန် ဖြစ်သည်။[1]

ကရင်ပြည်သူ့ပါတီ
အင်္ဂလိပ် အမည်	Kayin Peoples Party
အထွေထွေ အတွင်းရေးမှူး	ဦးစောစေးဝါး
ဥက္ကဋ္ဌ	ဦးထွန်းအောင်မြင့်
ဆောင်ပုဒ်	KPP (ကရင်ပြည်သူ့ပါတီ) ဖားစည်တီး ပြည်ကြီးသာရမည်
တည်ထောင်ခြင်း	မေ ၂၁၊ ၂၀၁၀ (၂၀၁၀-၀၅-၂၁)[1]
ဌာနချုပ်	ရပ်ကွက် (၅)၊ ရွှေပြည်သာမြို့နယ်၊ ရန်ကုန်တိုင်းဒေသကြီး
အဖွဲ့ဝင်	၁၂၀,၀၀၀[2]
နိုင်ငံရေး သဘောတရား	ကရင်အမျိုးသားရေး
အရောင်	အပြာ၊ အနီ၊ အဖြူ
အမျိုးသားလွှတ်တော် အမတ်နေရာ	၀ / ၂၂၄
ပြည်သူ့လွှတ်တော် အမတ်နေရာ	၀ / ၄၄၀
ကရင်ပြည်နယ် လွှတ်တော် အမတ်နေရာ	၁ / ၂၃
ပါတီအလံ
မြန်မာနိုင်ငံ၏ နိုင်ငံရေး နိုင်ငံရေးပါတီများ

ကရင်တိုင်းရင်းသားများအား စောင့်ရှောက်နိုင်ရန်၊ တိုင်းပြည်အတွက် ကောင်းမွန်သည့်အလုပ်များ လုပ်ပေးရန် ရည်ရွယ်၍ ပါတီတည်ထောင်ခဲ့သည်။ ၂၀၁၀ ခုနှစ် မတ်လ ၃၁ တွင် ပါတီတည်ထောင်ခွင့် လျှောက်ထားခဲ့ရာ ၂၀၁၀ ခုနှစ် ဧပြီလ ၂၉ ရက်နေ့တွင် တည်ထောင်ခွင့် ရရှိခဲ့သည်။ ၂၀၁၀ ခုနှစ် မေလ ၁၂ ရက်နေ့တွင် ပါတီမှတ်ပုံတင် လျှောက်ထားခဲ့ပြီး မေလ ၂၁ ရက်နေ့တွင် ပါတီအမှတ်စဉ် ၉ ဖြင့် မှတ်ပုံတင်ခွင့် ရရှိခဲ့သည်။