နမ့်စန်မြို့

နမ့်စန်မြို့သည် လွိုင်လင်ခရိုင်၊ ရှမ်းပြည်နယ်တွင် တည်ရှိပြီး နမ့်စန်မြို့နယ်၏ အုပ်ချုပ်မှုရုံးစိုက်ရာ မြို့လည်းဖြစ်သည်။ နမ့်စန်မြို့သည် ရှမ်းပြည်နယ် အရှေ့အလယ်ပိုင်းတွင် အကြီးဆုံးမြို့တစ်မြို့လည်း ဖြစ်သည်။ တောင်ကြီးမြို့နှင့် ၇၂ မိုင်ခန့် ကွာဝေးပြီး တောင်ကြီး-တာချီလိတ် လမ်းမပေါ်တွင် တည်ရှိသည်။ယခုအခါတွင် ရန်ကုန်-နမ့်စန်၊ မန္တလေး-နမ့်စန် ကားဂိတ်များလည်း ရှိလာသည်။ မြို့၏ တောင်ဘက်ခြမ်းတွင် စေတီတစ်ဆူ တည်ရှိပြီး ဘွဲ့အမည်ကို တောင်ပေါ်စေတီဟုသာ ခေါ်ကြသည်။ ဗုဒ္ဓဘာသာဝင်များ များပြားပြီး ဘုန်းကြီးကျောင်း ၃၀ ခန့် တည်ရှိသည်။ ဟိန္ဒူဘာသာ နှင့် အစ္စလာမ် ဘာသာကိုးကွယ်သူများလည်း ရှိကြသည်။ ဘာသာရေးအနေဖြင့် အလှူအတန်း ရက်ရောကြသည်။ မြို့နေ လူဦးရေ ၃ သောင်းခန့် မှီတင်းနေထိုင်ကြပြီး ကျေးလက်နေ လူဦးရေ ၄ သောင်းခန့် နေထိုင်ကြသည်။ အများစုမှာ ရှမ်းများဖြစ်ကြကာ ဗမာလူမျိုး၊ ပအိုဝ်းလူမျိုး၊ ပလောင်လူမျိုး၊ လီဆူးလူမျိုး၊ ယင်း လူမျိုး အနည်းငယ်လည်း ရှိသည်။ စိုက်ပျိုး​​ရေး လုပ်ငန်းအနေနှင့် စပါး၊ ပြောင်း၊ နှမ်း အစရှိသည်တို့ကို စိုက်ပျိုးကြသည်။ တိုင်းရင်းသား လက်နက်ကိုင်အဖွဲ့ များလည်း ရှိကြသည်။

ဤဆောင်းပါးသည် ရှမ်းပြည်နယ်တောင်ပိုင်းရှိ မြို့ အကြောင်း ဖြစ်သည်။ ရှမ်းပြည်နယ်မြောက်ပိုင်းရှိမြို့ အတွက် နမ့်ဆန်မြို့ ကို ကြည့်ပါ။
နမ့်စန်မြို့
ဝေင်ꩻနမ်းစင်
မြို့
နမ့်စန်မြို့
Location in Burma
ကိုဩဒိနိတ်: 20°53′24″N 97°44′11″E
နိုင်ငံ မြန်မာ
ပြည်နယ်ရှမ်းပြည်နယ်
ခရိုင်လွိုင်လင်ခရိုင်
မြို့နယ်နမ့်စန်မြို့နယ်
ပင်လယ်ရေ မျက်နှာပြင်အမြင့်၉၆၅ မီတာ (၃၁၆၅ ပေ)
လူဦးရေ
 • စုစုပေါင်း၇၀,၀၀၀
အချိန်ဇုန်MST (UTC+6.30)

လမ်းပန်းဆက်သွယ်ရေး

ယခင် ဗြိတိသျှ တော်ဝင်လေတပ်မတော်၏ လေယာဉ်ကွင်းအား နမ့်စန် လေယာဉ်ကွင်းအဖြစ် ဆက်လက်အသုံးပြုခဲ့သည်။[1] အမှတ် (၄) ပြည်ထောင်စု အဝေးပြေးလမ်းမကြီးသည် နမ်စန့်မြို့အား ဖြတ်သန်းသွားပြီး တာချီလိတ်မြို့အထိ ဆက်သွယ်ပေးထားသည်။ အမှတ် (၄၅) ပြည်ထောင်စု အဝေးပြေးလမ်းမကြီးသည်လည်း နမ့်စန်မြို့ကို ထိုင်းနိုင်ငံနယ်စပ်ရှိ မိုင်းတုံမြို့နှင့် ဆက်သွယ်ပေးထားသည်။[2][3]S ၁၉၉၅ ခုနှစ်မှစ၍ မြန်မာ့ မီးရထား၏ ရထားကွန်ယက်နှင့် ချိတ်ဆတ်မိကာ ရထားပြေးဆွဲမှုများလည်း ရှိနေခဲ့သည်။ ယခုအခါတွင် ရန်ကုန်-နမ့်စန်၊ မန္တလေး-နမ့်စန် ကားဂိတ်များလည်း ရှိလာသည်။

ကိုးကား
  1. Bond၊ Charles R.; Anderson၊ Terry H. (1 October 1988)။ A Flying Tiger's Diary။ Texas A&M University Press။ p. 118။ ISBN 978-0-89096-408-8။ 28 September 2011 တွင် ပြန်စစ်ပြီး။
  2. Maps (မြေပုံ)။ Google Maps။ Cite has empty unknown parameter: |1= (အကူအညီ); |access-date= က |url= ကို လိုအပ်သည် (အကူအညီ)
  3. Bing Maps (မြေပုံ)။ Microsoft and Harris Corporation Earthstar Geographics LLC။ |access-date= က |url= ကို လိုအပ်သည် (အကူအညီ)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.