ဝိစိကိစ္ဆာ

1. ရှေး၌ ငါဖြစ်ဖူးပြီလော။
2. ရှေး၌ ငါမဖြစ်ဖူးသေးလော။
3. အဘယ်အမျိုးအနွယ်အားဖြင့် ဖြစ်ဖူးလေသနည်း။
4. အဘယ်အဆင်းသဏ္ဌာန်အားဖြင့် ဖြစ်ဖူးလေသနည်း။
5. အဘယ်အမျိုးအနွယ်ဖြစ်၍ အဘယ်အမျိုးအနွယ် ဖြစ်ခဲ့ရလေသနည်း။(ဤသည်မှာ အတိတ်၌ ယုံမှားခြင်းငါးပါး ဖြစ်သည်။) [1]

1. နောင်၌ ငါဖြစ်ရလတ္တံ့လော။
2. နောင်၌ ငါမဖြစ်ရလတ္တံ့လော။
3. အဘယ်အနွယ်အားဖြင့် ဖြစ်ရလတ္တံ့နည်း။
4. အဘယ်အဆင်းသဏ္ဌာန်အားဖြင့် ဖြစ်ရလတ္တံ့နည်း။
5. အဘယ်အမျိုးအနွယ်ဖြစ်၍ အဘယ်အမျိုးအနွယ် ဖြစ်ရလတ္တံ့နည်း။ (ဤကား အနာဂတ်၌ ယုံမှားခြင်းငါးပါး ဖြစ်သည်။) [1]

1. ယခု ငါသည် ဖြစ်ဆဲလော။
2. ယခု ငါသည် ဖြစ်ဆဲမဟုတ်လေသလော။
3. အဘယ်အမျိုးအနွယ်အားဖြင့် ဖြစ်လေသနည်း။
4. အဘယ်အဆင်းသဏ္ဌာန်အားဖြင့် ဖြစ်လေသနည်း။
5. အဘယ်ဘဝမှ လာခဲ့သနည်း။
6. အဘယ်ဘဝသို့ သွားရမည်နည်း။ (ဤကား ပစ္စုပ္ပန်၌ ယုံမှားခြင်း (၆) ပါး ဖြစ်သည်။) [1]

1. ဘုရား၌ ယုံမှားခြင်း
2. တရား၌ ယုံမှားခြင်း
3. သံဃာ၌ ယုံမှားခြင်း
4. အကျင့်သိက္ခာ၌ ယုံမှားခြင်း
5. သံသရာ၏ ရှေ့အစွန်း၌ ယုံမှားခြင်း
6. သံသရာ၏ နောက်အစွန်း၌ ယုံမှားခြင်း
7. သံသရာ၏ ရှေ့နောက်အစွန်းနှစ်ပါး၌ ယုံမှားခြင်း
8. ပဋိစ္စသမုပ္ပါဒ်တရား၌ ယုံမှားခြင်း။ (ဤသည်မှာ အဘိဓမ္မာလာ ဝိစိကိစ္ဆာရှစ်ပါး ဖြစ်သည်။) [1]

ရုပ်နာမ်ခန္ဓာ သတ္တဝါတို့မှာ ရှေးအကြောင်းဟူ၍ မရှိဟု ယူသော အဟောတုကဒိဋ္ဌိ, ရုပ်နာမ်ခန္ဓာ သတ္တဝါတို့ကို ထာဝရဘုရားဖန်ဆင်းသည်ဟူ၍ ယူသော ဝိသမဟေတုဒိဋ္ဌိ အစရှိသည့် ဒိဋ္ဌိအမျိုးမျိုးတို့ကိုလွန်မြောက်သော် ကင်္ခါဝိတရဏဝိသုဒ္ဓိ ဖြစ်သည်။[1]